III

3o6 LA BORDERIE.

Et feit ouyr son horrible tonnerre

Jusques au fondz du centre de la terre ,

Espouventant les enfers inhumains,

Lesquels il tient, comme nous, en ses mains.

D'autre costé , fortune détestable ,

Qui tousjours roule ou voile comme instable,

Par mer, par terre et par l'air tracassoit,

Vapeurs de pluye et de gresle amassoit :

En nous forgeant byrrasques et cyons,

Qui est l'horreur dont plus nous soucions :

Très estonnez de veoir à Tceil piteux

Contraires vents et tourbillons hydeux,

Encontre nous faire courir fortune,

Pour nous verser dedens l'onde importune ,

Dedens laquelle Atropos attendoit

Mon foible corps qui ne se defendoit,

Fors par l'espoir eslevé vers les cieux ,

Requérant ayde et temps plus gradeux.

Oïl est le cœur plein d'asseurance forte.

Voyant ces cas qui ne se desconforte?

Et qui n'espère en noyse tant haultaine ,

Plustost la fin que la vie certaine ?

La mer qui fut pleine comme campaigne ,

Est jà réduite en diverse montaigne.

Jusques au ciel galères sublimées

En un instant semblent estre abysmees,

Plus du bastard on ne fait voile à mont,

Ny de la bourde, et moins de l'artimont.

Le seul trion en carré mesuré.

Est plus au vent constant et asseuré.

LA BORDERIE. 3o^

Dangereux est navigage de l'hoste, Et que galère auprès d'elle s'acoste.

Cliascun s'escarte à la mercy du vent, Régnant siroc le prochain du levant; Lequel ayant la grand force brisée Des autres vents, et la mer maistrisee, Nous conduisoient vacabonds et errans , Où sa fureur avoit gaigné les rangs.

En tel tourment que cliascun peult sçavoir, Trop plus plaisant à reciter qu'à voir, Fusmes à tant que Phebus ayant faict Son cerne rond, de nous se fut deffaict.

Lors estonnez de la nuict qui survient, Et que tousjours la mer grosse devient, Voyans aussi que la forte tourmente, A cliascun coup brise la palemente.

Baigne forsatz, entre de toute part, Et qu'il n'y ha obstacle ny rampart Qui sceust garder le tymon qui nous guide, Que bien souvent de sa place ne vuide : Tous mariniers commencent à crier Miséricorde, et à genoulx prier.

L'un saincte Barbe , et l'autre sainct Antoine ; L'autre faict vœu de s'aller rendre moyne Incontinent qu'il aura repris terre:

L'un son salut recommande à sainct Pierre ; L'autre promet de donner à sainct Cyre Sa pesanteur, et quantité de cire.

Tous en effect faisoient riches les sainctz. Mais qu'à bon port peussent arriver sains.

Ce n'est pas tout , les admirations , Exhortemens et conjurations Faictes par eux contre toutes gropades, Qui nous donnoient soudaines astrapades, Tant pleines sont de folle moquerie, Que quand j'y pense il fault que je m'en rie. Combien qu'alors je n'avois, à vray dire, Aucun désir de chanter ne de rire ; De peur aussi ne fus tant surmonté , Que tousjours n'eusse espoir en la bonté Du grand patron, qui en plus fort orage Ha tous les siens préservez de naufrage.

Lors envers luy j'addressay mes prières. Sans m'effrayer du bruit qui ne sert gueres. Disant : Seigneur, ton bon plaisir soit faict Sur moy ton serf, de péché très infect. Si à ce corps est venue son heure, Veuilles au moins que l'ame point ne meure Et qu'il te plaise, ô mon Dieu débonnaire, Me pardonner mon offense ordinaire.

Semblables motz où ma fiance touche.

Je proferois plus de cœur que de bouche; Sans adhérer à la clameur des gens Plus effi'ayez qu'au besoing diligens; Estans les uns si très loing d'espérance, Qu'ilz observoient la dernière apparence De se jetter en l'horrible déluge, Mettans à non leur inutil refuge.

Voilà Testât et le piteux séjour Où toute nuict fusmes jusques au jour,

Que du grand vent la fureur fut passée, Et courte joye en noz cœurs amassée; Car si siroc au poinct du jour cessa, La transmontane aussi tost se dressa.

Soufflant si fort et de telle manière.

Qu'elle nous feit retourner en arrière, Changeant en dueil nostre attente tarie , De prendre terre es portz de Barbarie , Esquelz siroc nous avoit quasi mis En seureté de mer et d'ennemys; Mais vent contraire à l'heure nous redouble Plus que devant en l'esprit crainte et trouble, Nous ramenant par les voyes hydeuses , Ja de noz yeux congneues périlleuses.

Comme Theseus en persant les ténèbres Des bas enfers, pleins de dangers funèbres. Se trouva plus au retour estonné, Voyant des dieux estre à luy ordonné De repasser par les monstres iniques.

Qu'il avoit veu en ces lieux plutoniques. Aussi nous fut la peur plus effroyable, Renavigans par mer non navigable ; Par gouffre égal au grand gouffre d'enfer. Qui se peult dire estage à Lucifer; Et pis encor, car en enfer les âmes Sont seulement tourmentées aux flammes.

Mais en celle eau les âmes et les corps Sont agitez par contraires accords ; Or pense, amye, en quelz dangers se mettent. Qui follement en la mer se commettent;

3iO LA BORDERIE.

Par faulte d'eau ou par trop d'abondance. Prochaine mort leur est en évidence ; Vivres faillans en lieu non secourable, Causent de faim la langueur misérable.

Au feu surpris remède ne se treuve ; Bienheureux est qui n'en ha faict la preuve; Vents violents soufflent par si grand erre Que bien souvent forcent investir terre, Des ennemys la crainte est éternelle ; Voilà comment, soubz attente mortelle, Navigateurs au péril sont soubzmis, De faim, soif, mer, feu, vents, terre, ennemys.

Pour retourner au propos précèdent, Estans rengez en un tel accident, Et jà voyans les constrates des mers.

Nous presentans leurs breuvages amers , Soudain pilotz font yssir le carnal Et allumer en poupe le phanal Pour esclarcir l'obscurité qui nuit.

Délibérez faire force la nuict.

Galères lors observèrent l'addresse Du feu luysant en la capitainnesse.

Ayant conclud, chascun en son endroict.

N'aller ailleurs sinon au phanal droict; Mais comme on void en horrible bataille. Après avoir frappé d'estoc et taille, Et que meslez sont ensemble ennemys, Les uns blessez , les autres à mort mis ; Les bons souldars qui sont encor vivans, A l'œil l'enseigne ou guidon poursuivans,

LA BORDERIE. 3 l l

Ont entrepris ne le perdre de vcue ; Et toutesfois par la grand foulle esmeue Des eombatans qui font en plein jour sourdre Obscurité d'elation de pouldre , Le plus souvent demeurent séparez De l'estandart, au combat esguarez.

Ainsi advint à noz foibles vaisseaux, Mis au conflict des vagues et des eaux. Par vents, par flotz, par constrates adverses Furent contraintz suivre vo} es diverses , Et ne voir plus leur flamboyante enseigne , Qui le chemin nagueres leur enseigne.

Adonc la mort voyant mis à l'escart Le seul vaisseau du baron Sainct-Blanquart, Chef de l'armée où j'estois embarqué.

Qu'elle tousjours avoit bien remarqué, Se va penser l'heure estre tout à poinct Qu'elle pourroit parvenir à son poinct; Mais s'efTorçant venir secrettement, Fut de nous tous congneue appertement ; Car les monceaux des grands vagues haultaines , Nous donnoient bien cougnoissances certaines Que là dessoubz la mort estoit absconse; La froide peur sur ce poinct nous annonce Un desespoir de salut impossible.

Ha, dy-je lors, que le monde passible Est remply d'heur, en qui les destinées Ont pour l'honneur ses fins déterminées! O bienheureux qui perdirent la vie Devant les yeux de leur prince à Pavie,

3i2 LA BORDERIE.

