BALLADE XLV

Dangièr, je vous giette mon gant, Vous appellant de traïson Devant le dieu d'Amours puissant, Qui me fera de vous raison :

Car vous m'avez mainte saison Fait douleur à tort endurer, Et me faictes loings demourer

LES l'nESIKS

De la nompareille de France.

Mais vous l'avez tousjours d'usance De grever loyaulx amoureux :

Et pour ce que je suis un d'eulx.

Pour eulx et moy prens la querelle.

Par dieu ! vilain, vous v mourrez Par mes mains, point ne le vous celle. S'a Léauté ne vous rendez.

Comment avez-vous d'orgueil tant Que vous osez, sans acboison.

Tourmenter aucun vray amant.

Oui de cueur et d'entencion Sert Amours sans condicion.

Certes moult estes a blasmer :

Pensez doneques de l'amender En laissant vostre malvueillance :

Et par très humble repentance Alez crier mercy a ceuk Que vous avez fais douloureux.

Et qui vous ont trouve rebelle :

Autrement pour seur lô vous tenez Que de gage je vous appelle S'a Leaute ne vous rendez.

Vous estes tous temps mal pensant

Et plain de faulse souspecon :

Ce vous vient de mauvais talant.

Quel mal ou ennuy vous fait-on;

Se par amours on veult amer.

Pour plus ayse le temps passer

En lye et joyeuse plaisance ?

C'est gracieuse desirance.

Pour ce. faulx. vilain, orgueilleux.

Changiez voz vouloirs oultragieux.

Ou je vous feray guerre telle Que sans faillir vous trouverez Qu'elle vauldra pis que mortelle, S'a Léauté ne vous rendez.

BALLADE XLYL

Se Dieu plaist, briefment la nue'e De ma tristesse passera, Belle très loyaument amée î Et le beau temps se monstrera.

Mais sçavez-vous quant ce sera?

Quant le doulx souleil gracieux De vostre beauté entrera Par les fenestres de mes yeulx.

Lors la chambre de ma pensée De grant plaisance reluira Et sera de joye parée.

Adonc mon cueur s'esveillera, Qui en dueil dormy long temps a.

Plus ne dormira, se m'aist dieux !

Car ceste clarté le ferra Par les fenestres de mes yeulx.

Hélas! quant vendra la journée Qu'ainsi avenir me pourra Ma maistresse très désirée ?

Pensez -vous que brief avendra ?

Car mon cueur tousjours languira En ennuy sans point avoir mieulx, Jusqu'à tant que ceci verra Par les fenestres de mes yeulx.

De reconfort mon cueur aura

Autant que nul desoubz les cieulx, Belle, quant vous regardera Par les fenestres de mes yeulx.