POÉSIES D'ÉLOY D'AMERVAL
Dedens leurs testes leurs boutons*.
Or retournons à nos moutons :
Ainsi donc passent ilz le temps , Hz s'appellent Rogier Bontemps, Hz se gaHent, ils se festyent, Hz sont joyeulx, ilz se soucyent Autant des rez que des tondus , Des pelez que des morfondus ; Jà ne viengne*, font ilz, demain Qui n'aporte avec luy son pain.
H n'est rien qu'ilz appètent tant Qu*à bauffrer, boire d'autant A plains voirres, à plains godes.
Ce sont caillons', gentilz cadés, Vrays enfants de malle gouverne , Pilliers et gourmans de taverne Qui me treuvent ce vin tant bon Et souflcnt si bien le charbon Qu'il art comme feu en estoupes Tant qu'ilz sont plus yvres que soupes, Thezis^, repletz, pretz à crever Par trop leur nature grever ; Mais quoy que je die pourtant C'est, Lucifer, n'en va doublant, Tousjours saulve l'honneur de loy.
Bref chascun, comme je voy, Hz sont là dès le plus matin , M'entens-tu bien , villaîn mastîn , — Qu'on te puist tout vif escorcher ! — Tant qu'il soit temps d'aller coucher, Ou s'endorment pour parler franc, Ou sous la table, ou sous le banc.
Et puis il advient voulontiers
* Mettons. — * Pourquoi viendrait-il le demain qui n'apportera pas. — > Masculin de caillettes; mignons écervelés. — ^ Ou UzéSf lourds, hébétés.
Que telz gens sont paillards puti^rs.
Luxurieux, soirs et matins.
Fort ribaux comme chiens courtîns
Et plus gettins ^ que vieulx marmotz.
Jamais n'oublie ces bons motz :
Luxure, quant bien m*en souvient,
A ventre plain voulontiers vient.
Tous bons François, gloutons, gourmans,
Soyent François, Bretons, Normans,
Piquars, Flamans et Bouguygnons
Et tous aullres bons compagnons
Qui bauffrent tant bien que merveilles,
Gcntilz chopeurs, franches bouteilles.
Tous vrays pions* et tastevins
Tant Angevins que Poitevins
Tant Savoysiens que Bourbonnois,
Tant Gascons comme Arragonnois ,
Tant d'Escosse que d'Angleterre,
De tous pays, de toute terre ,
De tout lieu , de toute contrée,
Voulontiers, après la ventrée,
Appètent le deduyt des dames.
Des fillettes, des jeunes femmes!
