BALLADE XLII
Espoir m'a apporté novelle, Qui trop me doit reconforter.
Il dit que Fortune, la felle, A vouloir de soy raviser Et toutes faultes amender Qu'a faictes contre mon plaisir.
En faisant sa roe tourner, Dieu doint qu'ainsi puist avenir !
Quoique m'ait fait guerre mortelle Je suy content de l'esprouver!
Et le débat qu'ay et querelle Vers elle je vueii délaissier Et tout courrous luy pardonner ; Car d'elJe me pui bien servir Se loyaument veult s'acquiter :
Dieu doint qu'ainsi puist avenir!
Se la povoye trouver telle, Qu'elle me voulsist tant aidier Qu'en mes bras je peusse la belle Une fois à mon gré trouver, Plus ne vouldroye demander, Car lors j'auroye mon désir
Et tout quanque doy souhaidier.
Dieu doint qu'ainsi puist avenir!
Amour, s'il vous plaist commander
A Fortune de me chiérir,
Je pense joye recouvrer.
Dieu doint qu'ainsi puist avenir !
BALLADE XLTII.
Je ne scay en quel point maintenir,
Ce premier jour de may plain de liesse :
Car, d'une part, puis dire sans faillir
Que, dieu-mercy, j'ay loyalle maistresse
Qui de tous biens à trop plus qu'à largesse :
Et si pense que la sienne mercy
Elle me tient son servant et amy,
Ne doy-je bien doncques joye mener ;
Et me tenir en joyeuse plaisance?
Certes ouil, et Amour mercier
Très humblement de toute ma puissance.
Mais, d'autre part, il me convient souffrir
Tant de douleur et de dure destresse
Par Fortune, qui me vient assaillir
De tous costez, qui de maulx est princesse,
Passer m'a fait le plus de ma jeunesse,
Dieu scet comment, en doloreux party,
Et si me fait demourer en soussy
Loings de celle par qui puis recouvrer
Le vray trésor de ma droitte espérance,
Et que je vueil obéir et amer
Très humblement de toute ma puissance.
Et pour ce May, je vous viens requérir,
Pardonnez-moy, de voslre gentilessc.
Se je ne puis aprésent vous servir Comme je doy ; car, je vous fais promesse. vT'ay bon vouloir envers vous; mais Tristesse M'a si longtemps en son dangïer nourry. Que j'ay du tout joye mis en oubly .
Si me vault mieulx seul de gens eslongnier : Oui dolent est ne sert que d'encombranee : Pour ce, reclus me tendray en penser Très humblement de toute ma puissance.
Doulx-souvenir, chièrement je vous pry.
Escrivez tost ceste balade- cy :
De par mon cueur la feray présenter
A madame, ma seule desirance,
A qui pieçà je l'ay voulu donner,
Très humblement de toute ma puissance.
