SCENE I

LÔYS, RICHARD.

LOYS

Eh bien , Richard , quelle nouvelle Apportes-tu de ma cruelle ?

Veult-elle doncque estre tousjours Ainsi paoureuse en ses amours ?

RICHARD

Monsieur, je croy que la pauvrette Sans aucun repos vous souhaitte Entre ses bras , voulez vous mieux ?

liOYS.

Je pense, moy, que tous les dieux Prennent plaisir en mon martire :

Incessamment mon mal empire, Sans toutesfois avoir cest heur D'appaiser mon amour vainqueur.

RICHARD

Non, non, monsieur, j'ay espérance Que vous en aurez jouissance

2ia JACQUES GRE VIN.

En peu de temps : laissez moy faire; C'est mon office, dont j'espère En faire si bien mon devoir.

Ouy; mais tousjours le vain espoir Trompe ma trop grande constance Au milieu de mon impuissance.

RICHARD

Vrayment une telle beauté A bien un amant mérité :

Et d'autant qu'estes languissant , D'autant quand serez jouissant Le plaisir sera désirable.

LOTS

Mais tousjours pauvre misérable Le jour je me mourray cent fois Pour son amour , et toutesfois Desja je prevoy que l'yssue Sera de quelque maigre veue.

Cela ne vient point que ma race Ne fust digne d'avoir la grâce D'une dame de plus hault lieu :

C'est, c'est bien plustost quelque dieu Qui me cachoit dedans son sein L'impuissance de mon dessein.

RICHARD

Monsieur, je me tiendrois heureux De mourir estant amoureux D'une si parfaicte beauté.

JACQUES GRE VIN. ai3

LOTS

Richard, Richard, la cruauté De cest Archerot qui me domte Selon son fier désir, surmonte L'extrême douleur de la mort.

Nous sommes en cela d'accord :

Mais à ceste longue espérance Opposez vostre jouissance.

LOTS

Encore, Richard, je t'asseure Que tout le malheur que j'endure N'est rien, si tu peux faire tant Qu'en la parfin je sois content

RICHARD

Ce n'est pas moy qu'il fault prier.

Il ne tient qu'à ce trésorier.

LOTS

Le mari est-il adverti ?

RICHARD

Non , non ; mais il n'est pas parti Ainsi qu'elle pensoit.

LOTS

Comment ?

RICHARD

Pour s'en aller faire un payement En Languedoc. Luy deslogé , Vostre malheur sera changé En un perdurable plaisir :

Car alors vous aurez loisir

ai4 JACQUES GREVIN,

De recouvrer le temps perdu.

Si avez long temps attendu, Reprenez hardiment courage.

LOTS

Ha ! Richard , pourquoy d'avantage As-tu celé mon doux repos ?

RICHARD

Il ne venoit pas à propos :

Encore vostre joye augmente De plus en plus par ceste attente.

Et si je m'en rapporte à vous , Si vous ne trouvez pas plus doux Le plaisir, par le tardement, Que n'eussiez au commencement.

li o Y s.

Vrayment, Richard, pour ton devoir.

Tu mérites de recevoir D'un plus grand seigneur le loyer.

RICHARD

Monsieur, il ne fault qu'employer

Richard, quand il est question

De conduire une faction :

« Aussi le serviteur doit faire ,

a Pour à son bon maistre complaire ,

« Le devoir comme il appartient

« Jusques à la mort , s'il convient

« L'endurer pour l'amour de luy. »

LOTS

Mais dy, Richard, est-ce aujourdhuy Que nostre trésorier se part ?

JACQUES GREVIN. 2l5

Penseriez-vous bien que Richard Vous le dist s'il n estoit ainsi ?

Vie , mettez moy tout souci Sous le pied.

LOTS

Mais ce trésorier Me doit encore mon quartier.

Il fault que tu sois diligent De recouvrer tout cest argent Avant qu'il parte : et , qui plus est , Je luy payray son interest, S'il veult faire du rigoureux ; Car à ces braves glorieux Il fault quitter une moitié Pour avoir l'autre.

RICHARD

L'amitié Vault bien cela, c'est pour l'usage De son ennuyeux coquage.

liOTS.

Va-t'en vers luy , voyla quittance :

Que s'il veult faire quelque avance , - Promets luy le vin hardiment.

RICHARD

Je m'y en vay.

LOTS

Pareillement Fay les recommandations De mes journelles passions ,

2l6 JACQUES GRE VIN.

A ma damoiselle et maistresse :

Que si de ma longue destresse Elle ha quelque compassion , Qu'eir me donne assignation Pour par un doux contentement Mettre la fin à mon torment.

RICHARD

Mon maistre ha bien ce qu'il luy fault, Encore qu'il ait le cueur hault , Et qu'il ne veuille estre domté, Si est-ce qu'il est surmonté Par une femme aussi commune Que les divers cours de la lune.

Elle peult tant envers mon maistre , Que par babil ell' l'a faict estre Un parangon de pauvreté :

Et sous l'ombre d'une beauté , Qu'elle vend plus cher qu'au marché, Elle luy a ja arraché Les biens, l'honneur et les amis:

c'est une mer , où il a mis Mille trésors qu'elle dévore , Sans les regorger ; et encore Qu'il luy donne tant qu'il vouldra , De rien plus il n'en adviendra A n^on maistre qu'elle déçoit , Ny à elle qui le reçoit.

Et ce pendant , mille langueurs , Et milles amoureaux vainqueurs Tormentans son cueur attizé.

Je pensoy qu'il fust plus ruzé , Yeu qu'il a tant hanté les armes y Les courtizans et les gensdarmes :

Mais les plus fins y sont trompez , Et les plus légers attrapez y Tant seulement sous l'apparance D'une légère jouissance.

Encore si pour sa beauté Elle valoit le decroté , Je dirois : Mais quoy ! seulement La façon de l'habillement Vault autant que la bague entière.

Et bien , c'est une tresoriere , Laquelle par son doux parler Sçait bien un homme emmieler.

Mais, par ma foy, j'estime autant Ma Manon, et suis content Encore plus de mes amours Que non pas luy de son velours , Sans qu'il me la faille prier.

Mais n'est-ce pas mon trésorier Que je voy venir droict à moy ?