Dont le clair bruit jamais ne périra,

Tant que le nom de François florira,

Et la mémoire en sera plus heureuse

Qu'onques ne fut leur peine douloureuse.

Que n'ont les dieux plustost à moy permis

D'estre desfaict par Flamans ennemys

Ou Piedmontois ? à l'heure honnestement

L'ame eustpeu prendre hors du corps partement.

Mais maintenant, las! il fault que ma gloire

Soit de péril par force de trop boire ,

Et que poissons, au lieu d'hommes yaillans,

Soient de mon corps les hardis assaillans.

O dieux haultains, qu'avons-nous tant commis?

Est-ce Juno qui nous pense ennemis ,

Pour ce que yssus sommes du sang de Troye ?

Helasl il fault que la déesse croye

Que ne venons en l'itale .contre elle

Renouveler ceste antique querelle.

Nous sçavons bien que trop légèrement

Fut par Paris donné le jugement.

Et que les maux par l'offense irritez,

Que noz majeurs les avoient méritez.

Nous le sçavons; mais aussi luy suffise

D'en avoir Troye à sang et à feu mise ;

Suffise luy du tant piteux oultrage

Faict aux Troyens par si cruel naufrage.

Qu'en ce lieu propre où sommes agitez.

Deux vaisseaux pleins furent précipitez.

Veult-elle encor de ce peu nombre-cy

Paistre son cœur contre nous endurcy?

LA BORDERIE. 3i:

Certes le sang d'Ilion descendu Trop amplement pour l'heure est espandu. Pour en nous seulz estaindre l'origine.

O vous, Venus! ô déesse divine!

Qui fustes source à telle inimitié, Vueillez nous veoir de vos yeux de pitié , Avant du tout que soyons desconfitz.

S'il est ainsi qu'OEneas vous fut filz, Comme font foy les livres apparens , Sommes-nous pas voz très povres parens ? Mais il suffit si vous faictes tant d'heurs Nous advouer pour humbles serviteurs , Et que pour nous employez la puissance Qu'avez en mer où vous pristes naissance.

Ces motz à peine eu-je parachevez, Que dessus nous nous vismes eslevez Flambeaux ardens tout auto.ur du cordage. Que vieux pilotz prindrent à bon présage , Estre affermans le vray feu sans fantosme, Des bienheureux Damian et sainct Cosme.

Autres disoient, ayans les livres leuz.

Que c'estoit feu de Castor et Pollux, Frères gémeaux; après un bien grand trouble Monstrans en mer heureuse clarté double ; Mais les clairs feuz qui estoient là venus , N'estoient sinon les flambeaux de Venus. Qui , par pitié et par compassion , Venoit chasser ma dure passion.

Entrant en moy spirituellement Par les conduitz de mon entendement.

3i2 LA BORDERIE.

Dont le clair bruit jamais ne périra,

Tant que le nom de François florira,

Et la mémoire en sera plus heureuse

Qu'onques ne fut leur peine douloureuse.

Que n'ont les dieux plustost à moy permis

D'estre desfaict par Flamans ennemys

Ou Piedmontois ? à l'heure honnestement

L'ame eust peu prendre hors du corps partement.

Mais maintenant, las! il fault que ma gloire

Soit de péril par force de trop boire ,

Et que poissons, au lieu d'hommes yaillans.

Soient de mon corps les hardis assaillans.

O dieux haidtains, qu'avons-nous tant commis?

Est-ce Juno qui nous pense ennemis,

Pour ce que yssus sommes du sang de Troye ?

Helasl il fault que la déesse croye

Que ne venons en l'I taie , contre elle

Renouveler ceste antique querelle.

Nous sçavons bien que trop légèrement

Fut par Paris donné le jugement.

Et que les maux par l'offense irritez,

Que noz majeurs les avoient méritez.

Nous le sçavons; mais aussi luy suffise

D'en avoir Troye à sang et h feu mise;

Suffise luv du tant piteux oultrage

Faict aux Troyens par si cruel naufrage.

Qu'en ce lieu propre où sommes agitez ,

Deux vaisseaux pleins furent précipitez.

Veult-elle encor de ce peu nombre-cy

Paistre son cœur contre nous endurcy?

LA BORDERIE. 3 l 3

Certes le sang d'Ilion descendu Trop amplement pour l'heure est espandu. Pour en nous seulz estaindre l'origine.

O vous, Venus! 6 déesse divine!

Qui fustes source à telle inimitié, Vueillez nous veoir de vos yeux de pitié , Avant du tout que soyons desconfîtz.

S'il est ainsi qu'OEneas vous fut filz, Comme font foy les livres apparens , Sommes-nous pas voz très povres parens ? Mais il suffit si vous faictes tant d'heurs Nous advouer pour humbles serviteurs , Et que pour nous employez la puissance Qu'avez en mer où vous pristes naissance.

Ces motz à peine eu-je parachevez, Que dessus nous nous vismes eslevez Flambeaux ardens tout autour du cordasse,

Que vieux pilotz prindrent à bon présage , Estre affermans le vray feu sans fantosme, Des bienheureux Damian et sainct Cosme.

Autres disoient, ayaus les livres leuz, Que c'estoit feu de Castor et Pollux, Frères gémeaux; après un bien grand trouble Monstrans en mer heureuse clarté double ; Mais les clairs feuz qui estoient là venus , N'estoient sinon les flambeaux de Venus. Qui , par pitié et par compassion , Venoit chasser ma dure passion.

Entrant en moy spirituellement Par les conduitz de mon entendement,

3l4 LA BORDERIE.

La bonne dame en mon cœur arriva, Où tout soudain esveiller elle va Son fîlz Amour , qui dormoit là tout nud Secrettement , de peur d'estre congneu.

Amour voulant d'elle le cas entendre, Incontinent commence à son arc tendre , Et du carquois vingt traictz esmouluz tire, . Tous bien forgez à preuve de martyre; Sort, et s'en va tant despit qu'il se mord, Délibéré de combatre la Mort, Laquelle ayant sa sortie esventee, Devant les traictz ne s'est pas présentée , Et n'osa pas respondre à ces alarmes; Mais s'enfuyant, luy quitta tost les armes, Non point pour peur qu'elle avoit de mourir, Car ce mal pcult par soy seule encourir; Mais trop craingnant le martyre d'aymer. L'estimant plus que le sien estre amer; Et mesmement congnoissant sa nature De tant liydeuse, et tant laide figure, Que si d'amours elle estoit animée, Jamais de nul ne pourroit estre aymee ; Ainsi n'ayant remède periroit.

Et de ce mal jamais ne gueriroit.

O folz mortelz! si Mort doibt Amour craindre, Laquelle peult nostre nature estaindre.

Comment au preis osons-nous en tout lieu Si priveement accointer ce grand dieu?

Mort voyant donc son dard n'avoir puissance A l'immortel Amour faire nuysance.

LA BORDERIE. 3l5

De grand effroy, de rage et de despit , Au fondz de l'eau, honteuse se guerpit. Où de nager et fuyr ne cessa, Jusques à tant qu'à Modon traversa, Au port duquel l'Otomane assemblée Estoit surgye. Adonc Mort à l'emblee Pour descharger son crevecœur hydeux.

Vous meit à fons galères vingt et deux. Peu s'en falut que celle ou Barberousse Fut embarqué, n'endura la secousse; Voilà comment son despit desgorgea, Puis là print terre et viste deslogea.

Amour, tandis qui par la mer voloit Par çà , par là de tous costez alloit, Fort courroussé qu'il ne la peult trouver Pour ses effortz encontre elle esprouver. Quand il l'eut bien cherchée en toutes pars, Il s'en va droict à ces grands ventz espars , Où peu s'en fault que sur eux ne descoche, En leur disant vilenie et reproche.

Les ventz, tremblans de peur, se humilièrent, Et du passé mercy luy supplièrent, Eux excusans sur le commandement De cil qui ha sur eux gouvernement.

Allez, .dit-il, que plus ne vous advienne, Et que jEoIus de ce faict se souvienne; Car par les fers des flesches que je porte, Il en sera puny de telle sorte , Qu'il congnoistra qu'il ne se doit jouer A ceux que miens il me plaist advouer.

