SCENE L
LE PROTENOTAIRE, BONIFACE.
liE PROTENOTAIRE.
He ! Boniface , mon ami , Je suis desja mort à demi , Tant ce petit dieu me tormente.
Ha , ma trop cruelle Constante !
La grand' constance de ton sort , Seule me causera la mort.
BONIFACE
Comment cela , monsieur ? vous ay-je Si long temps servi au collège , Pour maintenant vous défier De vostre serviteur , premier Qui en a mis les fers au feu ?
LE PROTENOTAIRE.
Helas , Boniface ! pour Dieu , Si jamais la fidélité De ton devoir m'a incité A recompenser ton service Comme je doy de mon office ; C'est ores qu'il te fault prévoir Au mal instant du desespoir , Et monstrer ton invention.
JACQUES GREVm. il']
BONIFÀGE.
Je sçay bien qu'il n'est question Que d'argent dont avez default :
« Car le temps est venu qu'il fault « Tousjours avoir argent en banque , « Qui veult que la dame ne manque. »
liE PROTENOTAIRE.
Il est vray; car tout mon torment Vient de cela tant seulement; Tu sçais que nous n'avons la croix , Encores qu'il y ait trois mois Avant que recevoir argent.
BONIFAGE.
Vous estes par trop diligent A faire la magnificence, Depuis qu'avez la jouissance De quarante ou cinquante escuz.
LE PROTENOTAIRE.
Boniface, je ne suis plus Enfant comme je soulois estre.
BONIFAGE.
Il fault que vous soyez le maistre Doresnavant des passions De voz journelles actions.
liE PROTENOTAIRE.
Je le seray. Mais pense-tu Combien est grande sa vertu , Et combien sa perfection Peult dompter mon affection ?
BONIFÀCE.
Nous voyons cela tous les jours :
Ce sont voz premières amours.
LE PROTENOTAIRE.
Ce n'est point cela, Boniface :
Tant seulement sa bonne grâce , Son doux parler et son maintien :
Sans rien flater, méritent bien L'amour d'un bien plus grand seigneur.
BONIFACE
Voyla , vous y avez le cueur :
Non pas vrayment que je desprise, Disant cela , vostre entreprise :
Mais il ne fault estre si chaud En ses affaires.
LE PROTENOTAIRE.
Son cueur hault Mérite un plus parfaict service.
BONIFACE
Mais si l'argent du bénéfice Ne suffit à telle despense?
LE PROTENOTAIRE.
Il fault aimer en espérance, Il nous viendra quelque hazard.
BONIFACE
Ouy bien, mais possible trop tard, Il fault prévoir à son affaire.
LE PROTENOTAIRE.
Encore le bien de mon père Ne manquera point.
BONIFAGE.
Il ne pense Que nous façions si grand despense.
LE PROTENOTAIRE.
Ha , je veux estre entretenu Honnestement du revenu Qui m'appartient.
BONIFAGE.
c'est la raison :
Car vous estes d'une maison Qui le mérite : mais aussi Il fault avoir des siens souci.
LE PROTENOTAIRE.
Or, Boniface, il n'est pas heure De faire plus longue demeure ; Nous avons mestier d'autre chose.
BONIFAGE.
Je l'enten.
LE PRQTENOTAIRE.
Dont je me repose Du tout sur toy.
BONIFAGE.
Je feray tant , Que nous aurons argent contant.
LE PROTENOTAIRE.
J'ayme mieux payer Tinterest, Pourveu que le payment soit prest.
BONIF.AGE.
Je vous pry', laissez faire à moy.
LE PROTENOTAIRE,
Aussi je m'en attens à toy.
a3o JACQUES GRE VIN.
BOIVIFAGE.
Vous le pouvez; allez m'attendre Dans le palais , j'iray vous prendre Au repasser.
LE PROTENOTAIRE.
Le secrétaire M'y doit trouver pour quelque affaire.
