CONSTANTE, BONIFACE, RICHARD
CONSTANTE
Richard , mon amy , dictes luy Que j'en endure autant tfennuy Qu'il m'est possible, et que j'espère, Mais qu'il soit parti , si bien faire Qu'il sera content du devoir Que j'en feray.
BONIFAGE.
Il fault sçavoir Que veult ce doux contentement.
RICHARD
Vous n'en voulez foy ne serment, Mais il vous aime de tel cueur, Que desja son amour vainqueur L'a presque mis au desespoir.
CONSTANTE
Las , Richard , il ha tout pouvoir Sur moy , qui suis sienne , et j'espère , S'il me survient en mon affaire , Le recognoistre tant que l'ame
Me batte au corps.
BONIFACE
La pauvre femme Ne se donne qu'à ses amis :
J'enten bien tout , elle a commis Quelque petite portion De l'amoureuse affection Sur la bource d'un amoureux.
Ma damoiselle , il est heureux De ce qu'il vous plaist demander La chose qu'il peult accorder.
CONSTANTE
Eh bien, Richard, vous luy direz Que je suis sienne, et le prirez De ce dont je vous ay parlé.
BONIFAGE.
Voyla le pacquet emmalé;
Mon maistre peult bien dire à Dieu.
RICHARD
Je ne puis plus estre en ce lieu , Je vay quérir l'autre quictance.
BONIFAGE.
Si est-ce que j ay espérance D'émoucher quelque argent de vous.
CONSTANTE
Hault , Boniface , un peu plus doux ; Quelqu'un voiis fait-il desplaisir ?
BONIFAGE.
Il la fault avoir à loisir.
3ii JACQUES GRE VIN.
Ha , ma damoiselle Constante !
Quel est Tennuy qui vous tormente ?
N'y sçauroit-on bien tost prévoir?
Il est grand seigneur, qui peult voir Monseigneur le Protenotaire.
B0NIFACE.
Il est empesché d'un affaire Qui est de bien grand' importance, En quoy il a bonne espérance De parvenir à grand honneur.
CONSTANTE
ïh bien, bien, ce sera monsieur; Il ne vouldra plus regarder Ses amis.
BONIFACE
Tant eir sçait farder Et emmieler son langage !
CONSTANTE
Bon Dieu , que vous estes sauvage Depuis un peu !
BONIFACE
c'est que je pense A une bonne recompense Qu'on donne pour son bénéfice , Si quelcun veult faire un service De luy prester deux ciens escus.
CONSTANTE
Ne luy en fauldroit-il non plus ?
BONXFAGE.
Non.
CONSTANTE
N'ha-il point quelque amitié Dedans Paris , pour la moy tié ?
BONIFAGE.
Non, du tout; ouy bien pour cinquante.
CONSTANTE
Ha, vrayment je suis tres-contente De luy près ter le demourant , Du bon cueur, en m'asseurant.
BONIFACE
Ma damoiselle , le plaisir^ Sera selon vostre désir Honnestement recompensé.
CONSTANTE
A son vouloir.
BONIFACE
J'ay avancé Ma langue, sans son mandement.
CONSTANTE
Vous le pouvez honnestement:
Car je suis si bien son amie , Que s'il me demandoit la vie , Je luy départirois mon ame.
BONIFACE
c< Tant le bon vouloir d'une dame « Peult aider l'ami au besoing. »
Boniface , j'ay plus de soing
De l'avancement de son bien Et honneur , que non pas du mien , Encore que j'en soy reprise :
Mais je suis tellement esprise De son amour , que j'ay grand peur Que ce soit mon dernier malheur.
Au pis aller, je suis heureuse Que ceste estincelle amoureuse A touché sa perfection.
BONIFACE
Ce n'est qu'à bonne intention Ma damoiselle , et le torment Se finira heureusement.
CONSTANTE
Je pry Dieu qu'il vous veuille ouir.
BONIFACE
Et alors vous pourrez jouir , Vous sçavez quoy.
CONSTANTE
Ha! Boniface.
BONIFACE
Ma damoiselle , vostre grâce , Et vostre parfaicte beauté Seule vainquit sa liberté :
Car plus il vit en ce martyre , Tant plus constamment il aspire A faire chose qui contente Le seul désir de sa Constante.
CONSTANTE
Escoutez ; je vous veux prier,
A cause que le Trésorier S'appreste pour tantost partir, D'en vouloir monsieur advertir, Qu'il soit un peu plus diligent :
Et cependant , voyla l'argent ; Il m'en fera recognoissance Quand il viendra.
BONIFACE
J'ay espérance Qu'avant qu'il soit une bonne heure , Il sera dans vostre demeure.
Vive, vive l'invention Pour bien faire une faction :
Il en fault bien faire la croix En nostre âtre : ils sont tous de poix , Je les ay eus tous pour le pris Que ceste dame les a pris.
Je recognoy bien cestuy-ci , Et ce double ducat aussi , Un noble , un angelot encor :
C'estoit pour des brasselets d'or Que monsieur luy donna un jour.
Ce demourant tient de l'amour Des bonnes gens de son quartier. A tous les diables le mestier , Qui ne nourrit et entretient Le compaignon qui le maintient, Et ne fust qu'un peigne de buys.
CONSTANTE
Au moins si le seigneur Loys
Me fait ce bien , dont je le prie.
Ma bource sera bien remplie De l'argent que j'ay debourcé.
