Qu'ils n'y reviendront pas de longtemps

DE Mariage. 65

ture la battra; mes il fera que foui. Si li dit le bon homme : <' Par le salut que je actens à avoir, s'il avient que jamès je le trouve ciens , ne que vous parlez à lui, je vous feray la plus courrocée que vous fustes oncques. — Par ma foy, fait-elle, il ne m'en chauldroit s'il estoit pendu : mais ainsi est, car qui ne pèche si encourt. Si je fusse femme qui me gouvernasse mauvèsement , je ne me merveillasse pas , et fusse mieulx de vous que je ne suy. » Or sont en noise. Et à l'aventure, par malice de lui ou d'elle, ilz seront une pièce sans coucher ensemble ; et est ce qu'elle demande : car, à l'aventure, l'escuier dont il lui a parlé viendra la nuit par Puis ' de derrière, ou montera par une fenestre. Après convient que la chose se rapaise, et convient que le bon homme commence la pai.x et la flate, car femme veut tousjours estre tlattée : ne il n'est si grant mensonge, tantsoit-il estrange, que elle ne croye tantoust, mes que ^ ce soit à sa louange.

Or passe ainsi le temps, jusques ad ce que le bon homme trouve par aventure la dame parlant à l'escuier dessusdit, en la meson ou à l'église, ou à une feste où il a esté, dont il entre en plus grant jalousie que davant. Il se deffeit^, et entre en plus grant pencée, et espie et enquiert , dont il fait que foui, car noble cuer de homme ne doit point enquérir du fait des femmes. Car si le bon homme sceit une foiz la faulte de sa femme, il entrera en telle maladie que jamès nul médecin ne l'en guarira. Et puis qu'il enquiert et serche sa honte et il la trouve, il est bien raison