SCENE IL

BONIFACE, LE PROTENOTAIRE.

BONIFACE

Non , non , monsieur ; si j'eusse esté Dedans nostre université , Je leur eusse faict à cognoistre Que la dedans je suis le maistre ; Encore j'ay bonne espérance D'en avoir un jour la vengeance.

LB PROTENOTAIRE.

Mais que diable es tu devenu Ce pendant?

BONIFACE

J'estois détenu Gombatant contre deux souldars :

Par Dieu ! c'estoient deux grans pendars Qui m'eussent arraché la vie Du corps , si n'eust esté l'envie Qu'avoy de vaillamment deffendre , Si bien que je leur ay faict rendre Tout le courage avec les armes , Encor' que ce feussent gendarmes.

LE PROTENOTAIRE.

Par Dieu! je n'ay sceu si bien faire, Qu'au plus fort de tout mon affaire Je n'aye esté surpris. Mais quoy!

Il ne se souvient plus de moy ; Car l'ardeur du seigneur Loys, Qui enfonçoit en bas son huys

Pour entrer dedans la maison , Luy a faict perdre la raison.

BONIFAGE.

Non, monsieur, je m'en veux vanger.

LE PROTENOTAIRE.

Mais , Boniface, en quel danger Penses-tu que j'estois alors ?

Je t'asseure que tout mon corps Estant aussi froid que le marbre , Trembloit comme une feuille d'arbre.

BONIFAGE.

Ne vous pouviez vous revancher?

LE PROTENOTAIRE.

Encor' ne sçavoy-je attacher

Mes chausses cheutes aux genouls.

BONIFAGE.

Ha , si j'eusse esté avec vous !

LE PROTENOTAIRE.

Encore me pensant sauver, Un autre m'est venu trouver Caché dans la chambre privée :

Puis Constante y est arrivée, Ce qui a faict que me sauvant.

Je me suis trouvé au devant Du seigneur Loys, qui suyvoit Le Trésorier, qui s'enfuyoit.

BONIFAGE.

Quelle mine vous a-il faict ?

LE PROTENOTAIRE.

Il m'a dict que c'estoit bien faict, V. 18

A riiomme qui cherche tousjours Son aventure en ses amours , Et que luy estant pourchassant De ce dont j'estois jouissant , Il se pensoit estre aimé d'elle.

BONIFACE

Comment ! de ceste damoiselle ?

Sçait on pas bien qui est Constante ?

LE PROTENOTAIRE.

Ouy, et qu'en ceste folle attente Il avoit dépendu beaucoup :

Mais qu'il vouloit tout en un coup Son argent, que le Trésorier Retenoit dessus son quartier, Puis qu'elle estoit ainsi commune.

BONIFACE

Or la damoiselle en ha d'une, L'argent qu'elle vous a preste , Entre nos mains est arresté Jusque à plus grande recompense , Des presens et de la despence Que vous avez faict , poursuyvant Son amour , et dorénavant Il se fault garder d'y rechoir.

LE PROTENOTAIRE.

Boniface , allons nous en voir Tous les escuz de la Constante.