LES AMOURS D'ARLEITTE ET DU DUC ROBERT
A Falaise esteit séjornanz Li bons dux Robert li normanz , Mult li ert li leus covenables E beaus é sains é délitables.
C'esteit uns de ses granz déporz Qu'od Danzeles , ce suis recorz ; Un jor qu'il veneit de chacier En choisi une en un gravier, Dans le ruissel d'un fontenil , Où en blanchisseit un cheinsil , Od autres filles de borgels Dunt aveit od li plus de treis.
Tirez aveit ses dras en sus, Si ciim pucelles ont en us Par enveisure é par geu Peeres quand sunt en itel leu.
Beaus fu li jorz , é li tens chauz, Ce que ne covri sis bliaux, Des pies é des jambes parurent, Qui si très beaus et si blans furent , Que ce fu bien au duc avis , Que neifs ert pâle é flors de lis Avers la soe grant blanchor ; Merveilles i torna s'amor.
Fille ert d'un borgeis la pucelle.
Sage é corteise é proz é bêle, Bloi et od bel front é od beaus oils Où ja ne fust trovez orguilz, Mais bénignité é franchise ; Si n'en fu nule mieux aprise, E s'aveit la color plus fine Que flors de rose ne d'épine:
Nés bien séant , bouche et menton , Rien n'out plus avenant façon , Ne plus bel col, ne plus beaus braz; Iteu parole vos en faz Que gente fu é blanche é grasse, Eissi que les beautés trépasse Des autres totes du régné.
Poi vos ai dit de sa beauté A ce qu'en ert, ce sachez biea.
Li dux la volt sor tote rien.
Par un chevalier mult séné, E par un chamberlanc privé , En fist à son père parler, E le jor querre é demander E pramettre tant et offrir.
Que bien le deveit consentir; Li la amer de grant amor.
Puis li dorra riche seignor ; E cil s'en escondist assez.
Qui mult se tint à esgarez , De tôt le mieuz ert de Faleise ; Por ce li desplaist mult et peise, Qu il ne la donge en mariage Od le conseil de son lignage.
De plusors part li ert requise.
Si ne vousist en nule guise.
Que a nul homme à son vivant Fust ne meschine ne soignant.
Ne fust un suen frère , un seint hom , Qu'il out de grant relligion, Qu'in Gover out son ermitage, Qui li destolli cume sage.
Sans faille l'en eust foie, Ou fust saveir , ou fust folie , Icil l'en fîst sa païs aveir D'en consentir et d'en voleir.
La danzele buenement Li remostrout tôt ensement , Sagement li faiseit entendre Le bien qui lor en poeit prendre.
SI fu la chose graantce, La nuit é Tore aterminée, Biieve, sans terme de quinzaine, Qu'ainceis que trcpast la semaine; E la pucelle ert en esfrei, Qui mult grant garde prent de sei; Si que si sait é si estace Ne desagret é ne déplace Au duc desque eissi est à estre Selon sa ricliesce é son estre ; Por tenir en son corps plus cher A fait robe fresche taillier, Bêle é bien feite é bien séante , E a son corps mult avenante.
La nuit que li terme fu pris I a li dux les deux tramis Qui cel ovre orent por parlée , Tôt en segrei é a celée L'en voudrent mener au chastel.
Mais ce ne li fu ne bon ne bel.
Bêle, font ils, qu'apercevance Ne seit de vos , ne parlance N'eschar entre la gent vilaine Afublez ça chape de laine , Que ja nel sache vos veisins, Kar ainzque seit cler li matins Ne que chante l'aloe hupée, Vos en ravrons ci ramenée.
Eissi fait la pucelle sage, Nel oi-je unques en corage,
gS BENOIT DE SAINTE -MORE.
Que se 11 dux a sei me mande, Qui mon gent corps quert é demande , Que je auge com soudei.ere, Ne come povre chambrière; Ainceis irai , ce est la some Com pucelle , fille à prodome , Por m'onor creistre et por mbn bien, E si ne m'en vergoin de rien E qu'il voudra, cil sache et veie Tant ert l'onor maire meie ; Kar mauveistie ne légérie, Ne aucun ovre de folie.
Ne sera ja sor mei reprise ; Por ce n'i voil en Itel guise Aler à pie à lui gésir.
Faites vos palefreiz venir.
Ce vos prie é requier doucement , Kar eissi j'irom plus gentement.
Cil entendent son grant saveir Savent qu'ele dit raison é veir ; Tôt son plaisir unt graanté E fait tote sa volonté.
