BALLADE XL VIL

Au court jeu des tables (i6j jouer Amour me fait moult longuement ; Car tousjours me charge garder Le point d'atente seulement, En me disant que vrayement Se Ce point lye sçay tenir, Qu'au derrain, je doysans mentir Gaangnier le jeu entièrement.

Je suis pris et ne puis entrer Où point que désire souvent.

Dieu me doint une fois gietter Chance qui soit aucunement A mon propos : car autrement, Mon cueur sera pis que martir, Se ne puis, ainsy qu'ay désir, Gaangnier le jeu entièrement.

Fortune fait souvent tourner Les dez contre moy mallement ; Mais Espoir, mon bon conseiller, M'a dit et promis seurement Que Loyauté prouchainnement Fera bon eur vers moy venir, Qui me fera à mon plaisir Gaangnier le jeu entièrement.

Je vous supply très humblement, Amour, aprenez-moy comment

J'asserray les dez, sans faillir; Par quoy puisse, sans plus languir.

Gaangnier le jeu entièrement.