DOU CROISIÉ ET DOU DESCROIZIÉ

L' autr' ier, entour la saint Remei, Chevauchoie por mon afaire , Pencix , car trop sunt agrumi La gent dont Diex a plus à faire :

Cil d'Acre, qui n' ont nul ami, Ce puet on bien por voir retraire , Et sont si près lor anemi Ou' à eux pueent lancier et traire.

Tant fui pancis à ceste choze Que je desvoiai de ma voie , Com cil qu' à li méimes. choze Por le penceir que g' i avoie.

Une maison fort et bien cloze Trouvai , dont je riens ne savoie , Et c* estoit là dedens encloze Une gent que je demandoie.

Chevaliers i avoit teiz quatre Qui bien seivent parler fransois.

Soupei orent, si vont esbatre En un vergier deleiz le bois.

Ge ne me veulz sor eux embatre Que ce me dist uns bons cortois :

Teiz cuide compaignie esbatre Qui la toust, c' est or sans gabois.

Li dui laissent parleir les deux Et je les pris à escouteir.

Qui leiz la haie fui touz seux.

Si descent por moi acouteir.