CONGE POUR LES ANGLOYS
Nous sindiques et Conseil de Genève à tous faisons notoire et manifest comme auiourdhuy date des presentes se sont par devant nous présentez honorables et scavans Guillaume Vittinguen et William Williams noz bourgois, lesquelz tant à leurs noms propres que des autres de la nation d'Angleterre, que nous avons receuz en nostre Cité et soubz nostre protection lorsqu’ilz y sont venus, fuyans les idolatries papistiques qui cy devant ont
1 Le Livre des Anglois. Cf. ch. I. P. 44.
2 Reg. du Cons. Vol. 56, fo 44 vo (30 mai 1560). $ Livre des Abergements. Reg. 22, fo 88, vo.
régné audit pays d'Angleterre, et les persécutions qu’on y faisoit contre ceux qui faisoient profession de la doctrine Chrestienne selon la sainte reformation que Dieu a mise en nostre Cité. Et nous ont humblement remerciez de l'humain recuieul que nous leur avons fait et des benefices qu’ilz ont receuz en nostre Ville. Confessans y avoir vescu par la grâce de Dieu en grande payx et tranquilité, nous suplians maintenant puys que Nostre Seigneur a aussi donnée la liberté de son saint Evangile au pays de leur naissance leur donner gratieux conge et licence d’y retourner pour y servir à Dieu et au dict Pays à l’avancement dudict saint Evangile autant qu’il leur en fera la grâce. Et leur donner attestation de leur bon portement en nostre dicte cité. Et aussi suyvant la bonne volunté que nous avons envers eulx retenir ceux que nous avons receuz à Bourgeois et ceux que nous avons receuz à subiectz et les leurs tousiours en telz degredz, veu que de leur part ilz veulent touiours nous estre tenuz.
Nous ayans iceux noz bourgois ouys et entenduz, combien que nous avons trouvé en eulx telle modestie et vertu pendant le temps qu'ils ont esté avec nous, que nous en avons receu grand contentement et plaisir comme de ceux qui servans à Dieu nous ont aussi esté obéissans et agréables en tous endroitz, totefoys nous esjouissans grandement au Seigneur de la sainte cause de leur retour en leur pays qu'il a pleu au Seigneur de revisiter. A leur requeste bénignement inclins, par meure délibération de nostre Conseil leur avons donné et outroye gratieux conge selon qu’ilz nous en ont requys, les retenans néanmoins pour eux et les leurs comme nostres es degredz de Bourgoisie et fidélité avec les tiltres, privilèges et appartenances d’ycelles qualitez par eulx acquises en nostre Cité, comme ilz l'ont suplié, et en tant que les libertez et coustumes de nostre Ville le peuvent porter. Prians Nostre
Dieu et Protecteur qu’il les ayt touiours en sa saincte garde et protection. En foy de quoy leur avons données les présentes soubz nostre seau commung et signet manuel de nostre secrétaire ce 30 du moys de may 1560.
Signé et paraphé :
