CONTRE LES TAVERNIERS QUI BROULLENT LES VINS

Broulleurs de vins, malheureux et mauditz Gens sans amour, faulx en falots et en dlctz , Qui ne tendez qu'en dampnable avarice , Soyez certains que divine justice Vous pugnira de bien brief, je le dis.

PIERRE GROGNET. 4^5

Les vins nouveaulx vous seront interditz, Point n'en burez; car des fois plus de dix, Dieu qui vous voit congnoit vostre malice , Broulleurs de vins.

Sur ces vendeurs de vivres trop hardis, Baillif, prevosts, ne soyez point tardifs, Besognez y exerçant votre office ; Ou aultrement se n'y mettez police , Enfer vous suyt, et non pas paradis, Broulleurs de vins, malheureux et mauditz.

RECOLLECTION

DES MERVEILLEUSES CHOSES ET NOUVELLES ADVENUES AU NOBLE ROYAUME DE FRANCE EN NOSTRE TEMPS, DEPUIS l'aN DE GRACE 1480.

Pour raconter histoires bien nouvelles,

Lisez ici, les verrez nompareilles :

(i4Bo.)Mil quatre cent avecques quatre-vingtz.

Lors es celliers gellerent moult de vins.

(1481 .)Mil quatre cent quatre-vingtz et puisung,

Gros et menus moururent en commun.

Triumphamment regnoit un connestable.

Mais son péché l'a fait trop variable ,

Dont fut pugny, décapité en Grève,

En soutenant la mort qui lui fut grève.

J'ai heu du vin, la pinte à trois solz,

Et puis après pour ung denier assoulz,

Ce qui est vil ay vu bien cher tenir

Et ce cher temps a viste revenir.