3l6 LA BORDERIE.

Amour ayant le tout rendu tranquille,

S'en est r'entré au propre domicile,

Où promis ha de loger jusque à tant.

Qu'il paiera Thoste, et le rendra contant.

Si finement que nul veoir ne l'ha sceu,

Ny au partir ou rentrer aperceu ,

Fors moy tout seul , qui grâces luy rendois

De plus de biens que je ne pretendois.

Et par serment luy fus encor jurant,

Que si j'estois mil années durant

Tousjours son serf serois maugré l'envie.

Puis qu'au besoing m'a voit saulvé la vie.

Nous donques tous qui fusmes presque pris,

Passé le mal , reprismes noz espritz.

Au port du Jon chascun se rassembla,

Fors deux vaisseaux que le temps nous embla,

Desquelz n'avons nouvelles ni advis,

S'ilz sont sauvez, s'ilz sont ou mortz ou vifz.

Après avoir à Dieu rendues grâces , Ayans repris en nous joyeuses faces, Chascun du temps recite un nouveau compte ; Chascun ses peurs et fortune racompte.

L'un recitoit comme la vague grande Avoit porté la galère à la bande ; Et sans celay qui le tymon guidoit, .

De ce grand choc le vaisseau se perdoit. L'autre avoir veu traverser la grosse eau De poupe en proue , au beau long du vaisseau. Un autre dit que plusieurs tourbillons Avoient brisez cordes et cordillons,

Et de fureur la voile en mer jettee.

Villiers jura, sa galère agitée, Avoir esté sans tymon demye heure.

Il n'y ba nul qui confus ne demeure A telz recitz , bien que Ton doive croire Des maux passez doulce estre la mémoire. Nous advisons qu'en France s'en aller Pour cest y ver il n'en fault point parler; D'autre conseil est besoing que l'on use, Puis qu'en ce poinct la saison nous refuse. Nous retournons à Patras r'abiller Vaisseaux froissez et nous r'avitadler.

Où fut conclud à la ville famée , Constantinople, amener nostre armée.

Tout préparé faisons voile, et devant Prenons la vol te envers soleil levant, De coste en coste au long de la Moree , Région riche , antique et décorée Par maint autheur, Peloponese dicte, Dont mainte histoire est au long bien escrite. Tout autour d'elle est la mer espandue, Fors un destroit qui comprent d'estendue Six mil sans plus, Ysthmon dict et nommé. Où de Corynthe est le lieu renommé , Ville jadis la première en délices , En grans trésors et pompeux édifices.

Nous donc suyvans la pointe en costoyant Celle Moree, et maint beau lieu voyant. Venons au port de Blodon, ville forle.

Clef de Turcquie où fault que chascun sorte ,

3l8 LA. BORDERIE.

Qui veult entrer es fins de mer .^Egee.

Là nous voyons la piteuse rengee

De vingt et deux galères que la Mort,

En s'enfuyant , brisa dedens le port ;

Dont estonnez du cas esmerveillable,

Chascun de nous se trouve espouventable;

Remémorant du passé accident,

Le grand péril, à l'exemple évident.

Qui en un port donne assez à congnoistre

En quel estât nous pouvions en mer estre.

Droict à Corron nous suyvons en après,

Autre lieu fort de Modon cent mil près,

Duquel les Turcs Andredore priva,

Quand leur chesbi en Hongrie arriva;

Mais d'iceluy ne fut pas l'empereur

Si bon gardien que subtil conquereur ,

Le laissant perdre à sa faulte et grande honte

Qui aux chrestiens non peu de perte monte.

De là au cap Metapan arrivasmes,

Où le vent frais par proue nous trouvasmes,

Dont le retour convenoit espérer ;

Mais n'ayant plage où pouvoir repairer,

Gaignons vogans sans controversité,

Faisans vertu de la nécessité.

Tant que la turme , à force de tirer,

Gaigna la pointe et se vint retirer

Oultre le cap, au port de Portecaille,

Lieu où l'on prend l'année mainte caille;

Car là si tost ne sommes arrivez.

Que des haultz montz nous voyons dérivez

LA BORBERIE. 819

Grecz à foison , descendans les vallées , Portans barilz pleins de cailles sallees, Ayant taxé la douzeine à un sol, Dont maint de nous en eut le ventre saoul. C'est aussi là où les sacres légers, Sors et sagartz, et sacretz estrangers, Après avoir passé la mer entière, Sont attrappez et pris à la panthiere.

Plus nous en fut d'iceux porté à vendre , Que nous n'avions d'argent pour y despendre, Combien que tant en estoit vil le preis, Que pour l'escu aviez le sacre pris , Qui couste quinze et par fois vingt en France.

Là sejournans pour la trop grande oultrance Du vent contraire , attendons que le temps De sa faveur nous vinst rendre contens; Lequel venu commençons à serper.

Sortir du port et à voile couper Le fil de l'eau, dressans les espérons De noz vaisseaux droict où nous espérons. Bien tost passons près l'isle Cytheree, Où fut Venus autresfois adorée, Qui du lieu print le nom qui dure encore. Et de son bruit celle terre décore , Temples ayant propres aux sacrifices , Desquelz encor restent les édifices.

Lors je m'encline en grand' liumilité Pour révérer là sa divinité ; Priant de cœur la déesse puissante,- Que tout ainsi qu'elle me fut aydante

Au trouble grand du dangereux orage, Elle le soit à tout le navigage.

Et me permette, en heureuse santé.

Revoir les lieux où je n'ay liberté Que d'envoyer à présent mes pensées.

Qu'elle peult rendre en heur récompensées. Lors me sembla que le vent renforçoit, Et que de mer l'onde s'adoulcissoit Pour nous couler plus favorablement; Car nous perdons tost et en un moment L'isle susdicte, appellee en la charte Cypre; mais tost après nous voyons Sparte, Lacedemone antiquement nommée.

Siège des roys de Grèce renommée.

Ville où regnoit ensemble double prince Qui commandoient à toute la province.

Selon les loix par lignage ordonnées , Heureusement à ce peuple données, Leur acquei^ant la réputation De vertueuse et sage nation.

De vous compter quelles furent les loix. De vous compter les noms de tous les roys, Leurs gestes , faitz et choses mémorables Selon le vice ou la vertu muables.

Les stades mis et les justes distances De lieu en autre, et leurs appartenances, De vous escrire en un compte parfaict Tous ces cas-là, je n'aurois jamais faict.

Suffise vous que récit je vous face De cela seul qui mon sçavoir ne passe;

Et si le tout, d'antiquité notoire, Je n'approprie à la fresche mémoire, Mon esprit foible ore excuse à l'escrire, Qui sçait trop mieux bien aymer que bien dire.

Nous donc , suivantz la terre d'Achaïe , Mesme Moree, autrement Laconie, Venons surgir en l'isle de Servy, Isle qui n'ha pas ce nom deservy ; Car nul sesbi n'y ha point habité, Mais bien des ratz une grand quantité Par les buissons, où nos chiens les chassèrent, Et là le temps maintz mariniers passèrent A la lueur de la lune plaisante, Jusques à tant que l'aurore luysante Vint annoncer Phœbus prest à sortir, Admonestant comités de partir, Desquelz chascun aux forsaires commande, Mettre soudain galères à la bande.

Et au dedens les esquifz retirer, Puis faire voile , et la voile tirer De Malvoysie en grec dicte autrefois Monembassia, c'est à dire en francois, Un seul accès, pour ce que leans droict Vous n'y entrez que par un seul endroict. Là fut trouvé, selon aucun auteur, Le premier plant de la bonne liqueur Qui du lieu print le nom de Malvoysie, Et fut porté au royaume Candie ; Crète lors dit, habité de cent villes, A Juppiter subjettes et serviles.

iJi. ■>. I

Sans prendre port à ce lieu fort ancien,

Modernement rendu Venicien,

Prenons le vent, de peur qu'il ne se change,

Et advansons outre le cap Sainct-Ange,

Que l'on disoit jadis le promontoire

De Malea, où toute la nuict noire

Nous navigeons jusques au poinct du jour.

