BALLADE LU

La première fois, ma maistresse,

Qu'en vostre présence vendray,

Si ravi seray de lyesse

Qu'à vous parler je ne pourray.

Toute contenance perdray :

Car quant vostre beauté luira

Sur moy, si fort esbloïra

Mes yeulx, que je ne verray goutte;

Mon cueur aussi se pasmera :

C'est une chose que fort doubte.

Pour ce, nompareille princesse, Quant ainsi devant vous seray, Vueilliez, par vostre grant humblesse, Me pardonner se je ne sçay Parler à vous comme devray.

Mais, tost après, s'asseurera Mon cueur et puis vous comptera Son fait, mais que nul ne l'escoute.

Dangier grant guet sur luy fera :

C'est une chose que fort doubte.

Et se mettra souvent en presse D'ouir tout ce que je diray ; Mais je pense que par sagesse Si très bien me gouverneray Et telle manière tendray, Que Faulx- dangier trompé sera,

IOG LES POÉSIES

Ne nulle riens n'apercevra.

Si mettra -il sa painne toute D'espier tout ce qu'il pourra :

C'est une chose que fort doubte.