S'amuser, se réjouir. — s- Partie de plaisir, débauche

DE Mariage. 79

niere de le dire. Et ont entreprins d'aller en voyage, pource qu'ilz ne peuvent pas bien faire à leur guise en leurs mesons.

Or est entreprins le voyage , et se départent d'ensemble. La dame dont nous parlons s'en va à sa meson , et fait mauvèse chère, et le bon homme aussi vient de la ville ou d'ailleurs de ses besongnes , et lui demande que elle a. «Sire, fait-elle, je suy corrocée , car l'enfant est trop malade (lequel en effect est tout sain); il est, fait-elle, si chault que c'est merveilles; et m'a dit la nourrice qu'il y a deux jours qu'il ne print la mamelle : mais elle ne l'ousoit dire. » Le bon homme est bien dolant , et le vient regarder et veoir, et lui en viennent les lermes au.x yeulx de

f)itié. La nuit vient, et quand ilz sont à leur privé', a dame souppire et commence à dire : « Vraiement, mon amy, vous m'avez bien oubliée. — Comment? fait-il. — Ne vous souvient-il, faitelle, comment je fus tant malade de noustre enfant, et que je me voué à Nostre-Dame du Puy, et de Rochemadour; et vous n'en faites compte ? — Avoy, fait-il , m'amie, ne savez-vous pas comment j'ay tant à fère, que je ne scey auquel obéir ? Mais le temps n'est pas passé. — Par Dieu, fait-elle, je ne seray jamès aise jusques ad ce que je m'en soye acquittée; et, par ma foy, j'ai ma créance ^ que l'enfant est malade du pechié que j'en ay fait. — M'amie, fait-il , Dieu scet bien la bonne voulenté que nous avons. — Ha a! fait-elle, ne m'en parlez plus : car certes je iray , s'il plaist à Dieu et à vous. Et