Il y a déjà longtemps. — 2. Fait le signe de la croix

74 Les QUINZE JoY ES

elle, et est-ce cela? Mon amy, j'ay grant joye dont vous le m'avez dit , car je me doubtoie que ce fust aultrc chose ; et je scey bien dont ces paroles sont venues. Mais pleust à Dieu , mon amy, que vous sceussez pourquoi il le vous a dit. Par ma foy, vous en seriez bien esbahy, pource qu'il se fait tant vostre amy : mais au fort je suy bien aise dont il a resvefllé le chat qui dort. — Et que y a il ? fait le bon home. — Ne vous chault, mon amy, vous le saurez bien une autre foiz. — Vraiment , fait-il , je le veil sçavoir. — Par Dieu, mon amy, fait-el, je estoye bien corrocée de quoy vous le faisiez si souvent venir ciens, et lessoye à le vous dire, pource que vous disiez que vous Pâmiez tant. — Dites-le moy, fait-il, je vous en prie. — Certes, mon amy, n'est jà mestier que le sachez. — Dites-le moy, car je le veil sçavoir. » Lors elle le baise et l'accolle moult doucement, et lui dit : « Ha ha ! mon très-doulx sire et amy, et me voulent-il faire mal de vous ', les faulx traistres? — Or me dites , m'amie , que c'est. — Par dieu , mon amy, que je ame sur toutes chouses qui sont en terre, le traistre en qui vous fiez , qui vous a dit les parolles, m'a priée plus de deux ans pour vous cuider trahir : mes je l'ay moult refusé, et y a mis moult grant peine , en maintes manières; et quant vous cuidiez qu'il venist ciens pour l'amour de vous, il n'y venoit que pour traison; ne il ne vouloit cesser, jusques à n'a gueres que je luy ay dit et juré que je le vous diroye. Mes je n'enduroye le vous dire, car il ne m'en chaloit,