BALLADE XXXVIII
L'autr'ier alay mon cueur véoir Pour sçavoir comment se portoit ; Si trouvay avec luy Espoir,
Qui doulcemetit le conforloit Et ces parolles luy disoit :
« Cueur, tenez-vous joyeusement, Je vous fais loyalle promesse Que je vous garde seurement Trésor d'amoureuse richesse.
Car je vous fais pour vray sçavoir, Que la plus très belle qui soit Vous ayme de loyal vouloir Et voulentiers pour vous feroit Tout ce qu'elle faire pourroit.
Et vous mande que vrayement, Mau gré Dangier et sa rudesse, Départir vous veult largement Trésor d'amoureuse richesse. »
Alors mon cueur, pour dire voir, De joye souvent souspiroit ; Et combien qu'il porta st le noir, Toutesfoiz, pour lors oublioit Toute la douleur qu'il avoit, Pensant de recouvrer briefment Plaisance, Confort et Liesse, Et d'avoir en gouvernement Trésor d'amoureuse richesse.
A Bon-espoir mon cueur s'atent Et à vous, ma belle maistresse, Que luy espargniez loyaument Trésor d'amoureuse richesse.
BALLADE XXXJX.
Ha! a! Douk-penser, jamais je ne pourroye
Vous desservir les biens que me donnez : Car quant Ennuy mon poure cueur guerroyé Par Fortune, comme bien le scavez, Toutes les fois qu'amener me voulez Un souvenir de ma belle maistresse, Tanlost Doleur, Desplaisit* et Tristesse, S'en vont fuiant : ilz n'osent demourer, Ne se trouver en vostre compaignie ; Mais se meurent de courrous et d'ennuyé , Quant il vous plaist d'ainsi me conforter.
L'aise que j'ay dire je ne sçauroye
Quant souvenir et vous me racontez
Les très doulx fais, plaisans et plains de joj c
De madame, qui sont congneuz assez
En plusieurs lieux, et si bien renommez,
Que d'en parler chascun en a lyesse.
Pour ce, tous deulx pour me tollir destresse
D'elle vueilliez nouvelles m'aporter
Le plus souvent que pourrez, je vous prie;
Vous me sauvez et maintenez la vie
Quant il vous plaist d'ainsi me conforter.
Car lors Amour par vous deux si m'envoye Un doulx espoir que vous me présentez, Qui me donne conseil que joyeux soye, Et puis après tous trois me promettez Qu'à mon besoing jamais ne me fauldrez î Ainsy m'attens tout en vostre promesse ; Car par vous puis avoir à grant largesse Des biens d'amours plus que ne sçay nombrer, Maugré Dangier, Dueii et Mérencolie, Que je ne crains en riens ; mais les deffie, Quant il vous plaist d'ainsy me conforter.
Jeune, g ente, nompareille princesse,
Puisque ne puis véoir vostre jeunesse, De m'escrire ne vous vueilliez lasser : Car vous faictes, je le vous certiffie, Grant aumosne dont je vous remercie.
Quant il vous plaist d'ainsi me conforter.
