ET TRÈS PUISSANT ROY FRANÇOYS

ESTXENNE DOLET, TRES ilUMBLE SALUT ET OBEISSANCE DEUE.

Mes ennemys non contentz et saouUés

(Roy très chrestien, seul support des fouliez)

De m'avoir ja tourmenté quinze moys,

Se sont remys à leurs premiers abboys,

Pour me remettre en ma peine première,

Si ta doulceur, et bonté singulière

Ne rompt le coup de leur caulte entreprise,

Que je te veulx declairer sans faintise ,

Affin que juge en ma cause tu sois ,

Et puisses veoir si en rien te déçois.

Ces malheureux ennemys de vertu Crevantz de dueil qu'ayt esté rabbatu Leur grand effort, par lequel ilz cuydoient (Comment cuyder?) mais par lequel tendoient Me mettre à mort oïdtrageuse et villaine, Mieulx que devant ont reprins leur halaine. Pour m'opprimer à la fin laschement.

Cela conclud , sire , voicy comment Ilz ont bien sceu trouver moyens subtilz, Et mettre aux champs instruments et oultilz,

Pour donner umbre à leur faict cauteleux , Et m'enroller au renc des scandaleux, Des pertinax, obstinés et mauldicts, Qui vont semant des livres interdicts.

Suyvant ce but, ilz font dresser deux balici. De mesme marcque , et en grandeur esgalles , Et les envoyent à Paris par cliarroy.

Prends garde icy, Françoys , vertueux roy. Car cest le point qui te faira entendre Trop clairement l'abuz de mon esclandre.

Ces deulx fardeaulx furent remplis de livres Les ungs maulvais , et les aultres délivres De ce blazon que l'on nomme hérétique.

Le tout conduict par grand ruze et praticque.

Et ce fut faict , affin de myeulx trouver L'occasion de te dire et prouver Que c'estoit moy qui les balles susdictes Avois remply de choses interdictes.

Les livres doncq de mon impression Estoient dans l'une, 6 bonne invention!

Et l'aultre balle , et c'est dont on me grève. Remplie estoit des livres de Genesve; Et à l'entour ou bien a chasque coing Estoit escript, pour le veoir de plus loing, Dolet , en lettre assez grosse et lysable.

Qu'en dictes vous , prince à touts équitable ? Cela me semble ung peu lourd et grossier, Et fusse bien ung tour de pâtissier, Non pas de gens qui taschent de surprendre Les innocents, pour les brusler ou pendre.

366 ÉÏIEINNE DOLET.

Je leur demande icy en demandant, Pour me défendre en mon droict défendant, Eusse ay je bien esté si estourdy.

Si les fardaulx, qu'or en droit je te dy, J'eusse envoyés à Paris ce grand lieu , Que n'eusse sceu trop mieulx jouer mon jeu, Que de marcquer au dessus mon surnom En grosse lettre? A mon advis, que non. Trop fin je suys, et trop fin on me tient. Pour mon nom mettre en cela qui contient Quelque reproche. Et pas ne le feroit , Qui de cerveau une bonne once auroit.

Et d'adventage, il est assez notoire, Comme d'ung cas de récente mémoire , Que je ne fais que de prison saillir.

Vouldrois je doncq ou mesprendre ou faillir Si très soubdain? Vouldrois je retourner A faire cas qui me feist enfourner Pour mon meffaict , dedans la tour carée ; Ou en une aultre encores mieulx barrée?

Si ung lévrier a esté eschauldé. Ou à grands coups de baston pelaudé.

En faisant mal, il crainct bien de meffaire , Pour ne tomber après en telle affaire.

Et en cela n'y a rien que nature Qui le corrige, et luy face ouverture De ressentir que du mal vient le mal.

Et moy qui suys raisonnable animal, N'ay ie pas bien en moy la cognoissance D'éviter mal , pour n'entrer en souffrance ?

ETIENNE DOLET. '56n

Aymé je tant des prisons la langueur, Où nul esprit ne demeure en vigueur?

Aymé je tant tomber entre les mains De ces mastins concierges inhumains?

Aymé je tant, helas! user ma vie Comme une beste à touts maulx asservie? Aymé je tant à Tappetit d'ung rien Si follement ruiner tout mon bien?