Que nous entrons en un fasclieux séjour

D'un port qu'fîstoit appelle Porteboute ,

Où séjourna dix jours l'armée toute,

Par un siroc qui vint à l'opposite ,

Nous contraingnant faire là nostre giste,

Jusques à tant qu'un ponant gracieux

Rompit l'esfort du vent audacieux.

Venant exprès pour nous lever le siège.

Et de nager donner le privilège ,

Modérément souspirant parmy l'aer

Pour nous conduire où desirons aller.

Soubz sa faveur nous entrons aux campaignes

De la mer calme, et laissons ces montaignes

De Porteboute, esquelles fut un temple

De Juppiter Epidaure très ample ,

Où Apollo, tout ainsi qu'en Delphos,

Donnoit oracle et respondoit aux folz.

Les cas futurs curieux de sçavoir.

Dont le seul Dieu ha notice et pouvoir.

Ja commençons la terre d'Achaïe A délaisser et voir la Romanie , Oultre le gouffre à Corinthe qui va Respondre à l'autre à Patras qui rive ha.

Naples voyons , grand port , où l'équipage ■ De tous les Grecz, utile au navigage, Souloit jadis demourer en repos, Pour estre prest quand viendroit à propos; Bien nous sembla du lieu forte la marque , Inaccessible à nef, galère ou barque.

Et en ce poinct à l'œil la conduisant Par un temps calme et soleil reluysant, Gaignons païs tant que nous sommes mis En l'Egina, isle près Salamis, Où fut desfaict par les Athéniens Xerces ayant sept centz mille Persiens, Par la conduite et invincible arroy Du très vaillant Themistocles leur roy ; L'Egina fut superbe Athénienne, Et de présent povre Venicienne, Ayant changé sa première puissance Au dernier faix de serve obéissance.

L'horreur en moy et la pitié domine , Voyant à l'oeil celle triste ruine.

Hors de laquelle au matin nous partons, Et du chemin un peu nous escartons Pour prendre egade aux salines prochaines De Megara, où sont claires fontaines.

Qui leur doulceur meslent en Tonde amere; Chascun de sel fournit lors sa galère, Et sans arrest gaignons tousjours avant , Voyant maint lieu et mainte isle souvent Estrange à nous et de nom incongneue.

Eleusis à nos yeux est venue

Sans la congnoistre, où Ceres et Pallas

Eurent un temple , auquel n'estoient pas las

Sacrifier autrefois les Argives ,

Aux pourtraitz niortz de leurs deïtez vives.

Deux jours, deux nuitz, sans prendre port ou plage»

Ayant le vent propice au navigage

Nous emplions, tant qu'avons repos euz

En terre attique au port de Pyrei'is,

Porteleon nommé par les modernes.

L'excellent port de la cité d'Athènes,

Mère et fontaine aux lettres libérales,

Où florissoient les loix philosophales,

Qui par Draco bien escrites au long,

Fip'ent au peuple, en après par Solon,

Veues au long et mieux amplifiées,

Puis peu à peu au monde publiées;

Dont nous humains leur sommes tous debteurs,

Qu'ilz ont esté, non des loix inventeurs

Tant seulement, mais aussi des usages

D'huiles , de vins , de semer labourages ,

Par l'industrie ague et singulière

De Triptoleme et Pallas, qui première

Nomma la ville Athina, qui reserve

Encor ce nom , signifiant Minerve.

Athènes serve, à présent mise en friche.

Fut tant d'honneur et de faconde riche.

Que dicte estoit à bon droit fleur du monde ;

Mais maintenant elle est la plus immonde,

La plus abjecte, asservie et foulée

Qui soit en terre, et la plus désolée.

Ses bastimens qui furent excellens, Théâtres grands où estoient vigilans Au bien public les areopagites , Sont ruinez en maisons bien petites, Esquelles Gréez povres et misérables Payent tributz et tailles incroyables; En chascun feu un soultanis pour teste; Un aspre aussi paye chascune beste; L'un un ducat, l'autre vault dix deniers. Athéniens qui furent les premiers Et plus anciens gentllzhommes de Grèce, User des droitz ne peuvent de noblesse, Ains son contraintz à tous ars mechaniques Eux asservir, selon les loix iniques , Du grant tyrant qui les détient petis Pour les renger plus serfz et plus craintifz. Nous n'eusmes pas un demy jour loysir De voir ce lieu où prenons grand plaisir. Voyant encor de la cité superbe Les fondemens tous entiers couvers d'herbe ; Leur grand dessaing assez donnoit entendre Qu'elle pouvoit grand espace comprendre.

Ayant aussi un théâtre apperceu.

Que le long temps desmolir n'avoit sceu; Sur grands piliers de marbre bien assis. Seize de long et de fronc six à six , Duquel les Grecz avoient faict à leur guise De Sainct André une nouvelle église.

Ayant un mur au dedens faict en cerne. Que l'œil jugeoit assez estre moderne.

Après avoir en celle terre argive Bien refresclii noz galères d'eau vive, Du gros canon la retraicte sonnasmes, Et tout soudain les voiles nous donnasmes Aux ventz légers qui feirent escumer Soubs noz vaisseaux les undes de la mer, Joyeusement en tranquilité bonne, Oultre nageans près du cap de Colonne, Cap érigé sur la mer eminent, A trente mil d'Athene continent.

Auquel y ba six colonnes marbrines.

D'antiquité et de mémoire dignes, Estans encor d'un temple les reliques, Oli tous les ans souloient les Argoliques Venir Ceres la déesse invoquer.

Près dudit cap le vent vint à manquer. Mer s'adoulcir, augmenter la cbaleur, Temps pour accroistre aux forsatz leur malbeur. Qui tout soudain les rames enpongnerent, Et de voguer jour et nuict ne cessèrent. O sort inique ! ô gens infortunez, A tel labeur estans prédestinez !

Or pense , amye , icy la grand misère De ces forsatz condemnez en galère ; Mais quant et quant vueilles penser aussi Que plus grand est mon mal que leur soulci, D'autant que plus est fort et véhément De l'esperit que du corps le tourment ; Et si verrez par raison naturelle.

Si n'estes trop endurcie et cruelle,

LA BORDERIE. 3o'

Que plus dure est la mienne affliction Que n'est la leur serve condition, Chascun d'eux est nommé serf et forsaire , Serf non forsé je suis, mais voluntaire, Bien que l'effort de vostre grand beauté M'ayt asservy soubs vostre cruauté ; La liberté d'iceux n'est asservie Que pour un temps, la mienne pour la vie. Hz sont puniz pour leur grand démérite , Je n'ay faict grande offense ny petite , Dont peine doive estre à moy recompense , Si trop aymer vous n'appeliez offense; Hz ont au moins quelque soulagement D'avoir plusieurs égaux en leur tourment, Nul n'est égal à moy d'amytié forte ; Personne aussi mon mal ne reconforte ; Les ventz légers souvent leur favorisent, Les ventz à moy n'aydent et si me nuysent; Car avec eux et leur légèreté N'ha rien commun ma stable fermeté.

Les povres gens sont par serve rigueur Liez au pied , et je le suis au cœur, Qui est du corps trop plus noble partie. Leur prison n'est autrement admortie Que par l'effect de mort ou de pitié , Quand à ce point nous partons par moytié, Et avec eux n'ay point de conférence.

Fors qu'à ce but d'une mesme espérance; Mais regardez lequel plus de mal sent , Ou eux pécheurs, ou moy povre innocent,

Et lequel mieux à pitié vous attire, La juste peine ou le juste martyre.

Revenons donc aux povres malheureux, Qui par effort pénible et douloureux De l'Archipel mainte isle oultrepasserent , Et de tirer tant le corps se lassèrent, Que de sueur et d'angoisse lavez , De Chastelroge au port sont arrivez , Ville qui est sur un mont située , De Grecz et Turcs ensemble habituée.

