COMPLAINTE IL

Amour, ne vous vueille desplaire, Se trop souvent à vous me plains :

Je ne puis mon cueur faire taire I Pour la doleur dont il est plains.

Helas ! vueilliez penser aumoins Au service qu'il vous a faîs:

Je vous empry à jointes mains, Car il en est temps ou jamais.

Monstrez qu'en avez souvenance En lui donnant aucun secours; Faisant semblant qu'avec plaisance Plus à son bien qu'à ses dolours.

On me dictes, pour Dieu! Amours, Se le lairez en cest estât ?

Car d'ainsi demourer tousjours Cuidez-vous que ce soit esbat ?

Nennil: car Dangier qui désire De le mettre du tout à mort, L'a mis, pour plustost le destruire , En la prison de Desconfort.

Ne jamais en sera d'accort Qu'il en parte par son vouloir :

Combien que trop et à grant tort Longtemps lui a fait mal avoir.

Et pour la très mauvaise vie Que lui lait souffrir ce villain, Il est enclieu en maladie :

Car de tout ce qui lui est sain A le rebours, j'en suy certain, En ceste dolente prison ; Ne sçay s'il passera demain, Qu'il ne meure sans guérison.

Car il n'a que poires d'angoisse Au matin pour se desjeuner ; Qui tant le refroidist et froisse, Qu'il ne puet santé recouvrer.

D'eaue ne lui fault point donner, Il en a de larmes assez :

Tant a de mal. a vray parler.

Que cent en seraient lassés.

Et n'a que le lit de Pensée Pour soy reposer et gésir :

Mais Plaisance s'en est alée.

Oui plus ne le povoit souffrir.

A peine l'a peu retenir.

S'Espoir ne fust. jusques à cy :

Va-il donc raison, sans mentir.

S'il fait requeste de mercy ?

IL porte le noir de Tristesse Pour Reconfort qu'il a perdu:

Voncques hors des fers de Destresse Vest party pour mal qu'il ait eu.

Toutefois, vous avez bien sceu Qu'a vous s'estoit du tout donne.

Quelque doleur qu'il ait receu :

Et vous l'avez abandonné !

Par m'ame î cest donner couraige

A chascun devez serviteurs

De vous iaissier s'il estoit saige

Et quérir son party ailleurs :

Car tant qu'aurez telz gouverneurs.

Comme Dangier le desloyal.

Vous n'aurez que plains et clameurs .

Car il ne hst oneques que mal.

A mon cueur le conseilleroye Qu'il vous laissast ; mais, par ma toy: Ja consentir ne lui feroye .

Car tant de son vueil j'aperçoy Quelque doleur qu'il ait en soy.

Qu'il est vostre par devant tous

Et, par mon serement, je le croy Qu'autre maistre n'aura que vous.

Or, regardez: n'est-ce merveille Qu'il vous ayme si loyaimient?

Quant toute doleur nompareille A receu sans alégement.

Et si le porte lyement, Pensant une fois myeulx sera , A vous s'en altent seulement, Ne ja autrement ne fera.

Si m'a chargié que vous requière, Comme pieca vous a requis, Que vueilliez oir sa prière, C'est qu'il soit hors de prison mis , Et Dangier et les siens bannis, Que jamais ne vouldront son bien :

Ou au moins qu'aye saufz-conduis Qu'ilz ne lui mesfacent de rien.

Afin qu'il puist oïr nouvelle De celle dont il est servant, Et souvent veoir la beauté belle :

Car d'autre rien n'est désira nt Que la servir tout son vivant.

Comme la plus belle qui soit ; A qui Dieu doint des biens autant Que son loyal cueur en vouldroit.