Ce sont abuz , ou ung asne mordroit.

Or débattons leur indice et mon droict. Que disent ils? c'est Dolet, pour certain, Qui a transmis à Paris ce butin ; Car il y a de ses livres grand nombre. Est ce là tout? n'avez vous point d'aultre umbre Pour colorer vostre maligne entente ?

Respondez moy , n'ay je oncques mys en vente Des livres telz qu'à ce coup seulement?

Cela est faulx; car j'ay publicquement, Depuis six ans, faict trein de librairie, Mettant dehors de mon imprimerie Livres nouveaux , livres vielz et antiques ; Et pour les vendre, ay suivy les trafficques D'ung vray marchant , en vendant à chascun , Tant que souvent ne m'en demeuroit ung; Faisant cela, chascun s'en est fourny.

Et moy j'en suys demeuré desgarny.

Qui garde doncq que quelque aultre marchant. Faisant ce trein et son proffict cherchant. Ou bien plus tost quelque envyeux maling, Voulant sur moy desgorger son venin ,

N'ayt peu dresser ces deulx balles icy, Dont sans raison on me mect en soucy?

Et qui plus est, la lettre de voicture Faict elle fby que c'est mon escripture ? Je sçay que non. Qui est doncques la cause Qui cest esclandre et ce trouble me cause?

Je n'en sçay point, et point n'en ay commise, Sinon que cest malheur, qui à sa guise Me va vexant, et m'a ja vexé tant, Que de mes maulx debvroit estre content.

Pour ces fardeaulx les seigneurs de Paris, Fort courroucés contre moy, et marrys , Sans aultre esgard despeschent une lettre Pour en prison soubdain me faire mettre, Ce qui fut faict ; et en prison fus mys.

O quel plaisir eurent mes ennemys!

Autant pour vray que j'eus de desplaisir Quand on me vint au corps ainsi saisir ; Car à cela allors point ne pensoys , Et de crier le Roy bojt m'avançoys.

Brief, je fus prins et en prison serré, Non toutesfoys aultrement resserré.

Je voys, je viens cà et là tout pensif Ronflant de dueil, comme ung cheval poulsif, Et me despite en moy mesme trop plus, Que quand je fus à l'aultre foys reclus , Tant aux prisons de Paris qu'à Lyon , Car i'ignoroys allors ung million De bien bons tours qu'on apprend en peu d'heure , Si aux prisons quelque temps on demeure.

ETIENNE DOLET. 36g

Mon naturel est d'apprendre tousjours; Mais si ce vient que je passe aucuns jours Sans rien apprendre en quelque lieu ou place, Incontinent il fault que je desplace.

Cela fut cause , à la vérité dire , Que je clierchay, très-debonnaire sire, Quelque moyen de tost gaigner le hault, Puis aux prisons ne faisoit pas trop chault; Et me morfondre en ce lieu je craignois, En peu de temps , si le liault ne gaignois.

De le gaigner prins resolution, Et avec art et bonne fiction Je preschay tant le concierge, bon homme, Qu'il fut conclud, pour le vous dire en somme, Qu ung beau matin irions en ma maison Pour du muscat, qui estoit en saison, Boire à plein fonds , et prendre aucuns papiers , Et recepvoir aussi quelques deniers Qu'on me debvoit; mais que rendre on vouloit Entre les mains de monsieur, s'il alloit A la maison, et non point aultrement.

Ce qu'on faisoit pour agensissement De mon empriuse , et pour mieulx esmouvoir Le bon concierge à faire son debvoir.

Et sur cela Dieu sçait si je me fains De requérir avecques serments maints Ledict seigneur, à ce qu'il ne retarde Que puisse avoir les deniers qu'on me garde.

Cela promis, le lendemain fut faict; Et dès le soir feit venir, en effect, m. Q.à

Syo ETIENNE DOLET.

Quelques sergents, qui avec nous souperent, Et le matin aulx prisons se trouvèrent. Pensez comment je dormis ceste nuict, Et quel repos j'avois ou quel deduict.

L'heure venue au matin sur la brune.

