TIRÉ DU ROMAN DK LA. ROSE

Je vis adonc une pucelle,

Qui estoit assez gente et belle :

Doulce haleine eut et savourée,

La face blanche et coulourée ,

La bouche petite et grossette,

Et au menton une fossette.

La gorge aussi avoit très blanche,

Comme est la noif dessus la branche ,

Quand il a fraischement neigé ;

Si eut le corps bel et rangé ,

Eut dessus son chapel d'orfrais,

Un chapel de roses tout frais :

En sa main tenoit un mirouer.

Et si fut d'un riche tressouer

Son chef tressé moult cointement ;

Bel et bien et estroitement ,

De fil d'or eut cousues ses manches;

Et pour mieux garder ses mains blanches

De haller, elle eut un gans blancs;

Cotte eut d'un riche vert luisans ,

Cousue à ligneul tout autour :

Il paroit bien à son atour

Qu'elle estoit peu embesognée :

Quand elle s'estoit bien pignée,

Et bien parée et atournée ,

Si estoit fiiite sa journée.

GUILLAUME DE LORllIS. Ii3