RÉCIT DU SACRIFICE DE POLIXÈNE

TALTHYBIUS.

DiCTES-MOY , Troyennes piicelles, Oii je pourray avoir nouvelles D'Hecuba, la royne de Troye.

liE CIIOEUR.

Regarde la en ceste voye Près toy en terre renversée Toute de draps envelopée.

O Juppiter, qu'est-ce que je puis dire ?

Doy-je estimer que du céleste empire

Ton œil piteux regarde et considère

Les cas humains si remplis de misère,

Ou bien que faulse et téméraire soit

L'opinion de ceulx là qui reçoit

Que dieux n'y a ne déesses es cieulx ,

Mais que Fortune est régnante en tous lieux?

Quoy! n'est-ce ci la grand royne de Troye,

Femme à Priam , qui tant a eu de joye ,

De biens, d'honneurs , de triomphe et puissance,

Et maintenant , par malheureuse chance ,

Est sa cité destruicte et confondue ,

Et elle esclave et d'enfans despourvue.

LAZARE DE BAÏF, l47

Gisante icy en terre désolée , De vil poulsier et de terre souillée ? Helas, lielas, encor que vieulx je soye, La mort choisir de trop plus je vouldroye Que d'endurer vile calamité.

Sus , dame , sus pleine d'adversité , Sus , redressez cestuy vostre blanc chef.