Tout droictement au coucher de la lune Nous nous partons , cheminant deux à deux ; Et quant à moy, j'estois au milieu d'eulx Comme une espouse , ou bien comme ung époux , Contrefaisant le marmiteux, le doulx, Doulx comme ungchien couchant, ou ung regnarl Qui jette l'œil cà et là à l'escart , Pour se saulver des mastins qui le suyvent, Et , pour le rendre à la mort , le poursuy vent.

Nous passons l'eaue, et venons à la porte De ma maison, laquelle se rapporte Dessus la Saosne; et là, venuz que fusmes, Incontinent ung truchement nous eusmes, Instruict de tout , et faict au badinage , Lequel sans feu , sans tenir grand langaige , Ouvre la porte, et la ferme soubdain.

Comme remply de courroux et desdaing.

Lors sur cela j'avance ung peu le pas , Et les sergents , qui ne cognoissoient pas L'estre du lieu, suyvent le myeulx qu'ilz peuvent; Mais en allant, une grand porte ilz treuvent Devant le nez, qui leur clost le passage. Ainsy laissay mes rossignolz en cage.

Pour les tenir ung peu de temp'^ en mue.

Et lors Dieu sçait si les pieds je remue

Pour me saulver. Oncqiies cerf n'y feit œuvre Quand il advient qu'ung lymier le descœuvre ; Ny oncques lièvre en campaigne élancé N'a myeulx ses pieds à la course avancé.

Mais quoy ? doibt on pour ce me donner blasme ? Ay-je forfaict? ay-je faict tour infâme? Ung cordelier, homme de conscience, Le feroit bien , s'il avoit la science. Les animaulx et les oyseaulx des champs, Quand ilz sont prins, ne sont rien recherchants Que liberté. Suys-je aultre qu'une beste. Ou ung oyseau qui se rompt corps et teste Pour se trouver hors de captivité ?

Venons au poinct : ce qui m'a incité De me tirer hors des mains de justice, N'est poinct que sente en moy forfaict ou vice. Je n'ay rien faict, quant à ce qu'on m'accuse. Biais je sçay trop comme en justice on use De mille tours, que je crains et redoubte. Je sçay comment le bon droict on reboutte D'ung criminel , et comment on le traicte , Si, tant soit peu, quelqu'ung sa mort affecte. Qui ayt crédit et pouvoir suffisant Pour le fascher, et l'aller destruysant En biens ou corps; car s'il ne peult venir Jusques à là qu'il luy face finir La vie, alors il trouve la cautelle De luy causer prison perpétuelle, Ou pour le moins de si longue durée.

Que myeulx vauldroit que sa mort eust jurée;

Car la prison est espèce de mort; Ains plus que mort, quand il vient au remort A ung esprit de nature gentille, Qu'il fault que là il demeure inutile , Et qu'en langueur il passe ainsi sa vie , A l'appétit d'une mescliante envye.

O quel regret, quel despit, quelle rage Il vient au cueur d'ung gentil personnage, Quand il se voit sans cause ainsi vexé, Et de touts maulx sans forfaict oppressé !

Quand est de moy, je sçay que vault cela; Sçavoir le doibs : on ne le me cela Lors que j'estois entre les mains des hommes. Et sur mon doz on eust mys plus grands sommes , Et plus lourds faix de toute adversité. Si ta clémence et grande humanité N'y eust pourveu, dont je te remercye; Et l'Eternel humblement je supplie Qu'il te maintienne en santé longuement. En accroissant la France tellement, Ou'aultre que toy n'y ayt roy en ce monde , Comme vray roy de la machine ronde, Pour les vertuz qui en toy estincellent Trop plus qu'en aultre, et qui sur tous excellent.

J'ay dict mon grief : venir fault au remède. Il n'est nul mal qui le remède excède , Sinon la mort. Or quel remède doncq A ce forfaict, que je ne commis oncq ?

Le remède est , s'il vous plaist y entendre , Que vous faciez expressément défendre

Au parlement de Paris, quil désiste

De me poursuyvre, et contre moy n'insiste;

En declairant que retenez à vous

Toute ma cause , et qu'inhibez à touts

La congnoissance, entre aultres, de mon cas.

Lors sans babil, et sans grand altercas, Je vous diray la vérité du faict, Et j'ay espoir que ce sera tost faict. Car si au monde il est ung juste juge, Je vous tiens tel, et pour tel on vous juge; Et quant à moy, du faict suis innocent : Or, ung bon juge à l'innocent consent Que de justice il sorte nect et quitte, Et contre luy ne s'altère ou irrite.

