BALLADE XL

Se je povoye mes souhais Et mes souspirs faire voler, Si tost que mon cueur les a fais Passer leur feroye la mer Et vers celle tout droit aler, Que j'ayme du cueur si très fort Comme ma lyesse mondaine , Que je tendray jusqu'à la mort Pour ma maistresse souveraine.

Helas ! la verray-je jamais , Qu'en dictes-vous très Doulx-penser?

Espoir m'a promis ouil; mais Trop loing temps me fait endurer.

Et quant je luy viens demander Secours à mon besoing, il dort :

Ainsi suis chascune sepmaine En maint ennuy, sans reconfort, Pour ma maistresse souveraine.

Je ne puis demourer en pais, Fortune ne m'y veult laissier.

Au fort, à présent je me tais Et vueil laissier le temps passer, Pensant d'avoir, au par aler, Par Beauté, où mon ressort J'ay mis, de Plaisance l'estraîne,

Eu guerdon des maulx qu'ai à tort Pour ma maistresse souveraine.

BALLADE XLL

Fortune, vueilliez-moi laissier En paix une fois, je vous prie ; Trop longuement, à vray compter, Avez eu sur moy seigneurie.

Tousjours faictes la renchérie Vers moy, et ne voulez oïr.

Les maulx que m'avez fait souffrir Il a ja plusieurs ans passez :

Doy-je tousjours ainsy languir Hélas! et n'est-ce pas assez?

Plus ne puis en ce point durer, A ! a ! mercy ! mercy ! je crie :

Souspirs m'empeschent le parler Veoir le povez, sans mocquerie.

11 ne fault ja que je le die :

Pour ce vous vueil-je requérir Qu'il vous plaise de me tollir Les maulx que m'avez amassez, Qui m'ont mis jusques au morir Hélas! et n'est-ce pas assez? #

Tous maulx suy content (14) de porter, Fors un seul, qui trop fort m'ennuye.

C'est qu'il me fault loing demourer De celle que tiens pour amye ; Car pieça en sa compaignie Laissay mon cueur et mon désir, Vers moy ne veulent revenir, D'elle ne sont jamais lassez :

Ainsi suy seul sans nul plaisir :

Hélas! et n'est-ce pas assez?

De balader j'ay beau loisir, Autres déduis me sont cassez, Prisonnier suis, d'amour martir :

Hélas ! et n'est-ce pas assez?