Une robe pour aller à cheval. — 6. Étrier

DE Mariage. 8i

malade; maintenent elle descent , et puis la fault remonter, et fault qu'il la maine par la bride pour passer ung pont ou ung mauves chemin ; maintenant elle ne peut mençer, et si convient que le bon homme , qui est plus crotté que ung chien , trote parmy la ville à lui quérir ce que elle demande. Et ce non obstant elle ne prendra rien en pacience. Et encore les aultres femmes de la compaignie dient ainsi au bon homme : <i V^raiement, mon compère, vous n'estes pas bon homme à mener femmes par pais, car vous ne sçavez. rien delesgouverner.i) Le bon hommelesescoute, et passe temps, car il est ainsi acoustumé à noises et à travail comme^goutieres à pluye. Or arrivent au Puy en Auvergne à quelque paine, et font leurs pèlerinages, et Dieu sceit si le bon homme est bien deboutté et foullé en la presse , pour faire passer sa femme ; or lui baille sa femme sa sainture et ses patenoustres , pour les toucher au.x reliques et au saint ymage de Nostre- Dame : et Dieu sceit s'il est bien empressé, et s'il a de bonnes coudées et de bons repoux '. Or y a de riches dames , damoiselles, bourgeoises , qui sont de leur compaignie, qui achaptent patenostres de coral , de gest -, ou d'ambre , aimeaulx ^ ou autres joyaulx. Or faut-il que sa femme en ait aussi bien comme les aultres; et à

1 . lia.... de bons repoux. Il est coudoyé, bousculé, repoussé. Nous allons trouver le même mot avec un sens tout différent.