I . En paitculier. — 2. Je crois

8o Les quinze Joyes

aussi ma mère , et ma commère telle , et mon cousin tel y viendront : je ameroye mieux le souffretage d'ailleurs'. -> Etquoy qu'elle die, s"il y a souffretté ^, le bon homme l'aura , et non pas elle.

Le bon homme pense en ce voyage, car à l'avepture il n'a pas bien ce qu'il lui fault, et est en grant soussy. Or s'approuche Quasi modo, qu'il fault partir et aller oir les oiseaulx \ et convient qu'il face finance de chevaulx •♦, selon son estât , et convient que elle ait robbe à chevaucher ^ Et à l'aventure ira ung tel gallant en la compagnie , qui lui fera plaisir et service voulentiers sur le chemin, du bien de luy et de sa courtoisie. Et aussi pourra estre que le bon homme ira avecques elle; mes s'il y va, il lui vaulsist mieulx , de quelque estât qu'il soit , qu'il demourast à l'oustel , et deust ores porter pierres à son coul touz les jours. Car peut-estre qu'il n'a point de vallet, et convient qu'il luy face plusieurs services sur les chemins; et s'il avoit vingt valiez il ne souftiroit pas; aussi ne seroit-elle pas contente s'il n'avoit paine et meschief à desmesure. Maintenent elle dit que elle a un estref <= trop long et l'autre trop court; maintenent luy fault son mantel ; maintenent le lesse ; puis dit que le cheval trote trop dur, et en est