POÉSIES D'ALAIN CHARTIER
FRAGMENT
DU POEME INTITULÉ :Ii BELLE DAME SANS MERCI
Nagueres chevauchant pensoye, Comme homme triste et douloreux, Au dueil où il faut que je soye Le plus dolant des amoureux ; Puis que par son dart rigoureux La mort me toUi ^ ma maistresse Et me laissa seul langoureux En la conduicte de Tristesse.
Si disoye, il fault que je cesse De dicter et de rimoyer.
Et que j'abandonne et délaisse Le rire pour le larmoyer.
Là me fault le temps employer, Car plus n'ay sentement ne aise.
Soit d'escrire soit d'envoyer Chose qu'à moy n*a * autruy plaise.
Qui vouldroit mon vouloir contraindre A joyeuses choses escrire , Ma plume n'y saurait attaindre, Non feroit ma langue à les dire.
Je n'ay bouche qui puisse rire , Que les yeulx ne la desmentissent :
Car le cueur l'en vouldroit desdire Par les lermes qui des yeulx ' issent.
Je laisse aux amoureulx malades, Qui ont espoir d'allégement , Faire chansons , ditz , et ballades , Chacun en son entendement.
' Bftfit. — « Four : ne à... — » Sortent.
Car ma dame en son testament Prist a la Mort, Dieu en ait l*ame , Et emporta mon sentement, Qui gist 0 ^ elle soubz la lame.
Désormais est temps de moy taire , Car de dire je suis lassé; Je vueil laisser aux autres faire Leur temps, car le mien est passé.
Fortune a le forçier « cassé, Où j'espargnoye ma richesse Et le bien que j*ay amassé Au meilleur temps de ma jeunesse.
Amours a gouverné mon sens, Se faulte y a , Dieu me pardonne :
Se j'ay bien fait, plus ne m'en sens.
Cela ne me toult, ne me donne *.
Car au trespas de la très bonne Tout mon bien* fait se trespassa.
La Mort m*assist illec la boume * Qu'oncques puis mon cueur ne passa.
Il est, ce jour, et plus riche et plus aise.
Que s'il gaignait tout Tor d'Aufrique ou d'Aise '.
Se une dame monstre à ung qui luy plaise «
Le cueur luy voile, Et de joye perd maintien et parolle , Et, s'aucun scet son secret , il l'acolle , En ce plaisir se meurdrist et s'affoUe
Plus que devant, Et se remet en penser plus avant,
1 ÂTec. — s Le coffre-fort. — > Enlève. — ^ C'est-à-dire : la mortm poeé' pour moi la limite que jamais^ depuis , mou cœur ii*a franchie. — - * D*Asie.
