LE REGNE DE CHARLES VIL

Du temps du feu roy, N'estois en esmoy.

Qui me grevast guère ; J'allois à part moy Donner le beau moy A quel{{ue bergiere ; Douces chansonnettes, Plaisans bergerettes.

Toutes nouvellettes Pas ne s'y celoient ; Bouquets de violettes, A brins d'amourettes ,

Et fleurs jolliettes , Çà et là voloient :

Oyseaux gazouilloient , Qui nous réveilloient Et rossignolloient , Ainsi qu'ai louettes ; Baisers se bailloient , Cœurs s'amollioient , Et puis s'accolloient En ces entrefaites.

Il n'est tel plaisir Que d'estre à gésir Parmy les beaux champs L'herbe verd choisir , Et prendre bon temps ; Avec ma houlette Et cornemusette , Sur la belle herbctte Je m'éjouissoye Avec bergerette , Plaisant jolliette , Baisant la bouchette , Si douce que soye; Dieu sçait quelle joye !

En l'air je sautoye, Et chansons chantoye , Comme ufte allouette.

Mieux vaut la liesse , L'amour et simplesse

De bergiers pasteurs.

Qu'avoir à largesse , Or, argeut , richesse, Ni la geutillesse De ces grans- seigneurs; Car ils ont douleurs , Et des maux greigneurs ; Mais pour nos labeurs Nous avons sans cesse Les beaux prés et fleurs, Fruitaiges , odeurs , Et joye à nos cœurs.

Sans mal qui nous blesse.

Vivent pastoureaux , Brebis et agneaux !

Cornez , cbalumelles ; Filles et pucelles, Prenez vos chappeaux De roses vermeilles , Et dansez sous treilles , Au chant des oyseaux.

Depuis quarante ans , L'on ne vist les champs Tellement fleurir, Piégner si bon temps Entre toutes gens , Que jusqu'au mourir Du rov trespassé , Qui pour resjouir

t84 MARTIAL DE PARIS.

Et nous secourir, A maint mal passé.

Si pour peine prendre , Bœufs et lirebis vendre , Ravoir je pouvoye Le feu roy de cendre, Et sur pieds le rendre , Tout le mien vendroye , Et ne cesseroye , Que ne luy auroye La vie retournée , Pour la douce voye , Le bien et la joye, Qu'il nous a donnée.