I. Cherché

villeny ne de son deshonneur, mes moult a eu à souffrir, qui y penseroit bien. Et à l'aventure il a de belles filles qu'il a sagement mariées. Si avient que pour les grandes peines et travail/., les malles nuiz et les froidures qu'il a eues pour acquerre chevance et vivre à honneur, comme ung chacun doit faire , ou pour accidens , ou pour vieillesse, le bon homme chiet en langour de maladie, de goûte, ou d'autres choses , tellement qu'il ne se peut lever quant il est assis, ne partir d'un lieu , ou est pris d'une jambe ou d'un bras, ou lui sont venus pluseurs accidens que l'on voit avenir à pluseurs. Lors est la guerre tinée, et est tournée la chance mallement : quar la dame, qui est assez en beau point et plus jeune à l'aventure que lui , peut-estre , ne fera plus rien sinon ce qu'il lui plaira. Le bon home est atrapé, qui avoit fort entretenue la guerre par maintes manières. Les enfans , que le bon homme avoit tenuz en doctrine et tenuz court, seront mal instruiz dorénavant , car si le preudome les veult blasmer, la dame sera contre luy; dont il a grand deul en son cuer. Et encore est en dangier de touzses serviteurs ' pour le service qu'il luyfault, qui est bien grand. Et combien qu'il a aussi bon sens qu'il eut oncques , si lui font-ilz acroire qu'il est assoti , pource qu'il ne peut hober d'ung lieu. Et à l'aventure son filz aisné vouldra prendre le gouvernement de soy, par la soustenance de sa mère, comme celui à qui sa

I. Sous la dépendance de ses domestiques, ou bien est privé de leurs services* Le mot dangier a ces deux sens et beaucoup d'autres.

mort tarde; dont il est assez de telx. Et quant le proudomme se voit ainsi gouverné, et que sa femme , ses enfans et serviteurs ne font compte de lui et ne font rien qu'il commande , et mesmement ne voulent pas à l'aventure qu'il face testament, pource qu'ilz ont senty qu'il ne veuli pas donner à sa femme ce qu'el lui demande, et le laissent aucunesfois demy jour en sa chambre sans aller devers lui ; et endure fain et soif et froit. Et pource le preudome, qui a esté discret et sage, et encore a très-bon sens, entre en desolacion moult grant de pencées, et dit à soymesmes qu'il y pourverra, et mande sa femme et ses enfans : laquelle femme lesse à l'aventure à coucher o luy, pour son ayse, car le bon homme ne peut plus rien faire, et se plaint et deult. Hellas! tous les plesirs qu'il fist oncques à sa femme sont oubliez, mais à elle souvient bien des riotes qu'il luy a menées, et dit à ses voisines qu'il luy a esté mal homme, et lui a mené si malle vie que , si elle n'eust esté femme de grant pacience, el n'eust sçeu tenir mesnage avecques luy. Et qui pis est, elle dit souvent au bon homme que pechié lui nuist '. Et à l'avenventure el est une vieille saiche , aigre et arguant ', qui se venge ainsi de lui de ce que elle n'avoit pu estre mestresse de lui le temps passé, pource qu'il estoit homme discret et sage. Et povez bien penser si le bon homme est bien aise