HE CUBE
Qui est celuy qui me fait ce meschef , Et ne permet que cy puisse gésir, Moy qui tant ay de mortel desplaisir ?
TALTHYBIUS.
Talthybius , je suis le messagier
Des puissans Grecs , qu'a voulu envoyer
Agamemnon icy par devers toy.
O cher amy Talthybius , di moy Si ordonné ils ont semblablement De m'immoler sur le hault monument De Pelides ; helas , ceste nouvelle Tant je désire! et si la chose est telle. Allons y tost, va devant, je te suys.
TA LTH YBIUS.
Ce n'est cela , mais envoyé je suis Pour te quérir par le fîlz d'Atreus, Agamemnon aussi , Menelaus , Et autres Grecs , afin de recueillir Corps de ta fille et de l'ensevelir.
il[S LAZARE DE BAÏF.
Las ! que dis tu ? Doncques tu n'es transmis Pour à la mort rendre mon corps soubmis , Mais pour encore accroistre ma tristesse. Helas ! ma fille , en ceste dure angoisse T'a prins la mort, et des bras de ta mère T'a tiré hors , qui en douleur amere D'enfans se voit désormais despourvue.
Mais or me di quelle mort elle a eue : Di-nioy, vieillard, est-ce honorablement Ou par fureur, ainsi cruellement Qu'on use en guerre envers son adversaire ? Las! di le moy, ne crains à me desplaire.
Ung double pleur tu me veulx faire rendre : Car le récit que me fais entreprendre De la pitié qu'en ta fille j'ai veu , Et la vertu qu'en elle j'ay congneu , Larmes feront de mes yeulx decourir , Comme desja ont faict à son mourir.
(Icy recite Talthybius la forme du sacriCce.)
Au devant du tombeau et du hault tabernacle De cestuy sacrifice, et trop piteux spectacle, Tout l'exercite estoit des Grégeois assistant : Alors Pyrrhus le filz d'Achilles plus n'attent, Mais prenant de la main ta fille Polixene, Au plus hault du tombeau la conduit et amené. Là il l'assiet et pose : et moy estant auprès, Je suys, et quelques ungs qui furent par exprès
LAZARE DE BAÏF. l49
Choisis jeunes et fors pour garder le saillir De ta fille, et que peur ne la feist tressaillir, Qui empeschast le coup : ce faict Pyrrhus prins a Ung vaisseau de fin or, tout plein, dont arrousa Le tombeau de son père , et après me commande Proclamer haultement , si que ma voix s'entende De tous les assistans, que silence se face. Au milieu je me dresse et esleve la face , Et commence un tel cri , tous en ceste présence Or oyez, or oyez, chascun face silence. Sur ce chascun se taist; et lors Pyrrhus profère : O filz de Peleus mon géniteur et père , Te soit l'oblation et offrande aggreable. Dont les mors on évoque, et leur ire est placable , Yien boire ce vermeil sang incontaminé.
Qui par cet exercite et par moy t'est donné Afin que tu nous sois propice, et que secours Donne à nostre equippage, et aux navires cours. Et que tous nous puissions , sans plus ci séjourner, Heureux en nos païs et maisons retourner. Ainsi Pyrrhus parla : et tous ceulx de la place Au ciel tendent les mains, prians qu'ainsi se face. Cela faict, il a prins par le manche doré Son espée tranchante , et du fourreau tiré , Faisant signe à ceulx la qui ordonnez estoyent Pour ta fille garder, qu'à la tenir s'employent; Ce qu'elle congnoissant, dit lors ce qui s'ensuit: O vous Grecs qui avez le mien païs destruit. Bien volontiers je meurs : et pourtant n'approchez De moy pour me tenir, ni à mon corps touchez ;
•l5o LAZARE DE BAÏF.
Car d'assuré courage et ferme volonté
Ce mien col vous sera franchement présenté.
Et pour ce au nom des dieux moy qui suis libre et franche,
Que libre je demeure, et la teste on me tranche ;
Car honte me seroit certes inestimable ,
Que de serve le nom si vil et reprochable
Entre les mors acquisse , estant extraicte et née
De si haulte maison et royale lignée.
Lors le peuple à frémir commence et murmurer,
Demonstrant qu'à la vierge on doit obtempérer.
Et sur ce Agamemnon commande expressément
Que la vierge on délaisse. Et tout subitement,
Que ceulx la qui estoyent ordonnez, entendirent
Le vouloir de leur chef et prince , y obéirent.
Elle après son surcot commence à deux mains prendre
Au plus hault de son pis, et en deux pars le fendre ,
Demonstrant nud son sein , et ses blanches mamelles,
Si belles que d'image on les peult dire telles.
Les genouls met en terre , et sur ce a référé
Ces derniers mots piteux , dont maint homme a pleuré ;
Regarde, jouvenceau, ou bon te semblera
Le tien coup adresser, si ce pis te plaira,
Ton glaive y soit fiché : ou si plus désirée
Ma blanche gorge estoit, elle t'est préparée.
Pyrrhus prenant pitié de la noble pucelle,
Voulant et non voulant, en ce doubte chancelle.
