I . Nous brouiller, me faire mal venir de vous

DE Mariage. 75

pource que je suy bien seure de moy, et ne vouloye point mettre de noise entre vous et lui , et cuidoye tousjours qu'il se teust. Hélas ! ce n'est pas sa faulte qu'il ne vous a fait honte. — Saincte Marie, fait-il, il est bien traistre! quar jamès ne me doublasse de lui. — Par Dieu, mon seigneur, s'il entre jamès en vostre meson , et que je sache que vous parle/, jamès à lui , je ne tiendroy jamès mesnage 0 vous ', car, par ma foy, de moy n'avez-vous garde. Si Dieu plest, je n'y commenceray pas maintenant : je prie à Dieu à joinctes mains que à l'eure qu'il m'en prendra voulenté, que le feu descende du ciel, qui me arde ^ toute vive. Hellas! mon très-doulx amy, fait-elle en l'accollant , moult seroye iraistresse si je vous fasoie mauvestié ne trahison , qui estes si bel, si bon, si doulx et si gracieu.x , et voulez tout ce que je veil. Jà Dieu ne plaise que je vive tant que je soye si paillarde ! Et aussi , mon amy, je veil et vous pri que vous deffendez ou faictes deffendre vostre houstel à celui dont le traistre m'a acusée , combien que au deable soit l'àme de moy si oncques jour de ma vie il m'en parla; mais, de par Dieu, je ne veil plus qu'il vienne en lieu où je soye. » Lors se prent à pleurer, et le bon homme l'apaise, et lui promet et jure qu'il tiendra tout quanque"' el lui a dit, sinon qu'il ne deffendra pas sa maison au jeune compagnon , qui n'en peut mez , et jure que jamès il n'en croira rien , ne n'en escoutera homme du monde. Toutefois il ne sera jamès qu'il n'en ait le re-

I. Avec vous. Plus loin on trouvera 0 ses commères , etc. ;. Brûle. — 5. Tout ce que...

mors , et le cuer ung poy mathé. Et conclusion : son amy, qui lui avoit ce dit par très grand bien, sera dorénavant le plus grand ennemy qu'il ait. Ainsi est abesté le proudomme , et pest l'erbe , et est transfiguré en une beste , sans enchantement. Or a-il du mesnage , et est en la nasse bien enclous. P^t fera mieulx la dame à sa guise que elle ne fist oncques mes. Et n'en parle jamais nul au bon homme, car il n'en croira jamès riens; et celuy que l'en lui a dit qui lui faisoit la villanie sera le meilleur amy que jamès il puisse avoir. Vieillesse le surprendra, et à l'aventure cherra en pouvreté, de laquelle jamès ne relievera. Voiez-cy la plaisance qu'il a trouvé en la nasse de mariage! Chacun se moque de lui; l'un dit que c'est un grantdomage, pource qu'il est bon home; l'autre dit qu'il n'en peut challoir, et que ce n'est que la règle du jeu, et qu'il n'est que une beste. Les gens notables l'en débouteront ' et- en lesseront sa compaignie. Ainsi vit en paine et en douleur, qu'il prent pour joies, esquelles demourra tousjours et fmera misérablement ses jours.