BONI^AGE
Il est empesché d'un affaire Qui est de bien grand' importance , En quoy il a bonne espérance De parvenir à grand honneur.
Eh bien, bien, ce sera monsieur; Il ne vouldra plus regarder Ses amis.
BONIFACE
Tant eir sçait farder Et emmieler son langage !
GONSTA NTE.
Bon Dieu , que vous estes sauvage Depuis un peu !
BONIFACE
c'est que je pense A une bonne recompense Qu'on donne pour son bénéfice , Si quelcun veult faire un service De luy prester deux cens escus.
CONSTANTE
Ne luy en fauldroît-il non plus?
JACQUES GREVIN. a33
BONIFAGE.
Non.
CONSTANTE
N'ha-il point quelque amitié Dedans Paris , pour la raoytié ?
BONIFAGE.
Non, du tout; ouy bien pour cinquante.
Ha, vrayment je suis tres-con tente De luy prester le demourant, Du bon cueur, en m'asseurant.
BONIFAGE.
Ma damoiselle , le plaisir Sera selon vostre désir Honnestement recompensé.
CONSTANTE
A son vouloir.
BONIFAGE.
J'ay avancé Ma langue , sans son mandement.
CONSTANTE
Vous le pouvez honnestement :
Car je suis si bien son amie , Que s'il me demandoit la vie , Je luy departirois mon ame.
BONIFAGE.
a Tant le bon vouloir d'une dame « Peult aider l'ami au besoing. »
CONSTANTE
Boniface , j'ay plus de soing
a 34 JACQUES GREVIN.
De l'avanceraent de son bien Et honneur , que non pas du mien , Encore que j'en soy reprise :
Mais je suis tellement esprise De son amour , que j'ay grand peur Que ce soit mon dernier malheur.
Au pis aller, je suis heureuse Que ceste estincelle amoureuse A touché sa perfection.
BONIFACE
Ce n'est qu'à bonne intention Ma damoiselle , et le torment Se finira heureusement.
CONSTANTE
Je pry Dieu qu'il vous veuille ouir.
BONIFACE
Et alors vous pourrez jouir , Vous sçavez quoy.
CONSTANTE
Ha! Boniface.
BONIFACE
Ma damoiselle , vostre grâce , Et vostre parfaicte beauté Seule vainquit sa liberté :
Car plus il vit en ce martyre , Tant plus constamment il aspire A faire chose qui contente Le seul désir de sa Constante.
CONSTANTE
Escoutez ; je vous veux prier,
JACQUES GREVENT. !i35
A cause que le Trésorier S'appreste pour tantost partir, D'en vouloir monsieur advertir , Qu'il soit un peu plus diligent : Et cependant , voyla l'argent ; Il m'en fera recognoissance Quand il viendra.
BONIFA.CE.
J'ay espérance Qu'avant qu'il soit une bonne heure , Il sera dans vostre demeure.
Vive, vive l'invention Pour bien faire une faction :
Il en fault bien faire la croix En nostre âtre : ils sont tous de poix , Je les ay eus tous pour le pris Que ceste dame les a pris.
Je recognoy bien cestuy-ci , Et ce double ducat aussi , Un noble , un angelot encor :
C'estoit pour des brasselets d'or Que monsieur luy donna un jour.
Ce demourant vient de l'amour Des bonnes gens de son quartier.
A tous les diables le mestier, Qui ne nourrit et entretient Le compaignon qui le maintient^ Et ne fiist qu'un peigne de buys.
CONSTANTE
Au moins si le seigneur Loys
Me fait ce bien, dont je le prie,.
Ma bource sera bien remplie De l'argent que j'ay debourcé.
