BALLADE XL VIII

Vous, soiez la très bien venue Vers mon cueur, Joyeuse-nouvelle î Avez-vous point madame veue ?

Contez-moy quelque chose d'elle.

Dictez-moy, n'est-elle pas telle Qu'estoit quant derrenièremenl Pour m'oster de mérencolie, M'escrivy amoureusement :

C'estes vous de qui suis amye.

Son vouloir jamais ne se mue :

Ce croy-je? mais tient la querelle De Léauté, qu'a retenue Sa plus prochaine damoisseille.

Bien le monstre, sans que le celle :

Qu'elle se maintient loyaument Quant luy plaist, dont je la mercye, Me mander si très doulcement :

C'estes vous de qui suis amye ?

Pour le plus eureux soubz la nue Aie tiens, quant m'amye s'appelle :

Car en tous lieux où est congneuc Chascun la nomme la plus belle.

Dieu doint que maugré le rebelie Dangier, je la voye briefment Et que de sa bouche me die :

« A m y pensez que seulement C'estes vous de qui suis amye.

J'ay en mon cueur joyeusement Escript, ahn que ne l'oublie, Le refrain qu'ayme chièrement :

C'estes vous de qui suis amye.