COMPLAINTE

Je n'ay membre sur moy, nerf, ny tendon, ny veine Qui ne sente d'Amour l'amoureuse poison. J'en atteste le ciel, mon ame et ma raison, Vostre bouche et vos yeux, seurs tesmoins de ma peine.

Mais plus je vous le dis et moins vous le croyez; Plus vous rens descouvert le secret de mon ame, Moins il vous apparoist; plus vous monstre ma flame Et ma playe cruelle, et moins vous la voyez...

Plus j'honore, craintif, la grave majesté De YOstre front, maistresse, et l'influence heureuse De vostre esprit gentil, plrs m' estes rigoureuse ; Plus m'approche de vous et plus suis rejette.

Je n'ay rien de l'amour que la crainte et la honte : Car vous dites tousjours, eu vous mocquant de moy, Non, que je n'aime point, et si je vous aimoy, De vous voir plus souvent que ferois plus de conte...

Vous distes qu'en aimant vous voulez estre aimée : D'autres armes Amour s'est-il jamais armé? Mais je sçay qu'en aimant je ne suis pas aimé. Ce qui rend de souspirs ma complainte animée.

Un plus chéri que moy des Grâces et des dieux, Du ciel et de Fortune, et de plus prompte flame Vous pourra bien aimer : mais de plus gentille ame, Si ce n'est Amour mesme, il ne peut aimer mieux...

REMY BELLEAU