LES MERVEILLES DE LA MER

Qui congnoistra les merveilles de mer, L'horrible son , plein de péril amer, Des flotz csmeus et troublez sans mesure? Qui la verra par gros ventz escumer, Pousser, fumer, sublimer, s'abysmer.

Et puis soubdain tranquille sans fracture? Qui congnoistra son ordre et sa nature? Mais qui dira : j'ay veu telle adventure. Sinon celluy qui navigue dessus?

Celluy là peult bien dire par droicture : 0 mer\^eilleuse et tenible facture Du Merveilleux qui habite là sus.

0 navigantz, o.povres matelotz, Qui congnoissez là nature et les flotz De la grand mer où prétendez profitz, Levez les yeulx, ayant les cueurs devotz, Devers le ciel, et je seray des vos A donner gloire à celuy qui la feit.

Considérez la grandeur et l'estente De ceste mer tant large et tant patente