Premièrement au pied de la montaigne Carystes dicte , assise en la campaigne D'Euboea, isle très-renommee, Qui maintenant Negrepont est nommée ; Terre de blez opulente et fertile, Non de grandeur moindre que la Sicile , Pour qui ont eu Lacedemoniens Maintz differens avec Athéniens , Dont cruauté s'en est telle ensuyvie, Que plusieurs Grecz y laissèrent la vie, Comme Ton voit au livre Thucydide.

L'autre cité où le saniac réside, Capitale est, dicte aussi Negrepont, Oii ont les Turcs basti un nouveau pont, Oultrepassant de l'isle en terre ferme.

Nous congnoissans noz vivres estre à terme, Et de biscuit le pagtot quasi vuide, Sainct Blanquart, chef qui mieux fourny se cuyde. Soudain envoyé en la susdicte ville Charger biscuit des quintaux quatre mille ;

Que Pierrebon et Villiers achetèrent.

Et cledens trois galères apportèrent, Dont nul n'y ha qui asseuré ne soit Contre la feim, qui ja nous menassoit.

Bien que ce fust assez peu de viande Pour tant de gens , d'une armée si grande , Oii fault nourrir six mille que nous sommes, Compris forsatz, mariniers, gentilzhommes ; Mais nous avons de gaigner espérance De Chio l'isle , où prenons asseurance Tant d'amytié trouver en celle gent Qu'il ne nous peust manquer pain ny argent ; Car les Chios sont chrestiens secourables , Et aux François de tout temps favorables , Ce que congneu avons bien par exprès , Comme il sera declairé cy après.

Nous donc ayans du biscuit fourniture , Avec du temps tranquille l'adventure, Du fons de l'eau les ancres retirons , Sortans du port à force d'avirons.

Comités lors de leurs siflets esveillent Forsats captifz , à fin que mieux travaillent , Et ne sont pas les povres exemptez De l'anguillade au travail tourmentez , Ains leur convient entendre à coups de foytz, Que passer vogue il leur favdt plusieurs fois, Pour parvenir en diligence toute Au lieu qui peult asseurer nostre doubte, Et prévenir par paisible séjour Le froid yver qui croist de jour en jour.

33o LA BORDERIE.

Accompaigné de vents et de tourmentes, Pour la galère un peu trop véhémentes.

Ainsi vogans de force à qui mieux mieux, Tout l'Archipel se présente à noz yeux; Terres de loing semblent nous approcher, Autres fuyr et point ne nous chercher.

Nous descouvrons Andria la vaillante, Qui fut jadis de dames abondante, A divers jeux d'instrumens bien apprises. Des jeunes gens par la Grèce requises, Donnant plaisirs non tant de leurs accords Que du naïf instrument de leur corps.

Puis escartans cà et là noz œillades.

Voyons en mer les esparses Cyclades, Où mainte terre en un rond habitée De vagues est tout autour agitée :

Isles jadis errantes et instables , Si croire on doibt aux poétiques fables. Lors je m'enquiers où est l'isle sacrée Dicte Ortygie, à Phœbus consacrée, Où iEneas l'oracle visita.

Et sceut les lieux que depuis habita; Mais nul ne sceut par preuve de clergie Me dire au vray laquelle est Ortygie, Car comme moy tous son pleins d'ignorance. Puis il y ha bien grande différence De motz receuz en ce moderne usage Envers ceux là de l'antique langage.

Noz mariniers toutesfois usitez Es lieux qu'ilz ont autrefois visitez,

Font seurement noz galères aller Sans heurter coup et sans les encaller. Eux d'assez loin Methelin me monstrerent, Lequel Lesbos les anciens appellerent, Où ce bon vin croist tant délicieux, Qu'on dit nectar et breuvage des dieux. Paros aussi, isle ronde et jolie, De marbre blanc abondante et polie , Et mainte autre isle ayant nom incongnu, Au moins depuis je ne l'ay retenu.

Finablement les vents et mariniers Les dieux de nous guides, et tymonniers Nous furent tant propices et aydans , Que des perilz en la mer evidens , Durant trois moys, en santé nous tirèrent, Et de Chio au port nous situèrent, Dedens lequel soudain qu'arrivez sommes, Voyons à nous sortir femmes et hommes.

Non asseurez ny certains par rapport Quelz gens pouvoient aborder à leur port ; Leur premier doubte en crainte converti, Les ha de nous approcher diverti.

Les uns couroient aux armes nécessaires. Nous estimans venus comme adversaires, Et s'apprestoient de bien nous recueillir. Si nous eussions voulu les assaillir ; Autres montoient sur les murs et rampars Pour ministrer deffence en toutes pars , Voulans mourir tous d'un zèle bellique, Pour conserver une leur republique.

Femmes au bruit craintives et tremblantes Sont à chercher leurs enfans vigilantes, Lesquelz sans crainte à veoir se delectoient Noz galères que les vents agitoient.

Les bons viellarts de combatre exemptez, Se sont à peine aux églises portez, Recommandans de cœur devotieux Leur grant foiblesse à la force des cieux. Une rumeur effroyable à merveilles Saisit de tous les cœurs et les oreilles, Laquelle quand nous eusmes apperceiie Avoir ainsi toute l'isle deceûe.

Du gros canon par trois fois nous tirasmes ; Et comme amys noz amys asseurasmes.

A ce salut citoyens asseurez Ont de plus près noz vaisseaux mesurez Des yeux doubteux, et en eux recongnu Les fleurs de lys, présent du ciel venu. Dont le regard est craint et honoré En tous climats de ce siècle doré.

Lors sans delay viennent nous présenter Tout ce qui peult gens de mer contenter; Port asseuré , vivres, logis en terre, Ayde d'argent , asseurance de guerre.

Certes, s'il fault confesser vérité, Nous eussions eu sans eux nécessité ; Car d'amys est aux nations barbares Petit le nombre, et bourses y sont rares, Dont nous reduitz à l'extrême souffrance De tous les biens dont abonde la France ,

Ne trouvons nul qui secourir nous voyse, Fors les Chios, nation genevoyse, Qui tout soudain en terre nous menèrent , Et privément par tout nous pourmenerent , Nous faisans monstre avec offre civile De tout le riche et plus beau de leur ville. Le peuple en crainte au paravant espars, Accourt vers nous joyeux de toutes pars , Nous caressoit de cœur et de visage, S'esbahissant d'ouïr nostre langage; Des babitz courtz dont nous sommes couverts, Qu'ilz trouvent tant estranges et divers, Comme trouvons diverses leurs façons , Et d'eux aussi nous nous esbahissons, Non toutesfois tant de leur nouveauté , Que de penser celle communauté Pouvoir régner si long temps belle et riche Parmy les Turcs, sans estre mise en friche. Chose qui semble estre plus impossible, Que la brebis pouvoir vivre paisible Parmy les loups; car Turcs, d'ancienneté. Sont pis que loups envers la chrestienté.

Or estans lors contens noz esperitz D'avoir en mer fuy tant de perilz.

Nous trouvons tant le repos agréable, Le changement de vivres favorable, Tant nous est doulx en terre le dormir, Hors du tourment de branler et vomir; Un air de terre , une doulceur bénigne , Tant nous agrée au pris de la marine,

Que seulement aspirer, sans le reste,

Nous nourrissoit comme manne céleste.

Qui eust veu lors toute nostre brigade

Qui paravant avoit faulte d'egade ,

De Malvoysie et vin cler se remplir,

Le jour entier à bien boire accomplir ,

Il eust jugé les festes honorées

Du dieu Bacchus estre là restaurées,

Tant y faisoit tout le monde gra'nt chère,

Sans y trouver marchandises trop cbere.

Dames d honneur et de beauté douées.

De leurs maris sont aussi advouees

A caresser l'humanité Françoise.

Chascun de nous, en langue genevoyse,

Va deviser privément avec elles,

Excepte moy ; car, 'bien qu'elles soient belles,

Laides les trouve , et leur civilité

Estre me semble une imbecilité ,

Tant impossible est qu'en mon cœur je sente

Aucun plaisir où vous estes absente.

