III. 3o
466 PIERRE GROGNET.
J'ai vu seigneur moult renommé des cordes , Qui cordeloit en tout temps les discordes, Qui les Flammans ])ien sçavoit accorder Et tous pays pour le roy concorder.
Pour ramener à bon mémoire,
(1493.) Mil quatre cens quatre-vingtz-treize,
Vendredy septiesme de juing,
Mené fut devant le commun,
Et bruslé vif à la voirie
Jehan Langloys, prebstre qui varie
En la foy, lui natif d'ivry,
Etant réputé sans apuy.
De bon lignaige, fils de prebstre,
Et hérétique contre l'estre
De la saincte foy véritable.
De Jesus-Christ et proufitable ;
Car il avoit par hérésie
Osté la très sacrée hostie
Des mains du prebstre célébrant,
Comme chacun est remembrant.
En l'église de Notre Dame,
Dont il est réputé infâme.
J'ai vu enfant, lequel avoit deux têtes; Et fut monstre tant jours ouvriers que festes, Mais comme sçeu congnoistre par mon esme. Il fut porté devant le corps sainct Edme. Charles j'ai vu, huitiesme de ce nom.
De France roy, par tout avoir renom , Delà les montz, armes lances porta.
Et vaillamment tout Naples conquesta.
PIERRE GROGNET. 4G7
li'an que l'argent fut péri,
Et que le vin se vendit à vil pris,
Lorsque larrons ont le bois enchéri ,
Et Naples fut des ennemis repris,
Et que grandz eaux eurent Paris compris
Le jour devant que Messias fut né;
Claude Cliauvreulx, de faulcelé surpris,
Fut par arrêt au pillory mené.
( 1 49^-) L'an mil cinq cens moins double deux ,
Pour vous le faire brief et court.
Ce conseiller, nommé Chauvreulx,
Fut expulsé hors de la court,
( 1 49^0 ^îil quatre cens quatre-vingtz deux et seize ,
Mirandula Picus de bon affaire,
Grant élevé régnoit, comte par excellence,
Nul ne pouvoit estimer sa science.
J'ai vu Paris avoir prédicateur
Ung tisserant, frère et bon orateur;
Premier tourna les filles pénitentes ,
Lesquelles ont à Dieu servir ententes.
(1/199.) Mil quatre cens quatre-vingtz dix et neuf.
Tomba le pont Notre Dame de neuf.
Ce cas advint en octobre treizième.
Jour du matin viron l'heure neuvième.
J'ai vu Paris crier le rouge et vert
Sans bon moyen et raison en appert.
Ce gros abus par trop il a esté ,
Tant soit yver, authonne, ver, esté.
J'ai vu le pain à ung denier pour vendre;
Long-temps après l'ai vu à six revendre ,
468 PIERRE GROGNET.
Encores pas n'en pouvoit on trouver; Cela est vrai sans point le controuver. J'ai vu Standon qui les povres fonda A Montagu et les recommanda , Qui chacun jour prient pour les trespassés, Et pour nous tous quand nous serons passés. J'ai vu plusieurs de maulvais esperitz Moult tourmentés par dangereux perilz; Dont vint cela et ce piteux malheur ?
On n'en sçet rien , Dieu 1 envoyé meilleur. Durant mon temps on a trouvé des isles Dedans les mers qui sont beaucoup fertiles , Dont habitans sont d'étranges manières, Sauvages gens des trésors ont minières.
Edmond de la Fosse, escollier, Hérétique particulier, Avoit prins et cierge et chasuble Sainctement en pensée nuble.
Comme le diable le menoit Et à son voulloir prouvenoit, Des mains d'ung prebstre il osta La saincte hostie, et la brisa, Dont Tune des parties cheut Près l'autel dont trop lui mescheut; L'endroit fut où elle cheut à terre Près l'autel sainct Pol et sainct Pierre, En la Saincte Chapelle au lieu De Paris dédié à Dieu , Et l'autre part comme on revelle Près les dégrés de la chapelle,
PIERRE GROGNET. /i()g
Tomba, dont par celliii meffaict En paroles de grant effect, Par trop viles et détestables Qu'il disoit trop déraisonnables Contre Dieu , fut jugé avoir Le poing couppé pour son debvoir ; Ce qu'il eust devant les dégrés De celle chapelle et aux grés Du juge eust la langue couppée, Et à sa très malle journée , Sur tout vif os, chair, cuyr etpeaulx, Bruslés aux marches des Pourceaulx.
Ce cas advint un vendredy, Vingt et cinquième jour en nombre, (i5o3.)L'an mil cinq cent et troys je dy Qui fut pour lui piteux en combre.
()5o5.) J'ai vu l'an mil cinq cent et cinq, Es caves moult geler de vins.
Par plusieurs fois Teaue a fait grant déluge Où maintes gens n'avoient aucun refuge, Tant a Paris qu'à la cité de Romme, Pour nos péchés a souffert chascun homme. J'ai vu Tournay aux Anglois retourner, Laissant François sans plus à eux tourner, Auparavant Teroûenne rasée, Mais puis après a esté reparée.
Piodes aussi , la clef des chrestiens , Prise a esté des Turcs et des payens.
Dieu sçet bien tout dont est venu la faulte , Par trop souvent avons voulenté haulte.
470 PIERRE GROGNET.
J'ai vii Leutlier en la foy varier, Et puis après follement marier, Dont dire fault souffre dedans salpestre Ont bataillé , car c'est ung salle prebstre. Les boutcfeux j'ai vu régner long-temps , Dont viateurs avoient par tout contens, Les accusans de ce merveilleux cas Lors on crioit tant fust liault comme bas. J'ai vu par feu beaucoup de bonnes villes , Aussi des bourgs, qu'après ont été villes, On dit bien vrai qu'après feu rien demeure. Pensons en Dieu , qui en brief temps labeure. J'ai vu régner gens d'armes misérables, Lesquelz étoient nommés six mille dyables : Soubdain après ont été confondus , Les ungs bruslés et les aultres pendus. J'ai vu au ciel planettes et dragons Ayant des queues flamans comme cbarbons, Pour nos pecbés nous avons grand prcsaige Qui bien vivra se trouvera moult saige.
