MARIE, RICHARD. MARIE

Dieu , monsieur le Protenotaire , Est négligent en ses amours.

J'ay veu le temps que tous les jours Il passoit devant la maison Cinquante fois ; mais la saison , Comme je croy, luy est venue, Qu'il ne va plus parmi la rue:

Pensez qu'il est devenu sage.

RICHARD

Si je joue mon personnage, Je sçauray d'elle tout' l'affaire De ce jeune Protenotaire.

MARIE

«Nous fuyons tousjours nostre bien, « Jamais , jamais à un bon chien « Ne tombera quelque bon os : »

Apres qu'ils ont tourné le dos, Ils font leurs meilleures risées De celles qu'ils ont abusées.

RICHARD

Les plus rusez y sont donc pris.

MARIE

Quant ils ont l'amour entrepris De quelque dame , à Dieu comment S'ils en ont eu contentement.

RICHARD

•Autant ailleurs, c'est ma devise.

MARIE

Voyla madamoiselle esprise De l'amour d'un jeune escolier, Qui n'a le soûl pour employer , Et veult estre aimé à crédit.

RICHARD

Ne l'avois-je donc pas bien dict?

MARIE

Le seigneur Loys ce pendant Est à son amour prétendant, Sans toutesfois avoir cest heur D'appaiser sa trop grande ardeur.

Si n'est de quelque vaine course :

Luy qui ha plus d'escus en bourse Que l'autre n'hâ pas de deniers.

« Mais voyla comment les derniers « Seront tous jours favorisez , « Et les plus fermes desprisez. »

RICHARD

J'enten le ueud de la matière , Il se fault garder du derrière.

JACQUES GREVIN. aaS

MAR lE.

Voyci, Richard, le serviteur Du seigneur Loys ; j'ay grand peur Qu'il n'ait entendu ce qu'ay dict; Au pis, j'en feraycontredict :

Mon Dieu , Richard , venez avant.

Que faites vous icy devant?

MARIE

Rien ; sinon que ma damoiselle Veult parler à vous.

RICHARD

Que veult-elle ?

MARIE

Quant à moy , je ne le sçay pas ; Elle est ja descendue en bas.

♦ t»fC'tTf----'"'"*"*"*^*^^^*^**""***^*"*""*^**"***"*^***"***-^*-"-~-*'~"TT-rt>t »!>■■«»»