LE TRESORIER, SULPICE, CONSTANTE

LE TRESORIER

Croyez qu'un argent avancé Vault bien cela.

SULPICE

Si fait vrayment ; Et je m'esbahy fort comment Vous faictes si honneste tour.

LE TRESORIER

Sire Sulpice , c'est l'amour Que je luy porte.

SULPICE

Il le vault bien.

Et puis de ces gens l'entretien Sert de beaucoup aucunefois.

Il me souvient qu'un jour j'estois En la court pour un mien affaire , Seulement un Protenotaire Auquel j'avois faict du service , Feit tout mon cas.

LE TRESORIER

Sire Sulpice , Comme vous dictes , le maintien De gens de court est nostre bien.

Je crains que nos faultes commises

JACQUES GREVIN. n'ij

A la parfin ne soyent reprises , Comme nous voyons la fortune Ëstre plus souvent importune A gens qui sont en tel degré , Qui n'ont tousjours le vent à gré :

Il ne faudroit au mal extresme Que ce bon gentilhomme mesme Pour bien conduire mon affaire , S'il m'advenoit quelque misère.

SULPICE

Vous dictes bien , il fault prévoir Au mal qui nous peult décevoir.

C'est ainsi qu'il fault disposer , C'est ainsi qu'il fault aviser A un malheur qui se présente Pour brouiller tousjours nostre attente , Tant nature nous est cruelle.

Mais n'est-ce pas ma damoiselle Que je voy venir droict à nous ?

CONSTANTE

Mon Dieu ! monsieur, dépeschez vous, Vous sçavez qu'il est desja tard.

LE TRESORIER

Je n'atten plus qu'après Richard.

CONSTANTE

Helas , mon Dieu ! la seule peur Qu'il ne vous avienne un malheur, Me le faict dire; tous les champs Sont remplis de mauvaises gens :

Sur tout gardez vous bien du soir.

SULPICE

Encor y faict il bon prévoir , Gela ne vient que de bon cueur.

LE TRESORIER

si vous voyez le serviteur Du seigneur Loys , que Marie L'amené après nous.

Je vous prie De tost despecher vostre affaire.