DE LA MEME

Ct gist en peu de terre ung qui la remplissoit Par louange et bon bruict dont tout autre il passoit ; Ainsi elle se paist du meilleur qu'en elle eut, Comprenant tout son bien dedans ce petit fust.

O bienheureuse terre estant en toy semé

Un fruict après lequel nul autre est estimé !

Doncques en toy est mis pour ta félicité

Ce qui à chacun rend dueil et adversité.

Parquoy vous qui cherchez chose parfaicte Ji veoir,

Arrestez-cy vos pas sans plus de peine avoir.

DIXAIN.

Le mal cramour est plus grant que ne pense Celuy qui l'a seullement ouy dire.

Ce qui nous semble ailleurs légère offense , En amytié se répute martyre.

Chacun se plainct et jure le sien pire; Mais s'il survient une seulle heure d'aise , La doulleur cesse et le tourment s'appaise Du prétérit, où Dieu n'a plus puissance Qu'une, qui est d'en oster souvenance; Et s'il le faict , fault que l'amour lui plaise.