Qui me contraint absenter tous deduitz.

Et solitaire avoir mes sens reduitz

Au seul plaisir de pensée secrette.

Je vois, je viens, j'espère, je regrette,

Je considère et voy la constructure

Des bastimens de ce lieu de nature,

Du port l'entrée et combien de vaisseaux

Peuvent surgir en ces tranquilles eaux.

Ores m'enquiers des statutz de la ville,

De quel tribut elle est au Turc servile ;

Combien de feux toute lisle comprend ; Quel revenu la seigneurie en prend ; Puis je me fais conduire es lieux plaisans Où le mastic se produit tous les ans , Gomme qui sort de petis arbrisseaux Qu'à peine on peult recueillir à pleins seaux, Chose pour vray de grand' merveille digne. J'advise puis quel vent en mer domine, Si c'est siroc, mydi, le beix ponant, Mestral le grec, transmontane ou levant, Et me délecte à veoir voiles enflées.

Des mesmes vents en mer haulte soufflées; Tantost j'attens les vagues fluctueuses Encontre moy ruans impétueuses; Si que par fois l'onde mon pied surprend, Quand assez tost sa desmarche il ne prend , Tantost j'escry, et en vers je compose Ce que l'œil void, ce que l'erreur propose.

Ainsi souvent passant ma fantasie, Un jour à l'œil j'ay la rive choysie Où Theseus, qui fut à mon advis Plus dur que n'est rocher que là je veis, Laissa la povre Ariadne ravie En la Candie, où elle sauva la vie A ce meschant, qui pour toute desserte La laissa seule en celle isle déserte , Entre animaux, esquelz plus de pitié Elle trouva, qu'au traistre d'amytié.

O malheureux ! ô traistre misérable !

Est ce la foy promise inviolable ?

Qui dolbt tant estre observée entre amys , Que la loy saincte où Dieu nous ha soubmis ; Est ce le lieu où tu doibs laisser seule Celle qui t'ha seul tiré de la gueule Du Minotaure, et qui voulut instruire Le tien recteur, et moyen de destruire Ce monstre horrible alors qu'il s'apprestoit Faire de toy ce que bien meritoit Ton cœur ingrat ! 6 guerdon exécrable ! O femme folle en amours excusable!

Ton infortune assez donne à entendre Que mal pour bien ne se doibt jamais rendre. Certes, amye, au lieu que je vous dis Je fey en moy des discours plus de dix. Remémorant l'histoire trop énorme De Theseus : la façon et la forme Comment pouvoit vivre la povre dame Dedens ceste isle, où ne demouroit ame. Et là dessus je comprens en moy mesme Que c'est grand perte et pitié trop extrême De ceux qui ont fondé leur loyauté En cœur ingrat rempli de cruauté.

Et doibt on bien , si amour le permet , Choisir le lieu où c'est que l'on se met, Qui est un poinct où fort je me contente , Quoy qu'il advienne en fin de mon attente ; Et en cela j'estime mon grand bien D'avoir choisi , ce me semble , très-bien , Lors que je fey de celle élection Qui de ce monde est la perfection ;

Et ne me puis, quelque mal que j'endure, Persuader que sa cruauté dure; Car son esprit, qui tant de grâce hérite, Un jour verra son tort et mon mérite.

Mais revenons à vous parachever Que je devins le reste de l'hyver :

Voyant l'armée à l'ancre, je concluds Ne séjourner oysif en ce lieu plus.

Puis un désir bien grand me solicite Aller droict là où le grand Turc habite : Pour acquiter mon humble obéissance Envers qui ha me commander puissance, En préférant par devoir le service De monseigneur au séjour et délice.

Bien que devant le partir je prevoye En temps d'hyver difficile la voye; Et que la terre en ces lieux estrangers Autant que mer soit pleine de dangers, Mesmes à moy n'ayant pratique aucune Avec les Turcs , «y langue à eux commune ; J'ay toutesfois de servir tel désir.

Que tous travaux ne me sont que plaisir; Tous les hasars me servent d'asseurance Que je viendray au but de l'espérance : Par ainsi, rien tant soit espouventable Ne divertit mon vouloir immuable.

Je me fournis d'un truchement expert :

Et un matin , comme le jour appert Et que l'aurore à poindre coustumiere Avoit desjà de sa clere lumière iir. 22

j38 la borderie.

Ouvert la terre et le ciel rendu vuide De sa triste umbre, obscurcie et bumide, J'entre dedens une barque petite, Et me metz bors de la cité susdite. Cent mil de mer loing de l'isle jolie , Passer me fey ces fins de Natolie, Minerasie, autrement appellee, Oii pour parfaire en brief temps mon allée, Je me fournis de chevaux de louage Pour porter moy, ma garde et mon bagage. D'un Turc aussi, pour seureté plus grande, Je m'accompaigne ; ainsi à peu de bande Commencement je donne aux destinées Qui celle part m'estoient déterminées.

Je perse temps, montaignes et vallées, En costoyant près les undes sallees.

Non sans sentir la prochaine froidure Des montz vestuz de blanche couverture.

Divers casats, bourgades et villages, J^ieux incongneuz s'offrent-à noz visages; Cameaux chargez en chemin se présentent, Turcs viateurs congnoissent et bien sentent Que je ne suis , à me veoir à ma mme , Extraict de leur naturelle origine.

Et voyent bien que l'habit que je porte Au naturel du cœur ne se rapporte.

Mon truchement en leur tur([uesque voix Leur compte lors dont je viens oii je vois, Et les raisons qui m'ont meu d'entreprendre Si long voyage en jeunesse si tendre.

Smyrne, qui est par flotlz de mer touchée, Nous ha receuz la première couchée , Ville jadis, soubz Jesu Ghrist choisie, L'une des sept églises de l'Asie , Pour l'entretien de son divin service , Dont sainct Jean parle en son Apocalypse , Oii maintz martyrs souffrirent mort inique, Comme l'on void en rEcclesiastique.

C'est celle aussi qui se vante estre mère A l'excellent premier poëte Homère, Hors de laquelle au matin nous partons; Et, chevauchans , d'elle nous escartons Suyvans la terre et le chemin plus droict, Qui sans faillir nous guide au mesme endroict Où du grand Turc le filz aisné demeure. Magnésie est appellee à ceste heure Une cité qu'autrefois on nomma Anthillios, ainsi que dict on m'ha.

Qui sans soleil en nostre langue sonne , Pource qu'un mont si très hault l'environne , Que le soleil presque le long du jour Ne faict dedens ne clarté ne séjour.

Pour prendre là nostre plus droicte voye, Nous traversons près de l'antique Troye Par la duché d'Ephesos, oia vivoit Le bon sainct Paul du temps qu'il escrivoit; Nous descouvrons les montaignes Idées Où Paris ha maintes hestes guidées.

Lors que berger il trompa d'amour feinte OEnone, avant que Troye fust estainte,

34o LA. BORDERIE.

Et que luy juge aux trois déesses nues

Meut le principe aux guerres survenues ;

Nous descouvrons les campaignes et champs

Où les Grecz ont donné maints coups tranchans,

Où Achilles et Hector, les plus fors ,

Feirent armez , maintz belliqueux effors.

Ainsi passant parmy celle contrée

Qui des Grégeois fut si mal accoustree ,

Je considère , amye , les douleurs ,

Les accidens , les peines et malheurs

Que peult causer un amour illicite;

Et au rebours combien vault et profite

En cœur honneste une amytié louable ,

Comme est la mienne à jamais immuable.

Suyvant propos, sultan Mostafa, filz Du grand Seigneur, à qui le dieu gard' feis, Nous feit donner en la ville susdite Un saufconduit, auquel fut interdite Deffense à ceux de son gouvernement De nous donner empesche aucunement , Et que tous Turcs eussent à nous deffendre Dessus la vie, et point ne nous offendre. Bon faisoit veoir la suyte et lequipage Du jeune prince, et son beau personnage, Qui monstre bien , au visage severe , Lequel déjà chascun craint et révère , Qu'il pourra faire au grand presbtre rommain Un jour du mal , si Dieu n'y met la main, Combien que luy asseurément n'espère D'estre empereur après la mort du père ,

LA BORDRRIE. 3^ l

Qui est un cas le plus abominable Qui soit au monde , et le moins raisonnable ; Car s'ilz estoient ou vingt ou trente frères, Celuy qui peult gaigner les genisseres Et occuper le siège impérial , De cœur félon , cruel et desloyal , Fera soudain le reste mettre à mort, Sans de son sang avoir aucun remort.