Finablement le glaive a poulsé au travers
Des conduits de l'esprit : et le sang coule envers
Ainsi que de tuyaux : neantmoins en mourant ,
Ce que l'honneur touchoit très bien remémorant.
LAZARE DE BAÏF. l5ï
Eut le soing de couvrir ce que dames ont cher, Et que riionnesteté veult aux hommes cacher. Or après que du coup mortel eut rendu l'ame, Il n'y eut cil des Grecs que le désir n'enflamme Porter honneur, ou faire au corps quelques services. Les ungs espandent fleurs, les autres bois propices Apportent de sapin, pour le feu préparer : Et si aulcun se veult des autres séparer. Et ne mettre la main à si honneste office, Celuy qui le rencontre injure luy obice , Disant : Que fais icy, lasche et de peu de cueur , Sans à ce gentil corps faire et prester honneur? N'iras tu pas quérir quelque digne ornement , Ou chose dont soit faict notable parement Au corps de la plus noble , et de cueur plus sublime , Qu'oncques pucelle fut, et la plus magnanime ? Ces choses l'on disoit de ta fille excellente. Qui morte gist : et toy, pauvre royne dolente Qui d'enfans as esté la plus riche et heureuse , De toutes je te voy la plus calamiteuse.
LE C H CE u R.
Misère et malheur sourd auxTroyennes de tous lieux Et à leur terre aussi, c'est le vouloir des dieux.
O fille ! je ne sçay sur quel mal et meschance Doive mes yeux tourner, tant en ay abondance: Car si ung mal j'attains, soubdain ung autre accourt Qui le vient occuper, et puis derechef sourt
iSa LAZAIΠDE BAIF.
Autre douleur nouvelle, ou malheur qui m'oppresse: Mal sur mal succédant, qui jamais ne me laisse : Et ores que ne puisse oster de ma pensée Tant piteux accident, et n'en soit effacée En mon cucur la douleur, si ay je allégement D'ouïr que morte sois si vertueusement.
N'est ce merveille donc qu'une terre infertile. Aucunes fois produise ung l^eau fruict et utile ? Quand la saison est propre , au contraire la terre Qui fertile est de soy, si le temps luy fait guerre , Ne fauldra de porter et rendre mauvais fruict ; Mais à l'homme autrement advient: car tousjours nuit Ung mauvais, qui de luy riens que mal ne peult faire. Le bon , pour quelque temps , ou fortune adversaire Qui luy puisse advenir, tousjours bon il sera, Et jamais que tout bien sa bonté ne fera. Assçavoir si cela provient de la nature Des notables parens , ou de la nourriture ? Vrayement en ce cas bonne éducation A de pouvoir beaucoup , pour la perfection D'attaindre à la vertu : car cil qui la congnoist. Par la mesme raison de vertu recongnoist Que c'est que vilenie , honte , aussi lascheté , Et tout ce qui contraire est à l'honnesteté. Mais que sert tout cecy ? mes dicts au vent je gette, Ainsi qu'à coup perdu se tire la sagette. Or, quant à toy, tu te retireras Devers les Grecs , et de part moy diras , Qu'ils fucent tant, de vouloir empescher Que nul ne puisse à ma fdle toucher :
LAZARE DE BAÏF. l j3
Car en ung ost de tel et si grand nombre ,
Y a souvent insolence et encombre.
Et d'autre part, gens sans chef, de marine.
Plus violens sont que feu qui tout mine.
Et est entr'eulx celuy meschant clamé ,
Qui a tout mal ne s'est accoustumé.
Et au regard de toy vieille servante,
Pren ce vaisseau , et soye diligente
De le plonger en mer, et puis m'apporte
De l'eaue , afin que ceste pauvre morte
Yierge non vierge , espouse et non espouse ,
Dont tout sanglant le j)iteux corps repose
Sur le tombeau je puisse nettoyer,
Et au dernier office m'employer
Qui est requis, et dont bien elle est digne.
Las ! mais ou prins ? rien n'ay en ma saisine
Pour y fournir : toutesfois je feray
Selon le temps le mieulx que je pourray :
Accumulant et prenant de cliascune
De celles qui ont commune fortune
Avecques moy, tous leurs accoustremens ,
Riches joyaux , et plus chers ornemens ,
Si d'aventure aucune sans le sceu
De son seigneur, cacher les aura peu.
( Exclamation sur sa prospérité passée. )
O beauté de maisons , 6 palais somptueux , O manoirs exccUens et jadis si heureux , O riche roy Priam , d'enfans bien fortuné , Dont la mère je fus, comme tout est tourné Au néant, et ce boubant où nous soûlions fier!
l54 LAZA.RE DE BAÏF.
Et puis nous nous voulons si fort glorifier, li'ung pour ce qu'il sera de richesse hérité , Et l'autre qu'en sa ville aura auctorité. Tout cela n'est que vent et braveries pures, Avecques fols désirs qui n'engendrent que cures Mais celuy seulement heureux on doit tenir , Qui se peult jour à jour sans malheur contenijr.
CLAUDE CHAPPUIS. lOD
<»9^9afca»^»^?«6-g>^'»»»&^g^3»^-»g^»*5'g9-S'»g'3a?«fr»»»S^fr^e-gg'ag«C^»«€-aa-ftg^
