BALLADE LL

Par le commandement d'Amours Et de la plus belle de France, J'enforcis mon chastel lousjonrs Appelle Joyeuse-playsance, Assis sur roche d'Espérance.

Avitaillié l'ay de confort, Contre Dangier et sa puissance, Je le tendray jusqu'à la mort.

En ce chastel y a trois tours, Dont l'une se nomme Fiance D'avoir brielment loyal secours :

Et la seconde Souvenance :

La tierce Ferme- désira nce.

Ainsi le chastel est si fort Que nul n'y puet faire grevanee :

Je le tendray jusqu'à la mort.

Combien que Dangier, par faulx tours.

De le m'oster souvent s'avance;

Mais il trouvera le rebours,

Se Dieu plaist, de sa malvueillance.

Bon-droit est de mon aliance ;

Loyauté et luy sont d'accort

De m'aidier: pour ce, sans doubtance,

Je le tendray jusqu'à la mort.

Faisons bon guet, sans décevance.

Et assayllons, par ordonnance, Mon cueur, Dangier qui nous fait tort, Se prendre le puis par vaillance :

Je le tendray jusqu'à la mort.