SULPICE, LOYS, RICHARD, LE TRESORIER
SULPIGE.
Monsieur , soyez un peu plus doux :
Quel profit pourriez-vous avoir Quand vous le feriez à sçavoir A la justice ?
LOYS
C'est tout un ; Le profit est à tous commun.
RICHARD
Ça, ça , monsieur le Trésorier, Vous en porterez le collier , Et ce pour juste recompence D'avoir pillé argent de France.
SULPICE
Il se soumet à tout accord.
RICHARD
Par Dieu! je seray le plus fort ; Vous viendrez aussi quant-et-quant ; Car vous en faisiez le payment En son nom , m'aidant à tromper :
Vous ne me pouvez eschaper Que ne^vous face mille ennuys.
LE TRESORIER
Escoutez-moy , seigneur Loys; Nous sçavez que j'ay faict avance ; Sera-ce donc la recompence Que pour moy vous voulez choisir, Apres vous avoir faict plaisir ?
Auriez vous bien donc le couraige De m'empescher en ce voyage , Considéré que mon affaire Me contraint comme nécessaire Pour le profîct de nostre prince ?
RICHARD
Vous estes subject à la pince; C'est cela qui gaste le tout.
liOYS.
Encor' en aurons nous le bout ; Richard, fais ce que je commande.
LE TRESORIER
Seigneur Loys, je ne demande Sinon avoir appoinctemént Avecque vous.
RICHARD
Premièrement H fault venir en la prison.
LE TRESORIER
Je vous feray toute raison ,
Si vous faictes un tour honneste.
Cela n'est que laver la teste
De l'asne qui est aux Bons-hommes.
liOYS.
Yoyci grand cas , tant que nous sommes N'aurons pouvoir de le mener Au palais pour Temprisonner.
RICHARD
Charge le moy comme une balle Sus le dos, ou comme une malle; Puis nous aurons vostre courtault , Qui le mènera aussi tost Que commandé.
SULPICE
Submettez vous , Et puis mQnsieur sera plus doux.
LE TRESORIER
A celle fin d'en voir le bout , Je suis content de perdre tout.
J'ay payé le quartier passé ; Encore vous ay-je avancé Celuy qui vient, pour avoir paix Avecque vous, monsieur, je fais Comme si n'eussiez rien reçeu.
SULPICE
Vrayment vous ne serez deçeu Par ce moyen , et de ma part J'en donray le vin à Richard:
Et si désire faire plus.
LOYS
Vous dictes bien ; mais les escuz Que la Constante tient encor' Pour avoir une cliesne d'or ?
LE TRESORIER
Ces escuz vous seront rendus, Et autant d'autres despendus , Pour nous resjoulr tous ensemble.
SULPIGE.
C'est un bon parti , ce me semble.
RICHARD
Le vin que vous avez promis A Richard , n'est-il pas donc mis Parmi le marché?
SULPICE
Si est bien , Je vous le veux donner du mien.
RICHARD
Mais j'ayme bien mieux dans ma main Le voir que d'attendre à demain :
ce Car je sçay bien que les promesses « De leur naturel sont traitresses : » Parquoy si voulez paix à moy, Foncez argent.
SUIiPICE.
Ha , par ma foy , Vous l'aurez ; car c'est la raison.
LOTS
Entrons doncques en la maison , Affin de ravoir ma quictance :
Car je veux du tout asseurance.
a 72 JACQUES GRE VIN.
