A MADEMOISELLE MA COMMÈRE

SUR LE TRESPAS DE SON ASNi

Depuis que la guerre enragée Tient nostre muraille assiégée Par le dehors , et qu'au dedans On nous fait allonger les dents, Par la faim qui sera suivie D'une autre fin de nostre vie, Je jure que je n'ay point eu Douleur qui m'ait tant abbattu , Et qui m'ait semblé plus amère , Que pour vostre asne , ma commère , Vostre asne , helas ! ô quel cnnuy !

Je meurs quand je repense à luy, Vostre asne, qui par advanture.

Fut un chef-d'œuvre de nature , Plus que l'asne Apuleyen :

Mais quoy? la mort n'espargne rien, Il n'y a chose si parfaicte Qui ne soit par elle deffaicte :

Aussy son destin n'estoit pas Qu'il deust vivre exempt du trespas :

Il est mort , et la Parque noire A l'eau du Styx l'a mené boire, Styx, des morts l'éternel séjour Qui n'est plus passable au retour :

Je perds le sens et le courage Quand je repense à ce dommage , Et tousjours depuis, en secret.

Mon cœur en gémit de regret :

Tousjours, en quelque part que j*ail!c.

En l'esprit me revient la taille ,

Le maintien et le poil poly De cet animal tant joly; . J'ay tousjours en la souvenance Sa façon et sa contenance :

Car il sembloit, le regardant , Un vray mulet de président, Lorsque d'une gravité douce , Couvert de sa petite housse , Qui jusqu'au bas luy devalloit, A Poulangis il s'en alloit Parmy les sablons et les fanges Portant sa maistresse à vendanges.

Sans jamais broncher d'un seul pas.

Car Martin souffert ne l'eust pas , Martin, qui tousjours, par derrière , Avoit la main sur sa croupière.

Au surplus, un asne bien faict.

Bien membru, bien gras, bien refaict, Un asne doux et débonnaire , Qui n'avoit rien de l'ordinaire , Mais qui sentoit avec raison Son asne de bonne maison : - Un asne sans tache et sans vice , Né pour faire aux dames service , Et non point pour estre sommier Comme ces porteurs de fumier, Ces pauvres baudets de village , Lourdauts , sans cœur et sans courage , Qui jamais ne prennent leur ton Qu'à la mesure d'un baston.

Vostre asne fut d'autre nature , Et couroit plus belle advanture , Car, à ce que j'en ay appris, Il estoit bourgeois de Paris :

Et de faict, par un long usage ,

Il retenoit du badaudage ; Et faisoit un peu le mutin Quand on le sangloit trop matin.

Toutesfois je n'ay cognoissance S'il y avoit eu sa naissance :

Quoy qu'il en soit , certainement 11 y demeura longuement, Et soustint la guerre civile Pendant les sièges de la ville , Sans jamais en estre sorty.

Car il estoit du bon party :

Dà , et si le fit bien paroistre , Quand le pauvret aima mieux estre Pour l'Union en pièces mis , Que vif se rendre aux ennemis :

Tel Seize qui de foy se vante , Ne voudroit amsy mettre en vente Son corps par pièces estallé.

Et veut qu'on l'estime zélé.

Or bien , il est mort sans envie , La ligue luy cousta la vie :

Pour le moins eut il ce bonheur, Que de mourir au lict d'honneur.

Et de verser son sang à terre , Parmy les efforts de la guerre , Non point de vieillesse accablé , Rogneux, galeux, au coing d'un blé.

Plus belle fin luy estoit due :

Sa mort fut assez cher vendue , Car au boucher qui l'acheta, Trente escuz d'or sol il cousta :

La chair par membres despecée Tout soudain en fut dispersée Au légat , et le vendit on Pour veau peut estre, ou pour mouton.

De cette façon magnifique, En la nécessité pui)lique, 0 rigueur estrange du sort I Vostre asne , ma commère, est mort :

Vostre asne, qui, par advenlure.

Fut un chef-d'œuvre de- nature.

Depuis ce malheur advenu, Martin malade est devenu , Tant il portoit une amour forte A ceste pauvre beste morte !

Helas! qui peut veoir sans pitié Un si grand effet d'amitié ?

De moi * , je le dis sans reproche, Quoy que je ne fusse si proche ' Du deliunct comme esloit Martin , J'ay tel ennuy de son destin , Que, depuis quatre nuicts entières, Je n'ay sccu ^ clorre les paupières :

Car, lors que je cuide * dormir, Je me sens forcé de gémir.

De souspirer et de me plaindre :

Mille regrets viennent attaindre Sans cesse mon cœur, et l'esmoy Ne déloge point de chez moi :

Depuis cette cruelle perte, Mon ame aux douleurs est ouverte , Si que * , pour n'avoir plus d'ennuy, Il faut que Je meure après luy

1 Pour : quanta moi. — ^ Sous-entendu : parent. — ' Pour : su^ — * Pense, espère. — * A tel point.