BLASON DE LA MAIN

O douice main , main belle , main pollye , Main qui les cueurs faict lier et deslie , Main qui le mien a pris sans y toucher ; Main qui embrasse et semond d'approcher ; Main qui à moy doibs ouvrir ( ô main forte ! ) Qui fors à moy , à tous ferme la porte ; Main qui souvent en estraygnant le doigt , Sans dire mot , m'as dit je sçay bien quoy.

Main qui la trousse et flesche sans doubter A Cupido seulle pourroys oster, Dis-je la main qui Cupido feroit Mouvoir d'amour, quant il la toucheroit.

Main qui peult seule et le soir et matin , Laisser la mienne approcher du tetin :

Main qui permect , s'il est bcsoing , qu'on puisse En se jouant sçavoir quelle est la cuisse.

Main qui souffre par foys oultre passer, Mais ce seroit assez pour trespasser.

Main qui peult bien faire encor autre chose Qui plaist autant , mais le dire je n'ose.

Main à qui seulle appartient qu'elle sçache Ce qu'on ne voit , ce qu'on cherche et qu'on cache ; Main qui peult mieulx par escript asseurer Que l'œil par voir et bouche par jurer, O digne main qui jusqu'au ciel approche , Main qui faitz honte à la neige et reproche ,