RÉCIT DU SACRIFICE DE POLIXÈNE
TALTBfYBIUS.
DiCTES-MOY , Troyennes pucelles, Où je pourray avoir nouvelles D'Hecuba, la royne de Troye.
LE CnOEUR.
Regarde la en ceste voye Près toy en terre renversée Toute de draps envelopée.
TALTHYBIUS.
O Juppiter, qu'est-ce que je puis dire ?
Doy-je estimer que du céleste empire
Ton œil piteux regarde et considère
Les cas humains si remplis de misère ,
Ou bien que faulse et téméraire soit
L'opinion de ceulx là qui reçoit
Que dieux n'y a ne déesses es cieulx ,
Mais que Fortune est régnante en tous lieux?
Quoy! n'est-ce ci la grand royne de Troye,
Femme à Priam , qui tant a eu de joye ,
De biens, d'honneurs , de triomphe et puissance,
Et maintenant , par malheureuse chance ,
Est sa cité destruicte et confondue ,
Et elle esclave et d'enfans despourvue,
LA.ZARE DE BAÎF. 147
Gisante icy en terre désolée ,
De vil poulsier et de terre souillée ?
Helas , helas , encor que vieulx je soye ,
La mort choisir de trop plus je vouldroye
Que d'endurer vile calamité.
Sus , dame , sus pleine d'adversité ,
Sus , redressez cestuy vostre blanc chef.
Qui est celuy qui me fait ce meschef , Et ne permet que cy puisse gésir, Moy qui tant ay Se mortel desplaisir ?
TALTHYBIUS.
Talthybius , je suis le messagier
Des puissans Grecs , qu'a voulu envoyer
Agamemnon icy par devers toy.
O cher amy Talthybius , di moy Si ordonné ils ont semblablement De m'immoler sur le hault monument De Pelides ; helas , ceste nouvelle Tant je désire! et si la chose est telle, Allons y tost, va devant, je te suys.
TALTHYBIUS.
Ce n'est cela , mais envoyé je suis Pour te quérir par le filz d' Atreus , Agamemnon aussi , Menelaus , Et autres Grecs , afin de recueillir Corps de ta fille et de l'ensevelir.
l48 LAZARE DE BAÏF.
Las ! que dis tu ? Doncques tu n'es transmis Pour à la mort rendre mon corps soubmis , Mais pour encore accroistre ma tristesse.
Helas ! ma fille , en ceste dure angoisse T'a prins la mort , et des bras de ta mère T'a tiré hors , qui en douleur amere D'enfans se voit désormais despourvue.
Mais or me di quelle mort elle a eue :
Di-moy, vieillard, est-ce honorablement Ou par fureur, ainsi crueHement Qu'on use en guerre envers son adversaire ?
Las! di le moy, ne crains à me desplaire.
TALTHYBIUS.
Ung double pleur tu me veulx faire rendre :
Car le récit que me fais entreprendre De la pitié qu'en ta fille j'ai veu , Et la vertu qu'en elle j'ay congneu , Larmes feront de mes yeulx decourir , Gomme desja ont faict à son mourir.
( Icy recite Talthybîus la forme du sacrifice.)
Au devant du tombeau et du liault tabernacle De cèstuy sacrifice, et trop piteux spectacle, Tout l'exercite estoit des Grégeois assistant : Alors Pyrrhus le fîlz d'Achilles plus n'attent , Mais prenant de la main ta fille Polixene , Au plus hault du tombeau la conduit et amené. Là il l'assiet et pose : et moy estant auprès, Je suys, et quelques ungs qui furent pai* exprès
LAZARE DE BAÏF. i49
Choisis jeunes et fors pour garder le saillir De ta fille , et que peur ne la feist tressaillir , Qui empeschast le coup : ce faict Pyrrhus prins a Ung vaisseau de fin or, tout plein, dont arrousa Le tombeau de son père , et après me commande Proclamer haultement, si que ma voix s'entende De tous les assistans, que silence se face.
