SCENE IL LE TRESORIER, RICHARD
LE TRESORIER
Puisque c'est l'affaire du roy,^ Je ne diffère m'absenter, Afin d'un chascun contenter :
Le gain recompense le mal.
Qu'on face seller mon cheval.
RICHARD
Tant mieux, il est prest de partir, La dame pourra départir La jouissance de son corps.
Puisque monsieur s'en va dehors.
liE TRESORIER.
Encor ay-je quelque douleur
De laisser ma femme en sa fleur :
Car, las ! ceste tendre jeunesse
Ne pourra porter la destresse
De mon absence; et puis ces gens
Qui sont soigneux et diligens
A tromper une créature ,
Qui sera simple de nature.
Vray, que je tien tant de ma femme.
Qu'avant me faire un cas infâme
Plustost endureroit la mort.
RICHARD
Helas ! jamais ne luy feit tort , Elle est de bonne parenté.
liE TRESORIER.
Pensez qu'un homme est tormenté , Depuis qu'il luy convient souvent Aller à la pluye et au vent , Délaissant avec le mesnage La femme en la fleur de son aage.
RICHARD
Le cueur luy fault , la conscience Luy fait cognoistre son offense.
JACQUES GRE VIN. aîQ
liE TRESORIER.
H ne m'est rien plus aggreable Qu'avec ma femme désirable Jouir du bien que Dieu me donne.
Mais quoy ! la practique en est bonne : Car je pourray, si je suis sage, Practiquer en ce mien voyage Trois mille francs en peu de jours.
RICHARD
Ce pendant comment les amours Se demerront, la damoiselle Ne sera du tout si rebelle Qu'auparavant ; car le loisir Luy fera mille fois choisir Le bon moyen , l'heur et le temps Pour rendre ses amis contens, Tant le courtizan que son page.
Mais il fault faire mon message, Craignant qu'en quelque coing de rue Je ne le perde de la veûe :
Puis je pourrois venir trop tard* Dieu gàrd monsieur.
LE TRESORIER
Eh bien , Richard , Comment va du seigneur Loys?
RICHARD
Il a tousjours dix mille ennuys Qui le tormentent, pour autant Qu'il n'ha pas son argent contant , Et si ne voit qui en apporte.
220 JACQUES GREVm.
Et qui pis est, jamais sa porte N'est sans un marchand ennuyeux , Qui, se présentant à ses yeux, Le menace pour son argent De luy envoyer un sergent.
LE TRESORIER
Richard, par Dieu! c'est comme moy,
Car maintenant je ne reçoy
A peine rien de mon office.
Encore pour faire service
A quelques uns , tousjours j'avance ,
Et si, ma foy, la recompense
Que j'en reçoy, n'est comme rien.
RICHARD
Vertu-bieu ! je vous enten bien , Le payment n'est encore prest , Nous demandons un interest , Voyia comment vous estes doux.
Je suis venu par devers vous Pour entendre tant seulement Si mon maistre aura le payment De son quartier que luy devez.
liE TRESORIER.
Vous estes fort mal arrivez Vous venez après la bataille :
Je ne sçache pas une maille.
RICHARD
Gomment, monsieur? et ce pendant Mon maistre sera attendant Vostre retour ?
JACQUES GREVIN. 2a ï
LE TRESORIER
Il le fault bien.
RICHARD
Mais, monsieur, pensez-vous combien Ce luy est chose insupportable D'estre si long temps redevable A un tas de gens importuns?
LE TRESORIER
Vrayment , Richard , je sçay aucuns Qui m'ont voulu doliner le quart De leur payment.
RICHARD
Ma foy, Richard, N'ha point telle commission :
Pour donner une portion De l'argent , il le fera bien.
LE TRESORIER
c'est bien parlé : viença, combien Veult-il donner pour l'interest , S'il trouve son argent tout prest?
Quant est de moy , je ne lay pas :
Mais il n'y a que quatre pas Jusqu'au logis d'un mien ami.
RICHARD
Le Trésorier n'est endormi , Se voyant en main la fortune De pouvoir gaigner la pecune.
LE TRESORIER
Que dis-tu, Richard?
EIGHARD.
Je songeois En comptant cy dessus mes doits, Combien il voudroit bien donner.
LE TRESORIER
Je ne pourroy plus séjourner.
RICHARD
De trois cens livres vingt escus.
LE TRESORIER
Ha , vrayment il mérite plus.
Voudroit-il bien en donner trente ?
RICHARD
Pour vingt et cinq, qu'il se contente:
Je vous feray recompenser, Si voulez encor' avancer.
LE TRESORIER
Je le veux à mesme profit :
Aussi je voudroy qu'il me feit Quittance des paymens entiers Qu'il recevra des deux quartiers.
RICHARD
Vous les aurez.
LE TRESORIER
Mais il ne fault Aussi m'en faire aucun default , Car je veux partir dans une heure :
Parquoy soyez en mon demeure.
Incontinent.
RICHARD
C'est bien assez.
JACQUES GREVIN. aaS
Jamais ils ne seront lassez De prendre argent de toutes pars :
Il n'est pas des pauvres souldars Desquels ces braves trésoriers N'attirent tousjours des deniers ; Mais au besoing il se fault taire.
