L'AMANT. — LE CUEUR

l'amant.

Se je vous dy bonne nouvelle, Mon cueur, que voulez-vous donner?

LE CUEUR

Elle pourroit bien estre telle Que moult cbier la vueil acheter.

l'amant.

Nul guerdon n'en quier demander.

LE CUEUR

Dictes tost doncques, je vous prie :

J'av grant désir de la scavoir.

l'amant.

C'est de vostre dame et amie Qui loyaument fait son devoir.

LE CUEUR

Que me savez-vous dire d'elle, Dont me puisse reconforter?

l'amant.

Je vous dy, sans que plus le celle, Qu'elle vient par deçà la mer.

LE CUEUR

Dictes-vous vray, sans me mocquer î

l'amant.

Ouil, je le vous certiffie, Et dit que c'est pour vous véoir.

LE CUEUR

Amour humblement j'en mercie, Qui loyaument fait son devoir.

l'amant.

Que pourroit plus faire la belle Que de (12) tant pour vous se pener.

LE CUEUR

Loyauté soustient ma querelle, Qui lui fait faire sans doubter.

l'amant.

Pensez doncques de bien l'amer.

LE CUEUR

Si feray -je toute ma vie,

Sans changier, de tout mon povoir.

l'amant.

Bien doit estre dame chérie Qui loyaument fait son devoir.

l)E CHARLES D'ORLÉANS. 85