Au milieu je me dresse et esleve la face , Et commence un tel cri , tous en ceste présence Or oyez, or oyez, chascun face silence.
Sur ce chascun se taist; et lors Pyrrhus profère : O filz de Peleus mon géniteur et père , Te soit Toblation et offrande aggreable, Dont les mors on évoque , et leur ire est placable , Vien boire ce vermeil sang incontaminé.
Qui par cet exercite et par moy t'est donné Afin que tu nous sois propice , et que secours Donne à nostre equippage, et aux navires cours, Et que tous nous puissions , sans plus ci séjourner , Heureux en nos païs et maisons retourner.
Ainsi Pyrrhus parla : et tous ceulx de la place Au ciel tendent les mains , prians qu'ainsi se face. Cela faict, il a prins par le manche doré Son espée tranchante , et du foun'eau tiré , Faisant signe à ceulx la qui ordonnez estoyent Pour ta fille garder, qu'à la tenir s'employent; Ce quelle congnoissant, dit lors ce qui s'ensuit: O vous Grecs qui avez le mien païs destruit, Bien volontiers je meurs : et pourtant n'approchez De moy pour me tenir , ni à mon corps touchez :
l5o LAZARE DE BAÏF.
Car d'assuré courage et ferme volonté Ce mien col vous sera franchement présenté.
Et pour ce au nom des dieux moy qui suis libre et franche , Que libre je demeure , et la teste on me tranche ; Car honte me seroit. certes inestimable , Que de serve le nom si vil et reprochable Entre les mors acquisse , estant extraicte et née De si haulte maison et royale lignée.
Lors le peuple à frémir commence et murmurer , Demonstrant qu'à la vierge on doit obtempérer. Et sur ce Agamemnon commande expressément Que la vierge on délaisse. Et tout subitement, Que ceulx la qui estoyent ordonnez, entendirent Le vouloir de leur chef et prince , y obéirent. Elle après son surcot commence à deux mains prendre Au plus hault de son pis, et en deux pars le fendre, Demonstrant nud son sein , et ses blanches mamelles. Si belles que d'image on les peult dire telles. Les genouls met en terre , et sur ce a référé . Ces derniers mots piteux , dont maint homme a pleuré : Regarde, jouvenceau, ou bon te semblera Le tien coup adresser, si ce pis te plaira, Ton glaive y soit fiché : ou si plus désirée Ma blanche gorge estoit , elle t'est préparée. Pyrrhus prenant pitié de la noble pucelle, Voulant et non voulant, en ce doubte chancelle. Finablement le glaive a poulsé au travers Des conduits de l'esprit : et le sang coule envers Ainsi que de tuyaux : neantmoins en mourant , Ce que l'honneur touchoit très bien remémorant.
LAZARE DE BAÏF. l5r
Eut le soing de couvrir ce que dames ont cher, Et que rhonnesteté veult aux hommes cacher..
Or après que du coup mortel eut rendu l'ame, Il n'y eut cil des Grecs que le désir n'enflamme Porter honneur, ou faire au corps quelques services, Les ungs espandent fleurs, les autres bois propices Apportent de sapin , pour le feu préparer :
Et si aulcun se veult des autres séparer.
Et ne mettre la main à si honneste oflice , Celuy qui le rencontre injure luy obice.
Disant : Que fais icy , lasche et de peu de cueur , Sans à ce gentil corps faire et prester honneur ? N'iras tu pas quérir quelque digne ornement, Ou chose dont soit faict notable parement Au corps de la plus noble , et de cueur plus sublime , Qu'oncques pucelle fut , et la plus magnanime ? Ces choses l'on disoit de ta fille excellente , Qui morte gist : et toy, pauvre royne dolente Qui d'enfans as esté la plus riche et heureuse , De toutes je te voy la plus calamiteuse.