O loi perverse ! 6 tyrannie dure , Quand cruauté tant exécrable dure!

Que la grand faim de régner sur l'or cher N'ha point d'horreur de dévorer sa cher!

Quatorze jours du lieu de Magnésie Nous chevauchons par la mineure Asie, Tant qu'arrivons à la grande cité; Mais si voulez que vous soit recité Du traictement, de la façon de vivre Qu'il nous failloit, durant la voye suyvre, Vous jugerez que de France opulente Nul ne congnoist la richesse excellente, Les grands thresors, les délectations, Qui n'a point veu estranges nations.

Durant vingt jours, tout ainsi qu'à la guerre. Toujours vestu je couchois sur la terre ; Car de trouver couches molles et belles , Il n'en est point en ce lieu de nouvelles. Vivres aussi frians et savorables.

Là nous estoient autant peu recouvrables . Bien que de soy le païs soit fertille Et abondant de toute chose utile :

Mais le peuple est si povre et meclianique ,

Tant oppressé de tyrannie inique ,

Qu'il n'ha pouvqir les beaux champs cultiver,

Ny se loger à peine poiu' Ihyver.

Leurs maisons sont basses, à simple estage,

Où vous verrez en un mesme mesnage

Souvent le Turc et le Grec habiter,

Chascun sa loi sans contrainte imiter.

Si que j'ay veu maintes femmes grequesques

Ayans maris subjectz aux loix turquesques ,

L'un iMachomet par foy recongnoissant ,

L'autre adorant Jesu Christ tout puissant,

Chose qui semble estre non moins estrange *

Que veoir ensemble un dyable avec un ange.

Nous trouvons vins assez délicieux

Aux logis grecz ; car les Turcs vicieux

A boire vin si fort offenseroient,

Que par leur loy punissables seroient.

Des que l'aurore au matin se monstroit,

Chascun de nous sur son cheval montoit ;

Et sans troter, allans toujours le pas ,

Sur le mydi prenions nostre repas

Dessoubz quelque arbre , où la chaleur haultaine

Ne nous nuysoit, près de quelque fontaine.

Là repaissions, Dieu sçait comment traictez;

Si nous avions quelques vivres portez.

Nous les mengions sans linge ne sans table,

Ny sans loger noz chevaux à l'estable.

Ainsi allans avec peine infinie , Oultrepassons toute la Bithynie ,

Tant qu'à présent , par la divine grâce , Sommes dedens la grand cité de Thrace , Où je veux bien, si mon sens peult suffire. Ce que je voy m'essaver vous descrire.

Constantinople est une ville antique De Constantin excellente fabrique , Anciennement dicte Bvsantion , Dont maint autheur fait mainte mention , La mieux assise et la mieux située Sur toute ville au monde habituées Faicte en triangle et limitée en trois , Dont en deux pars la mer par ses destroitz Va tout au tour, le tiers est terre ferme Qui les derniers confins d'Europe ferme, Auquel costé y ha de grans fossez A fons de rive , et deux murs bien pressez , Au bout desquelz , à l'endroit du ponent. Le vieil palais roval est eminent , Qui sur la mer devers mydi regarde, Où le trésor du seigneur est en garde. Vers l'orient, tout autour de la ville, Est le saray superbe et très utile Pour bien défendre et l'accès cmpescher A tous vaisseaux qui vouldront approcher Tout vis à vis la mer Orientale , Se part en trois, l'une part vient égale Se reunir dedens la mer Pontique, Que mer Majeur autrement on explique; Par un destroit qui les deux mers embrasse, Nommé jadis le bosphore de Thrace.

L'autre moytié tient à mer Hellesponte,

Destroit auquel perdit honneur et honte

Hero la fille, alors que Leander

Ne peult à soy ny aux eaux commander.

Le tiers finit de son cours le repaire ,

Entre les deux Constantinople et Père ,

Galatas dicte au temps d'antiquité,

Ville prochaine à la grande cité,

Où de présent trafiquent marchandise ,

Chrestiens vivans soubs la rommaine église,

Temples ayans propres aux oraisons.

Femmes, enfans, mesnages et maisons

Estans, sans plus, au grand Turc tributaires,

Selon le taux des tributz ordinaires ,

Lequel canal en l'eau doulce redonde ,

Et faict un port le plus riche du monde.

Riche je dy pour la commodité

Du lieu si propre, oîi peult la quantité

De mille nefz à l'aise reposer ,

Pou vans la poupe à bort terre poser;

Riche par un excellent édifice

D'un arsenac à recevoir propice

Deux cens vaisseaux, galère ou galiacc,

Et très aisée et bien fort seure place,

D'artizans riche et de tous garnimens

De palemente et autres fournimens.

Le long du port, au costé de main droite.

Est la montaigne haulte non point estroite,

Servant d'obstacle aux vens impétueux ,

Où sont les beaux jardins voluptueux.

Tout vis h vis de Père , à l'opposite , Est le grand cloz de la cité susdite, Au grand Paris égal en quantité, Mais non si bien basty et habité, Dedens lequel y sont montaignes sept, Oii Machomet, Selin et Bajaset, Et Solyman , quatre Turcs empereurs, Feirent dresser quatre temples pour eux. Qu'en langue turque ilz appellent Masquées, Excellemment en rondeur fabriquées.

Des autres trois montaignes est en l'une Le vieil palais, maison à tous commune. Là de présent sont boutiques patentes , Oîi l'on besongne aux pavillons et tentes; Et la seconde est le siège papal , Du patriarche en Grèce principal, Vivant leans avecques certains moynes , Colonges dictz, qui s'estiment idoynes De dignité cardinale , combien Que nul n'en ha ny le nom ny le bien. Luy reformé au plus liault de la ville, Paye au seigneur des ducatz quinze mille, Pour le tribut des églises gregeoyses Dont il est chef, n'ayant gueres ses ayses. En la troisième et montaigne dernière Est la masquée , à présent coustumiere Du grand seigneur, dicte Sainte-Sophie, Superbe tant que mon sens ne se fie Vous en pouvoir d'elle rendre bon compte; Car ce subject toutes langues surmonte ;

Elle qui fut la métropolitaine

De toute Grèce, église souveraine,

Souloit avoir, qui est merveilleux cas,

De revenu trois cens mille ducatz.

Et si souloit, comme on m'iia faict entendre,

Plus d'un grand mil en son cerne comprendre.

Tant grande estoit, magnifique, ample et forte,

Qu'on y entroit par cent et une porte ;

Mais maintenant les deux grandes parties'

Sont en ruine et des Turcs amorties.

Qui en ont faict bastir et dresser sus

Leurs temples beaux que j'ay dit cy dessus,

Bien que ce peu qui encores abonde

Soit des plus beaux édifices du monde.

Le cœur, qui est seul entier demouré.

Lequel j'ay veu , suy vi et mesuré ,

A six vingtz piedz de long et cent de large,

Hault eslevé , tout rond, à double estage,

Pavé de marbre uny, cler et glissant,

Le hault doré, en voulte flegissant,

Sur double ranc de piliers asseuré,

Piliers qui sont de diaspre azuré,

Jaspe et porphyre estimez de grand somme;

Longs et massifz de deux brassées d'homme,

Sur chascun d'eux soustenant la masquée,

Une pierre est grande et large, plaquée

De marbre gris , serpentin ou fauveau ,

Pour décorer ce faix riche et nouveau,

Toutes au mur de bronze encousturees

D antiquité et de preis honorées.

