CHANT DE JOYE A NOSTRE DAME DE LIESSE

POUR L\ VICTOIRE DU TRÈS HEUREUX ROY HENRY III ; HEKRY, TlUC DE GUISE, CHEF DE SON ARMEE.

Cha-Ntons d'un cry joyeux la dame de Liesse, Par qui nous recevons triomphe si joyeux. Mors sont ceux qui portoient armes contre les cieux, Par l'heur du roi Henry, de Guise la prouesse,

Henry tiers de ce nom, que le ciel favorise, Roy de Dieu bienheuré par nombre bienheureux, Aux saincts combats pour Dieu tousjours victorieux, A donné son bonheur au vaillant duc de Guise,

Duc en dévotion l'exemple et le modelie De son père François, en guerre à luy pareil : Dechassant l'estranger, l'a mis dans le cercueil. Avec l'heur de son roy, et force paternelle.

Donnant depuis Liesse aux ennemis la chasse Jusqu'à Chasteau Tierry, oii la mère de Dieu Renforceant nos soldats, a faict que dans ce lieu Mille et mille ennemis rendent la terre grasse.

Le reste s'est rendu , et mettant bas les armes Est demeuré vivant, par la douceur du roy. Qui l'a prins à mercy et renvoyé chez soy. Délivrant son pais de l'horreur des gendarmes.

Chante trois fois lo, lo trois fois, ô France! Henry duc vient vainqueur par l'heur du roy Henry : III. i3

Ja le ciel nous monstroit qu'il estoit favory

De Dieu , alors qu'il print aux Lorrains alliance.

L'Anglois se veit chassé par Janne la pucelle, Née de Vaucouleurs au bon pais lorrain : Ores s'enfuit chassé nostre ennemy lointain Par toy de Vaudemont, des roynes la plus belle.

Le destin ordonna que la fleur franciale, Le beau lys virginal par vierges fut sauvé : La France est le terrouer par vierges préservé, Et pource est appelle la terre virginale.

Jadis la Vierge mère eut des François la garde, Ores la Vierge mère a les François gardé : Elle a gardé le duc qui s'estoit hazardé, Par belliqueuse ardeur ne prenant à soy garde.

Lors qu'il fut transpercé par la senestre joue, Avec un plomb tiré d'une sinistre main ; Mais qui , n'estant mortel à ce grand duc lorrain , Fait que pour vray enfant de son père on l'advouë.

Sous le grand roy François , François duc en jeunesse Jadis reçeut un coup de lance dessous l'œil , Tesmoing de sa vertu, son fils à luy pareil Portera dessous l'œil du père la prouesse.

Si naguiere il fut beau, il est beau davantage : Une marque de force aux forts ne messiet pas. Un boiteux grec disoit : Tant que je fay de pas. Autant j'ay de tesmoings de mon vaillant courage.

Annibal perdit l'œil passant en Italie,

Qui fut marque honorable à chef si valeureux :

Ton père n'en eut moins , ce grand duc généreux : D'un coup tel que le sien ta face est ennoblie.

Si ou Charles ton oncle , ou bien François ton père Te voyoit à présent à la face navré, L'un se recognoistroit en son fils figuré, L'autre s'esjouiroit voir au nepveu son frère.

Que di-je? ils sont voyans et l'un et l'autre encores, Et le père le fils, et Charles son nepveu : Charles, helas! duquel ma muse eut cest adveu, Qu'il fut vif son espoir, et mort est son deuil ores.

Lequel tressainct prélat , de la foy la défense , Et pource justement entre les saincts admis, Luy et son frère aussi, de leur maison amis, Envoyent leur faveur du ciel par elle en France.

Et ne doit on douter que tels patrons en guerre, Estans des deux costez de leur vaillant nepveu, N'ayent à ceste fois à luy si bien pourveu, Que d'un laurier lorrain le roy son chef enserre.

Or toy, 6 grand Henry! de Dieu la juste cure, Lequel et jjur et nuict dévot tu vas priant. Tu vois , tu vois qu'en vain tu n'es allé criant Par vœuz journels à Dieu, qui ton salut procure.

Tu n'as en vain lissé le seuil pierreux des temples, Par trasse de tes pas les saincts lieux visitant : Et de tes grands thresors de jour en jour offrant A Dieu, qui t'a rendu recompenses si amples.

Les deux ostz combattoient par grand' puissance d'armes Mais tes dévots autels l'estrauger ont deffaict :

356 JEAN DOPuAT.

Tes vœuz espars au ciel , soudain (merveilleux faict)

L'ennemy fut espars par soudaines alarmes.

O Dieu, ô la pieté, vertu la plus certaine! O vœuz non jamais vains de la bouche des roys ! Tel Moyse soustenu de deux, les bras en croix, Israël estendit Amalec sur la plaine.

Tu as ainsi vaincu par vœuz en ton absence , Dieu au duc et soldats pour toy estant présent : Le proverbe commun n'est vain qui va disant , Que les roys ont les mains d'une longueur immense.

Icy tu priois Dieu, plus de quarante mille Esloigné de ton camp , de combattre envieux : Mais estendant tes mains et tes bras jusqu'aux cieux, Tu nous as rapporté grand joye en ceste ville.

Tu nous as rapporté duc et trouppe sauvée, Jusques au ciel chantans d'accord les deux Henris : Henris et roy et duc, de Dieu les favoris. Duc par le roy vainqueur, par le duc son armée.