Son gent corps , aveit bel vestu , A ce aveit" mult entendu, Cum d'une mult bêle chemise E sus d'une pelice grise , Blanche, fresche é lée sans laz, Séante au corps , é mieuz as braz , S'eut afublé d'un cort mantel , A li mult covenable é bel ;
Bende son chef qu'ele out mult bloi E dunt ele n'aveit poi D'une bende laschetement Od un freiseaus de fin argent; Sans s'eslier est si molitée Ne sais si bêle riens fu née ; Son père é sa mère salue :
Mais ainz qu'ele fust del us eissue De pitié de eux. conforter La covint des oils à plorer ; Lerines li mouillent la peitrine.
Si dune sc-eust estre devine, Mult par eust si quers grant joie ; Kar des Hector le proz de Troie , Cil qui fu fils del rei Priant, JNe sui recors ne remembrant Que mendres princes fust puis nez Qu'en leu fu la nuit engendrez.
Buens fu Artor é Charlemaigne Qui a force conquist Espaigne :
IMais quand l'estoire vos ert dite Que de cestui avons escrite, Ne direz pas au mien espeir Que prince peust plus valeir.
Eissi consent Deus maintefeiz , Choses que l'en tient à desleiz , Dunt l'om veit grands biens avenir Eissi corne ci porreiz oir.
Si tôt out esté en délit Que li dux out en leu la nuit,
Qui solom lei com esposée,
Ne la mie déshonorée.
Si fu apert aparissant,
E bien fu a toz connoissant
Que Deus en ama é maintint
L'eir qui de eux deux nasqui é vint.
Oiez pucele qui n'est nice , Mais sage é proz é cointe é rice , A la porte del cliastel vindrent, Cil qui la menèrent é tindrcnt ; Hoc dehors l'ont descendue , Auques esteit clere la nue , Li portiers fu apareilliez, E li guichet descoreilliez.
Cil entrèrent, mais el ne fist, Nonques dedenz le pié ne mist , E cil furent mult merveillant, Bêle , font il, venez avant; Ne dotez que rien vos i sace, Vez , délivre est tote la place.
Force, fait-ele , n'en fas-je rien ; Mais ce n'est pas raison, ne bien, Quand li dux m'a a sei mandée , Que sa porte me seit vee.
Ou vos me la ferez ovrir , Ou de rien ni ert à mon plaisir; Des que eissi vout de mei li duz Par guichet , n'a si étreit uz , N'est gent que l'om passer me face , Ne unques , Damne Deus, ne place.
BENOIT DE SAINTE-MORE. lOl
Dune n'est-il grant chose de mei Des qu'il eissi me mande à sei.
Ovrez la porte , beaus amis , Tôt bonement s'en sont cil ris Qui oent son grant escient, Son sens é son afaitement.
Tôt fu la porte défermée, E tôt eissi l'ont ens menée Deciqu'en la chambre voutice.
Ou out maint ymage peintice A or vermeil et à colors.
Ne fu mais joies ne honors, Si grant com li dux li a faite, Tote s'amor li a retraite.
FRAGMENT
DE LA TRADUCTION E\ VERS DE l'hISTOIRE DE DARÈS DE l'URYGIE.
Geste hystoire n'est pas usée Ne en gaires de lieus trouvée; Jà refaite ne fiist encore, Mais Beneois de Sainte-More L'a comencié é faite é dite , E a ses mains l'a toute escrite ; Ici taillie , ici ouvrée , Ici escrite, ici posée; E plus ne mains ni à mestier Ci wel l'istoire comencier,
Le latin suivre e à la lettre Ne plus , ne mains ni vodra mestre.
Quant vint el tens que vers devise, Que l'erbe vers point en la rise , Lorsque florissent li ramel, E doucement chantent oisel, Merle, mauvis e loriol, E estornel et rossignol , La blanche flors pent l'espine E reverdoie la gaudine, Quant li tens est douz e souez , Lor partirent del port les néz.
AUTRE FRAGMENT
Agamenon ni li Grezeis
Ne bien ne plus de cinquante reis,
Ne porent Troie en dix ans prendre,
Unques n'i sorent tant entendre.
E icis dux , o ses A^ormanz,
E od ses autres buens aidanz,
Conquist un réaume plenier
E un grant pople fort é fier,
Qui fu merveille estrange é grant
Sol entre prime é la nuitant.
HUON DE VILLENEUVE. lo3
«a°e«e»eee»e«a»e»«»aaeaa8e»«»«»^»*9aje''»»'»»c«a»»«a»*»g««»«»ac«»*^e