Le hault estage est aussi de piliers Environné, riches et singuliers, A ceux d'embas moindres en quantité ; Mais en richesse égaux et dignité, Faisans autour une ronde ouverture , Où Ton peult veoir de près la couverture, De laquelle est la voulte magnifique, D'or marqueté à la vray moysaïque, En divers lieux painte de beaux ymages, Dont les Turcs ont effacé les visages, Ne pou van s veoir ny souffrir pourtraicture De ce qui est produit par la nature.

Certes, amye, il fault que je confesse N'avoir jamais veu pareille richesse , Ny édifice estoffé de la sorte.

Sortant duquel, de fonte la grand' porte Est de porphyre excellent couronnée, Aux deux costez de colomnes ouvrée , Ayant près soy cinq grandes autres portes De mesme fonte , espesses et tant fortes , Que sans engins et poulies subtiles , A les serrer elles sont immobiles.

Droit au devant ceste église angelique S'estend en carre une place publique.

Où l'œil y peult trois grandeurs estimer. Le grand palais , Teglise et la grand' mer. Ce palais est très-fort pour batterie , Tout à l'en tour garny d'artillerie Sur l'avantmur qui le beau jardin cerne. Où l'œil, de loing, maintz beaux cyprès discerne.

Non apparens en ce lieu seulement ,

Mais de la ville eu tous lieux tellement ,

Que l'on diroit à veoir celle cité,

Que c'est un parc de maisons habité ,

Rendant à l'œil plaisante perspective.

En ce saray, maison récréative,

Deux grands portailz on vient à rencontrer,

Et double court avant que d'y entrer.

Aux portes sont pendus les arcs turquoys ,

Flesches et dardz , cymeterres , carquoys ;

Car à nul d'eux est licite et permis

Armes porter, sinon contre ennemis.

La grande court que l'on trouve première,

A recevoir chevaux est coustumiere

Des courtisans qui vont faire la court.

En l'autre endroit de la seconde court,

Oii du logis est la magnificence ,

Y sont hachas qui donnent audience ,

Qui sont trois cliefz, gouverneurs de l'empire,

A qui l'honneur et la fortune aspire

De grands proffitz, de grands dangers aussi,

Si le seigneur trouve en eux aucun sy;

Eux eslevez aux autres apparens,

Jugent procès, debatz et differens,

Non tous les jours, mais trois fois la sepmaine.

En celle court de peuple toute pleine,

Les uns assis demeurent en silence.

Autres debout sans aucune insolence.

Coustume à eux autant ou plus louable,

Que moins elle est à la nostre semblable ;

Car la verrez dix mille genissaires, Qui du seigneur sont gardes ordinaires, Assis en terre en croisant leurs genoux, Ne faire tant de bruit que six de nous. De vous ouvrir les raisons nécessaires Pour bien sçavoir qui sont ces genissaires, Comment ilz sont par la Grèce levez Des leur enfance, et de la loi privez; Consequemment de vous rendre raison De tous estatz qui sont en la maison De ce grand Turc, de son obéissance.

De ses trésors, de toute sa puissance, De son recueil trop plus grave qu'humain, Quand estrangers luy vont baiser la main ; De ses deduitz, de ses garsons infâmes, De ses jardins, de ses quatre cens femmes, De ses statutz modernes et anciens.

De quelles loix il gouverne les siens.

De Machomet, de ses religions,- De ses confins , pais et régions , De sa justice et de sa tyrannie , Il me fauldroit une bible infinie.

Je m'abstiendray, pour la prolixité, A vous narrer celle diversité ; Soubs un espoir que le plaisir de Dieu Sera de brief me r'appellér au lieu Oli vous serez aise de tout sçavoir De moy, qui plus le seray de vous veoir. Aussi je doy quelque cas retenir De nouveauté pour vous entretenir,

35o LA BORDERIE.

Lors que d'amour l'estincelle insensée Viendra troubler ma voix et ma pensée.

Car si voulois , amve, vous compter Tel que peult bien le grand nombre monter Des cas divers, dignes de grands merveilles, Yeuz de mes yeux , ouys de mes oreilles , Depuis le temps que suis en ce païs ; Autant seroient voz espritz esbahis.

Comme les miens empeschez de bien mettre Si long discours en si sommaire lettre, Qu'il vous plaira recevoir en ostage, Du temps qui peult me donner l'avantage De vous revoir aussi saine et contente. Qu'à moy fascheuse en restera l'attente.

Vous suppliant pour la fin bumblement Vouloir à moy permettre seulement Que si les mers et les ventz furieux Ont eu pouvoir m'eslongner de voz yeux, A tout le moins ilz n'ayent la puissance De m'eslongner de vostre souvenance , Et qu'autant loing je suis de vostre face, Autant sois près de vostre bonne grâce.

JEAN DORAT. 35 r

♦»9^^i»^^?^c<»»i&ft^»^fr«fr*-»ft-?«-p»g»tf«'?«»^««^^o«»^9«»«fts-s-<»fr^<'a»«»a»^»^»ai

Si Jean Dorât , l'un des hommes les plus savants de son temps, fut un poète médiocre, quoique ses contemporains l'aient surnommé le Pindare français , il eut la gloire de former les Ronsard, les Baïf, les Rémi Belleau ; et il fit partie de la Pléiade francoise. Plus que ses talents poétiques , ces considérations nous ont engagés à lui consacrer une place dans notre Recueil. Dorât ou Daurat naquit à Limoges , vers l'an 1 5o8 ' , d'une famille connue depuis le commencement du quatorzième siècle , et que quelques auteurs ont prétendu mal à propos être originaire de l'Italie , à cause du nom de Dineniandi qu'elle portoit anciennement. Ce mot, qui, en langage limousin , signifie dine-matin , étoit un sobriquet donné à quelques uns des Dorât par les gens du pays. Ce qui le prouve , c'est que les neveux de notre poète obtinrent, en i6o5, des lettres de Henri iv pour reprendre leur véritable nom. Quoi qu'il en soit , Jean Dorât , qui étoit noble du côté de son père ( Pierre Dorât ) , vint à Paris en 1537 , et y resta chargé de l'éducation de Jean-Antoine de Baïf, jusqu'en i544) époque à laquelle il quitta cette profession pour servir sous Henri 11 , qui étoit alors dauphin. W se retira du service en juillet 1547,

' Lacroix du Maine et l'abbc Joly , qui placent également lit mort de Dorât en i588, prétendent que ce poète n'étoit m qu'en 1317.

et fut nommé, cinq mois après, principal du collège de Coqueret. C'est là qu'il compta au nombre de ses disciples Ronsard, Belleau, etc. Appelé à la cour, vers l'an i553, pour être précepteur du duc d'Angoulême, fils naturel de Henri ii , Dorât y donna des leçons aux trois fdles du roi. On lui accorda, en i556, une chaire de professeur de langue grecque au collège royal , qu'il remplit avec beaucoup de distinction jusqu'en 1567 , qu'il la remit à son gendre Nicolas Goulu. 11 se retira peu de temps après dans une maison située au cloître de Saint-Jean-de-Latran , où il continua à prendre des pensionnaires. 11 mourut le i" novembre i588, âgé de quatre-vingts ans, suivant son épitaphe qu'on lisoit dans l'église baint-Benoît , où il fut enseveli.

Dorât ne fat pas moins estimé de Charles ix et de Henri m , qu'il ne i'avoit été de Henri 11. Le premier de ces princes lui donna le titre de poète royal en i $67.

Les douze ou quinze mille vers latins qu'a laissés Jean Dorât n'étoient, selon lui, qu'une foible partie des productions de sa muse. Parmi ces poésies latines, qui ne répondent pas à la haute réputation de leur auteur, se trouvent quinze pièces en vers françois , peut-être encore plus mauvaises que les premières , dont elles sont imitées ou traduites. Les moins insignifiantes sont, une élégie, des vers sur le mariage de Henri, roi de Navarre , et de Marguerite de Valois j un épithalame sur le mariage d'Anne, duc de Joyeuse, et de Marie de Lorraine j un chant triomphal sur les victoires de Charles JX ; et un autre chant triomphal sur les victoires du duc d^'înjou , etc. , etc.