CONSEILS A UN AMANT

ViLLENiE premièrement, Faut que tu laisses en aimant.

Si maudis et excommunie Tous ceux qui aiment villenie.

Villenie le villain fait; Je ne l'aimê , n'en dit , n'en fait ; Villain est fel et sans pitié, Sans service et sans amitié.

Après te garde de retraire Chose des gens qu'il faille taire :

Soyes sage et raisonnable, En parler doulx et convenable, Aux grans personnes et menues ; Et quant tu iras par les rues, Songe que soyes coustumier De saluer les gens premier.

Et se tu oys nul mesdisant.

Qui les femmes soit desprisant, Blasme-le , et fais qu'il se taise :

Fais, se tu peux, chose qui plaise Aux dames et aux damoiselles ; Si qu'ils ayent bonnes nouvelles De toy dire et de raconter, Par ce , pourras en pris monter.

De vestement et de chaussure, Selon ta rente , ta mesure.

ir.

Il4 GUILLAUME DE LORRIS.

Bien te dis que bel vestement A l'homme siet lionnestement ; Ayes souliers beaux et fetis, Ne trop larges, ne trop petits.

Après te doit-il souvenir De joyeuseté maintenir:

Amans sentent le mal d'aimer, Une fois doulx, et l'autre amer:

Mal d'aimer est moult outrageux ; Tantost est l'amant en ses jeux, Tost se complaint, tost se guermente.

Une heure pleure et l'autre chante.

A qui il ne plaist de donner, D'avoir amours ne doit pener; Mais qui en veut avoir la grâce, D'avarice tost se defface; Car cil qui par regart plaisant.

Ou par doulce chiere faisant A luy, ou par un ris serein , Donne son cueur tout enterin, Doit bien, après si riche don, Donner l'avoir tout à bandon.

Après t'enjoins, par pénitence, Que jour et nuit sans repentance , En bien aimer soit ton penser; Toujours y pense sans cesser; Et pour ce que fm amant soyes , Je te commande que tu ayes En un seul lieu ton cœur assis, Ferme, constant et bien rassis.

GUILLAUME DE LORRIS. i 1 5

Qui en mains lieux son cœur départ.

Partout en a petite part; Mais de celuy pas ne me doute, Qui tient en un lieu s'amour toute,

Quant tu auras ton cœur donné.

Ainsi que je t'ay sermoné.

Lors te viendront les adventures.

Qui aux amans sont très fort dures; En plusieurs manières seras Travaillé , grand mal sentiras , Une heure chaut et l'autre froit.

Passer te faut par ce destroit; Vermeil une heure , l'autre palle , Tu n'eus oncques fièvre si malle.

Toujours est droit qu'il te souvienne De ta mie, s'elle est lointaine.

Lors malheureux te jugeras. Quant près d'elle tu ne seras.

Et conviendra qile ton cœur soit En celle que ton œil ne voit.

Et s'il est besoin que tu voyes Ta mie a point, que tu la doyes Arraisonner, ne saluer, Lors te convient couleur muer, Sitost que voudras commencer; Et se tant te veux avancer, Que ton discours commencer oses , Quant tu devras dire trois choses, Tu n'en diras mie les deux.

Tant seras doncques vergogneux.

l6 GUILLAUME DE LORRIS.

Quant les nuits venues seront, Mille déplaisirs te viendront :

Tu te coucheras en ton lit, Ou tu auras peu de délit; Telle fois te fera advis, Que tu tiendras celle au cler vis Entre tes bras et toute nue.

Comme s'elle fust devenue Du tout ta mie et ta compagne, Puis feras cliastaulx en Espagne ; Mais peu y pourras demourer ; Lors commenceras à plourer, Et diras : Dieu ! ai-je songé , Suis-je remué ou bougé ?

Dieu, verray-je point que je soye En tel point comme je songeoye?

La mort ne me greveroit mie.

Si je mouroye es bras ma mie , Et même se d'un doux baisier La belle me vouloit aisier :

Moult auroye riche desserte, De la peine que j'ai soufferte.

Ha! soleil! pour dieu, bas te toy, Ne fais séjour, appreste toy, Fais départir la nuit obscure , Et son ennuy qui trop me dure.

La nuit ainsi te contendras Et de repos point ne prendras, Puis t'en iras en recelée , Soit par pluye, soit par gelée,