BONIFACE, MARIE

J'estois Pour mon profit particulier , Quant j'ay ouy ce beau Trésorier Heurter , crier d'une voix forte Que l'on luy vint ouvrir la porte.

Si est-ce que j'ay si bien faict, Qu'il ne m'a pris dessus le faict ; Car, quand j'ay ouy ce beau mesnage , Ainsi qu'un homme de courage, J'ay gaigné le grenier au foin :

Les jambes servent au besoin ; Encor' n'est-il que tousjours estre.

Mais, par Dieu ! ce pendant mon maistre Est pour les gaiges demeuré , Et moy un peu plus asseuré Que je n'estois.

MARIE

Hé , Boniface !

a66 JACQUES GREVIN.

Vrayment vous avez bonne grâce ; Encor' vous vous mocquez des gens.

BONIFAGE.

Gomment cela ? ce sont sergens Qui veulent mener prisonnier Vostre maistre le Trésorier :

Quant à moy, j'ayme mieux m'en taire.

MARIE

Mais monsieur le Protenotaire Est tout seul entre ces souldars.

BONIFACE

Je ne me mets en tels hasars; Je pourrois bien , faisant ma monstre , Recevoir quelque malencontre : Je feray cy la centinelle.

MARIE

Las ! que dira ma damoiselle ?

Il m'est avoir qu'elle me suyt.

Hé , vierge Marie , quel bruit !

Je croy que le seigneur Loys Veult tout tuer.

BONIFACE

Il n'est que l'huys Pour bien eschapper du danger :

C'est assez pour m'en estranger; Par Dieu! je n'y retourne pas.

MARIE

Hé , Boniface , parlez bas :

Je m'en vay jusque à la salette.

JACQUES GREVIN. 1x67

BONIFAGE.

Quant à moy, ma tasclie est ja faicte^ Je n'y retourne du jourdhuy , Puisque l'affaire j'ay conduy Jusqu'icy, j'en suis échappé, Et monsieur demeure trompé; Qu'il se contente à sa fortune.

MARIE

Elle nous est à tous commune ; Encor' en fault-il voir la fin.

BONIFAGE.

J'en suis bien content : mais à fin Que ne m'y pensiez embrouiller, Si l'on me faisoit despouiller , J'en aurois mon recours sur vous.