SCENE I
LE PROTENOTAIRE, BONIFACE.
LE PROTENOTAIRE.
He ! Boniface , mon ami , Je suis desja mort à demi , Tant ce petit dieu me tormente.
Ha , ma trop cruelle Constante !
La grand' constance de ton sort , Seule me causera la mort.
Comment cela , monsieur ? vous ay-je Si long temps servi au collège , Pour maintenant vous défier De vostre serviteur, premier Qui en a mis les fers au feu ?
LE PROTENOTAIRE.
Helas , Boniface ! pour Dieu , Si jamais la fidélité De ton devoir m'a incité A recompenser ton service Comme je doy de mon office ; C'est ores qu'il te fault prévoir Au mal instant du desespoir , Et monstrer ton iayention.
JACQUES GREVIN. aa;
BONIFACE
Je sçay bien qu'il n'est question Que d'ai'gent dont avez default :
a Car le temps est venu qu'il fault a Tousjours avoir argent en banque , « Qui veult que la dame ne manque. »
LE PROTENOTAIRE.
Il est vr ly ; car tout mon torment Vient de cela tant seulement; Tu sçais que nous n'avons la croix, Encores qu'il y ait trois mois Avant que recevoir argent.
BONIFACE
Vous estes par trop diligent A faire la magnificence, Depuis qu'avez la jouissance De quarante ou cinquante escuz.
LE PROTENOTAIRE.
Boniface, je ne suis plus Enfant comme je soulois estre.
BONIFACE
Il fault que vous soyez le maistre Doresnavant des passions De voz journelles actions.
LE PROTENOTAIRE.
Je le seray. Mais pense-tu Combien est grande sa vertu , Et combien sa perfection Peult dompter mon affection ?
ai8 JACQUES GREVIN.
BONIFACE
Nous voyons cela tous les jours :
Ce sont voz premières amours.
LE PROTENOTAIRE.
Ce n'est point cela, Boniface :
Tant seulement sa bonne grâce, Son doux parler et son maintien :
Sans rien flater, méritent bien L'amour d'un bien plus grand seigneur.
BONIFACE
Voyla , vous y avez le cueur :
Non pas vrayment que je desprise, Disant cela , vostre entreprise :
Mais il ne fault estre si chaud En ses affaires.
LE PROTENOTAIRE.
Son cueur hault Mérite un plus parfaict service.
Mais si l'argent du bénéfice Ne suffit à telle despense ?
LE PROTENOTAIRE.
Il fault aimer en espérance, Il nous viendra quelque hazard.
BONIFACE
Ouy bien , mais possible trop tard , Il fault prévoir à son affaire.
LE PROTENOTAIRE.
Encore le bien de mon père
Ne manquera point.
BONIFACE
Il ne pense Que nous façions si grand despense.
LE PROTENOTAIRE.
Ha , je veux estre entretenu Honnestement du revenu Qui m'appartient.
BONIFACE
C'est la raison :
Car vous estes d'une maison Qui le mérite : mais aussi Il fault avoir des siens souci.
L£ PROTENOTAIRE.
Or, Boniface, il n'est pas heure De faire plus longue demeure ; Nous avons mestier d'autre chose.
BONIFACE
Je l'enten.
LE PROTENOTAIRE.
Dont je me repose Du tout sur toy.
BONIFACE
Je feray tant, Que nous aurons argent contant.
LE PROTENOTAIRE.
J'ayme mieux payer l'interest, Pourveu que le payment soit prest.
BONIFACE
Je vous pry', laissez faire à moy.
LE PROTENOTAIRE.
Aussi je m'en attens à toy^
3o JACQUES GRE VIN.
BONIFAGE.
Vous le pouvez; allez m'attendra Dans le palais , j'iray vous prendre Au repasser.
liE PROTENOTAIRE. ■*
Le secrétaire M'y doit trouver pour quelque affaire.