Si ce moyen assés bon ne vous semble, Je suis d'advis qu'en ung bloc on assemble Tout ce qu'on dict que j'ay faict et commys Touchant la foy, et que le tout remys, Et aboly jusque à heure présente , Par cy après contre moy on intente Chose qui soit, sinon que derechef Touchant cela feisse quelque meschef.

Quant à la foy, on ne m'accuse point.

Pour ceste foys, que je tienne ung seul poinct D'opinion erronée ou maulvaise.

Mais quelques gens ne sont point à leur aise De ce que vends et imprime sans craincte Livres plusieurs de l'escripture saincte.

Vovla le mal dont si fort ilz se deulent; Voyla pourquoy ung si grand mal me veulent;

Voyla poiirquoy je leur suis odieux ; Voyla pourquoy ont juré leurs grands dieux Que j'en mourray si de propos ne change. N'est ce pas là une rancune estrange ?

Et toutesfoys rien n'est que je ne face Pour d'ung chascun avoir la bonne grâce; Car je ne veulx pour le peuple mourir, Ny aultre mal, si je puis, encourir.

Vivre je veulx, non point comme ung pourceau, Subject au vin et au friand morceau; Yivre je veulx pour l'honneur de la France, Que je prétends, si ma mort on n'avance, Tant célébrer, tant orner par escripts.

Que l'estrangier n'aura plus à mespris Le nom francoys, et bien moins nostre langue, Laquelle on tient pauvre en toute harengue.

Quant au surplus, je m'en deporteray.

Et ton vouloir en tout je parferay; Car s'il te plaist me défendre tout court, Que veu le bruit qui par tout de moy court , Je n'aye plus à livres imprimer De l'escripture ; on me puisse opprimer. Si de ma vie il en sort ung de moy, Et si j'en vends , tomber puisse en esmoy De mort villaine, ou de flamme, ou de corde. Et de bon cueur à cela je m'accorde.

C'est assés dict : je suis trop long du tiers : Je reviens doncq à cela que je quiers.

Fay, je te pry, prince plein de doulceur. Prince divin , des lettrés défenseur,

ETIENNE DOLET. 'd'jo

Fay que je soys par ton vouloir absouls , Et tu voiras , si bien tost me resouls Dedans Lyon faire ma résidence, Pour myeulx poulser, que devant, l'éloquence, Tant en latin qu'en françoys , que myeulx j'ayme, Et que je veulx mettre en degré extrême Par mes labeurs, soit comme traducteur, Ou comme d'œuvre , à moy propre , inventeur.

Permettras tu que ceste voulunté TSe sorte effect par moy jà attenté ?

Permettras tu que ce courage honneste Ne face ung fruict de si grande requeste? Permettras tu que ce désir louable Ne mette à fin son effort proffitable ? Permettras tu que par gens vicieux.

Par leur effort lasche et pernicieux.

Les gens de bien et les gens de sçavoir. Au lieu d'honneur, viennent à recepvoir Maulx infiniz et oultrages énormes ?

Il n'est pas temps ores que tu t'endormes , Roy nompareil, des vertueux le père.

Entends tu point au vray quel vitupère Ces ennemys de vertu te pourchassent, Quand les sçavantz de ton royaulme ilz chassent, Ou les chasser à tout le moins prétendent ?

Certes, grand roy, ces malheureux entendent D'anihiler devant ta propre face, Et toy vivant, la bienheureuse race Des vertueux, des lettres et lettrés, Qui soubs ton règne en France sont entrés,

Si ta prudence à ce ne remédie.

Tu le voys bien; point ne fault que le dye.

Mais, seulement pour ma dernière clause; Je te priray, que comme je propose Par cy après vivre sans forfaicture, Mais en vertu et en toute droicture, Passant mes ans en l'augmentation Du bien public, et décoration De nostre langue, encores mal ornée, D'aussi bon cueur ta majesté sacrée Me vueille oster de la peine où je suys. Et m'octroyer le retour que poursuys; Car vivre ailleurs qu'en France je n'espère. Et la requiers pour mon dernier repaire.