CONSTANTE, BONIFACE, RICHARD

CONSTANTE

Richard , mon amy , dictes luy Que j'en endure autant d'ennuy Qu'il m'est possible, et que j'espère, Mais qu'il soit parti , si bien faire Qu'il sera content du devoir Que j'en feray.

BONIFACE

Il fault sçavoir Que veult ce doux contentement.

RICHARD

Vous n'en voulez foy ne serment, Mais il vous aime de tel cueur, Que desja son amour vainqueur L'a presque mis au desespoir.

CONSTANTE

Las , Richard , il ha tout pouvoir Sur moy, qui suis sienne, et j'espère, S'il me survient en mon affaire , Le recognoistre tant que l'ame

JACQUES GREVIN- 23l

Me batte au corps.

BONIFAGE.

La pauvre femme Ne se donne qu'à ses amis :

J'enten bien tout , elle a commis Quelque petite portion De Tamoureuse afTection Sur la bource d'un amoureux.

RICHARD

Ma damoiselle , il est heureux De ce qu'il vous plaist demander La chose qu'il peult accorder.

CONSTANTE

Eh bien, Richard, vous luy direz Que je suis sienne, et le prirez De ce dont je vous ay parlé.

BONIFAGE.

Voyla le pacquet emmalé ;

Mon maistre peult bien dire à Dieu.

RICHARD

Je ne puis plus estre en ce lieu , Je vay quérir l'autre quictance.

BONIFAGE.

Si est-ce que j'ay espérance D'émoucher quelque argent de vous.

CONSTANTE

Hault , Boniface , un peu plus doux ; Quelqu'un vous fait-il desplaisir ?

BONIFAGE.

Il la fault avoir à loisir.

Ha j ma damoiselle Constante !

CONSTANTE

Quel est Tennuy qui vous torraente ?

N'y sçauroit-on bien tost prévoir?

Il est grand seigneur , qui peult voir Monseigneur le Protenotaire.